IBRIMI 1:3 - Sumi Naga CL (Re-edited) Bible (BSI)

³ Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

BAIBEL (BSI)

³ Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

Sümi Tiqhelimi Bible

³ Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 1:3 Iomraidhean Croise

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

JOB 37:22

Ameshoyi mülapui keu toi ahuu no Alhou kükanguagha no Pa vehope ighie.

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

LESHELE 75:3

Ayeghi eno tile küxümi kümtsü sükuchoqhi kelo, tipa tsükuchoqo mtotoi ngolupe keu ye I no ke.

YETSAPIU 8:4

Pa tsa no ashekhau xakütha eno khuu no pa vilo ishi piluni kea, “No ye kiu shi ani kea?”

ACHINE 15:15

Achineu no lakhi pesü axine kümllagho eno lakhiu no akipti kümllagho shi tsüni, eno timi tipau shikimthe tsüni.

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

MATTHEW 22:24

“Shikükau, Moses no pi, ‘Milakhi no atianuli kühano thive aye, pa thiküzüu no pamu nipu sasü külave no pa sala atianuli shitsü masae.’

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 1:4

Pa lolo aküxüpu ae, eno aküxüpu huno timiqo küvü ke.

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Apostolmi 7:56

Pa no pi, “Julo, atsütsü khaqhi no Alhou u ajeu Timi Nu puthugho akeu I no ithulu ani.”

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

Kolosiami 3:1

Tsala Khristo gholono nongu xüputhu püaghi aye, kungugha khile Khristo no Alhou u ajeu iqa ani keno, tilau thime akeqo shou nongu mlo belo.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 1:13

Itaghi Alhou ye Paw kungumi dolo khuu vilo ishi pi püania, “I no o ghümi pesü o pukhu kinepu-a shitsü moke kutolo I u ajeu iqalo”?

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

IBRIMI 9:16

Milakhi no amheghi tsüniye yepüa kelo pa ye thivae pikeu paghi mtsüqhei lumasae.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

2 Peter 1:16

Kughengu kughou nino ni Mpeu Jisü Khristo küka eno Pa ikighi ghili nongu lau kilethitsü keno, ningu ye mqümgha shi iqüphe keu küghakiche tsa papemoe, ikemu ningu ye Pa kükanguagha thopimi ke.

2 Peter 1:17

Kughou Apu Alhou no agigihu eno ajuküvü Pa tsü, eno ajuküvüpu kükanguagha sütsa huno, “Hi ye I Nu I qhuu, I mlokiqi Pa lau acheni,” ipi ashepe tsü keno,

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 3:5

Nongu no ithi anike Jisü ye axine süwuve tsüniye ighi ke, eno Pa küdau ye axine kiumu kühae.

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”