IBRIMI 10:11 - Sumi Naga CL (Re-edited) Bible (BSI)

¹¹ Achinemi no tsalakipetsü puthugho no pa kümlapu shi acheni eno khilemu axine peve tsümlani keu ghakishi pesü anguno anguno tsü acheni.

BAIBEL (BSI)

¹¹ Judami achinemino tsalakipetsu puthughono pa kumlapu shi acheni eno lhoxu heqhipe mllakeu hipaphi likhi pesu anguno anguno mlla acheni, ikemu tipaqoye khilemu axineqo ikhisuwuve tsumlae.

Sümi Tiqhelimi Bible

¹¹ Atsala kipetsü achineu lakhi ye puthugho no achineye kümlàpuqo shi acheni; anguno-anguno pa ye aghakishi atho khikhi khilemu axinéqo ikhipe wuvelu chemo keno tipau pesü mülá acheni.

IBRIMI 10:11 Iomraidhean Croise

IPEKULU 29:36

eno axine pevekütsü ghenguno tsalakipe amshitsü lakhi pesü mlla lo. Kughou nono axine pevekütsü ghenguno tishini keno, akümlla-khache ghi shikimthe lo, eno tipau kishekimthe lo.

ISAIAH 1:11

Ampeu no pi ani: “Nongu ghakishi hijeje kiu ala ani kea? Ni ye akipti kümllagho ghenguno ambetsü eno akivishi lojive keu lhoxü tha lukümkha ani; Ni ye amshitsü, momu ambeti ngo ane hipaqo ji pesü I züküvü shichemoe.”

EZEKEL 45:4

Ayeghi tipau lo hi ye akimthe saje shini. Hi ye achinemi, khunono akimthe chineki lo huthu acheni eno Ampeu zülo ighi no huthu acheni keno panoqo ghenguno ke, ti ye panoqo kungoki shi nani eno achineki ghenguno akimthe-a lakhi shi nani.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 8:11

Akibo no aqokitikhi gholo Kükapuu toi kije shive. Eno tsalakipe kipti kümllagho Pa launo pewuve, eno Pa kimthe-a kütsave tsü.

DANIEL 9:21

I no akighini shi ake lono Gabriel, timi khuu kungunhetsü atüghüu lono I no ithulu püa keno, pa no mtazü avelau ghakishi ghuloki lono I lau yeighi.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

MICAH 6:6

“Ni ye kiu pesü Ampeu zülo ighini eno akiqheu Lhou zülo qhoqhüni kea? Ni ye Pa zülo akipti kümllagho, ampe lakhi mishi peighini keo?

AKIKIHI 28:24

Tipaphi shi nongu no atsala tsüni Ampeu lopushi tsüngqüi keu chuqupu kümllagho pesü Pa tsülo. Ti ye tsalakipe kipti kümllagho ngo atsaizü kümllagho gholo küqhano tsüni.

AKIKIHI 28:3

Itaghi ishi pilo, Achuqupu kümllagho ishi Ampeu lau süghini: tsalakipe kümllagho shi ampe lakhi mbetsü tukutiye kühakeu kini.

AKIKIHI 29:6

hi ye aqhi kithelo akipti kümllagho, athi kümllagho, eno tsalakipe kipti kümllagho ngo athi kümllagho eno atsaizü kümllagho nguno alau tsüni keu ke; eno ayezah kiqi lono Ampeu lopushi tsüngqüi achuqupu kümllagho tsü keu ke.

IBRIMI 10:1

Ayezah ye thime kuchou akeqo kumono thime kivi ighi niye akeu julho keke, ti ampe atsütsü ishokibe aghakishi atho tsüche keu ye mlla niye kupunu ighi akemi pesü khilemu kupukülai tsümla nani.

IBRIMI 10:4

Kughengu amshitsü ji ngo ane ji ye khilemu axine ikhive tsümlae.

IBRIMI 5:1

Kughengu timi no achinetou kishe keu thaqhü ye axine ghenguno timiqo züqhushi Alhou lau akümllagho ngo aghakishi tsü penike süsü cheni.

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

IBRIMI 8:2

pa ye timi no shikeu kumono Ampeu no shikeu phiki kuchou, akimthe-a lo hukuthuu ke.

IBRIMI 8:4

Pa no ayeghi lo aghike aye, achinemi shimoni cheke, kughengu Ayezah kiqi lono akümllagho pesü mllani kemi achinemi akhani.