IBRIMI 10:32 - Sumi Naga CL (Re-edited) Bible (BSI)

³² Ikemu wovekeu ghuloki lo nongu no aküvü ithuluve kethiu kishi kutuokutuu aghime kitikhi puqhe keno kümsü julo,

BAIBEL (BSI)

³² Ikemu wovekeu tsalaqolo Alhou wu akuvuno nongu shou yepuvuve kethiu nonguye kishivekeno kumsuchilejulo. Nonguno kutuu puzu aghimeshi shilukusa sasu kushoke.

Sümi Tiqhelimi Bible

³² Püzüu tsalaqo lo nongu no Jisü ithiluve kethiu, nongu no aghime chhitoi keu küküpüna kijè puqhe keqo hu kümsülulo.

IBRIMI 10:32 Iomraidhean Croise

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

FILIPIAMI 3:16

Ikehu ningu no kiu toluve akeno tilikhi mtotoi peluni nolo.

Kolosiami 2:1

Nongu eno Laodicea lo küami ngo khunoqo I sasü kusholu mphi keno, ni ye nongu ghenguno ime mla akeu nongu pelo ithi penishi ani,

IBRIMI 12:4

Nongu no axine küpüghü kelo nongu ye ajikuqo kutolo shiju mphie.

IBRIMI 5:12

Kughengu itehi nongu ye shikükami shiuve aghi kepu kelaye itaghi kütamiu no Alhou no tsükeu boqha tsape pesü nongu shika kepushi aphi kena. Nongu ye akümka chuqupu züqhulo akichhizü avehupu shiaphie.

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

IBRIMI 6:4

Kughengu kushokütsüpu lakhi akeu ye, khunono ghuthu lakhi lo Alhou küvü lo ache, kungugha gho michelu, Aghungu Kimthe gho küsajelu,

2 John 1:8

Nongu jukutolo, tishianguno nino nongu ghenguno kiu mla püani keno pühave mono nongu no asaxü qhoi ithulu nani.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.