IBRIMI 10:30 - Sumi Naga CL (Re-edited) Bible (BSI)

³⁰ Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.

BAIBEL (BSI)

³⁰ Kughengu khuno, “Ino amukhulu nani, ino lochiletsu nani,” ipi pikeno eno itaghi khuno, “Ampeu no pawu timi shou kughatha nani,” ipi pikeno, tipau ninguno ithi ani.

Sümi Tiqhelimi Bible

³⁰ Kughengu ningu ye khuu no, “Amkhü ye I no lunani; I no lochile nani,” eno itaghi, “Ampeu no paw timiqo shou küghathabe nani,” ipi keno pa ithi ani.

IBRIMI 10:30 Iomraidhean Croise

LESHELE 135:14

Kughengu Ampeu no Paw timiqo saphu nani, eno Pa qemiqo kimiyeqhiyi tsü nani.

LESHELE 50:4

Pa no Paw timi shou küghatha beniye atsütsü eno ayeghi kusü:

LESHELE 94:1

O Ampeu, amkhükulu Lhou; O amkhükulu Lhou, yepüvü tsü lo!

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

ISAIAH 63:4

Kughengu amkhükulu tsala ye I mlo lo ani, eno I no xaluni keu mpe ye ighivae.

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

EZEKEL 34:17

“I mbelojiqo, nongu ghengu ye, Ampeu Alhou no ishi piani: Julo, I no ambe ngo ambe, eno ambetsü ngo anetsü dolo küghatha nani.

ACHINE 19:18

No ye amkhülu moni momu now timi mithi moni, ikemu o likhi o toi o kisüghüu kimiyelo: Ni ye Ampeu ke.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

Rommi 13:4

kughengu pa ye o kivipu shitsüni ye Alhou ghinimi lakhi ke. Ikemu nono akumou shive aye msa kepu ani, kughengu pa ye adou loye azütakikihi pemo nani. Pa ye Alhou ghinimi kehu alhoksa kümlami shou Alhou loghu süghi cheni.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

SAMUEL ATUGHIU 25:26

Ikehu itehi, Ampeu xü anike eno I mpeu no xüake toi, nono aji peleni ye akeu lono Ampeu no o hakhalu ketoi, itehi o ghümi eno khunoqo o shou alhoksa shiniye phucheni keno tipaqo pelo Nabal toive pelo.

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.