IBRIMI 10:34 - Sumi Naga CL (Re-edited) Bible (BSI)

³⁴ Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

BAIBEL (BSI)

³⁴ Nonguno akughumi sasu imekuqhae eno kughono nongu wu tinhemgha kumtsu sukisheluvetsu keno nongu mlo hauvemono kutuuluveke, kughengu nonguye kuakini akiviu khikhino alhokupuju ache nani keno tipau achephikepi nonguno ithi akehue.

Sümi Tiqhelimi Bible

³⁴ Nongu ye akughuki lo akemiqo gholo imeküqha ke eno nonguw tinhemüghaqo ikhiluve tsü kelo alokivishi ke, kughengu nongu ye nolikhi no ghenguno tinguno amheghi akiviu eno pepushu nikeu ani kepi ithi ake.

IBRIMI 10:34 Iomraidhean Croise

YETSAPIU 3:6

phukepu do, eno pühave kepu do; hekütsü kepu do, eno peve kepu do;

MATTHEW 19:21

Jisü no pa vilo pi, “Nono kupukülai lunishi aye wulo, nono aghi keu kümtsü jepe kumlhomi tsüvelo, no ye kungugha lo o küakini aniae; tishino ighi püzü I papelo.”

Luke 10:42

ikemu thime lakhi avehupu shi ani. Mary no asaje aloke kishe luvae, eno li launo ti luve tsümo nani.”

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

Luke 9:25

Kughengu timi lakhi no ayeghiqha kuchopu paw shive namu pa küxü pühave momu aghime shive aye, pa ghenguno kiu ala ani kea?

Apostolmi 21:33

Zatsüu no ighi no Paul küghape ayikichhe kini pesü pa tshüve lopi azah tsü. Pa no Paul ye khuu eno kiu shive keno ighiju.

Apostolmi 28:20

Ikehu hipa vehu ghenguno ni ye nongu sasü kusho no küptsa niye kue, kughengu Israelmi lajupu ghenguno ni ye ayikichhe hipau no I tshüpe ani.”

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

Ephesiami 3:1

Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 6:20

hi ghenguno ni ye akughu shi akeu lashikami ke. I pelo msaighü mono pi apenike inikhu tsülo.

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

1 Tim. 6:19

Hitoi shikeu lono pano sala akini pekütsüpe hithiu ghenguno aboqha shimasae, tishikeu lono panongu ye kuchou küxü tsüqülu nani.

2 Tim. 1:16

Ampeu no Onesiphorus kibolomi shou küpükini tsü peniu, kughengu ghuthu kutomo lo pa no I ghüthi püxütsü eno I no akughu yikichhe lo akeu jupe kujomzave moe;

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

IBRIMI 13:14

Kughengu ayeghi lo ningu ye haumoni keu phughi kühae, ikemu ningu ye ighini ye akeu phughi phucheni.

IBRIMI 13:3

Nongu no akughumi gholo akughushi akeshi panoqo kümsü lulo, nongu ampi no shilusa akeshi aghimeshi akeqo kümsü lulo.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

1 Peter 1:4

kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.