IBRIMI 1:2 - Sumi Naga CL (Re-edited) Bible (BSI)

² ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

BAIBEL (BSI)

² Ikemu itehi ashekhalau tsalaloye pano Anu lakhi vechewo ningu vilo pivae. Alhou no pa vechewo atsutsu ayeghi kumtsu lhoke eno pa pelo thwokhalo amheghi kiyighiu shitsuke.

Sümi Tiqhelimi Bible

² ikemu hi ashekha tsalaqo lo ye pa ye pa Nu, khuu thime kümtsü mheghi kiyighiu shipe niye pa no süküsü shi, eno khuu vechewo pa no ayeghiqha lhosü keno, pa vechewo ningu pütsa ke.

IBRIMI 1:2 Iomraidhean Croise

BOTHUBO 49:1

Tithiu Jacob no pa nuliqo kuno pi, “Nongu aqoshi hekütsülo, tishianguno ighini keu tsala lo nongu lau kiu shinani keno I no nongu vilo pini.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

JEREMIYA 30:24

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 48:47

Ikeghi hithiu tsala lo I no Moab ngukümgha tsüchile nani, ipi Ampeu no sheshu,” Hi no Moab shou küghakütha ke.

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

DANIEL 10:14

eno ighini keu tsala lo ow timiqo lau kiu shiniye ani keno o pelo vethalu peniye ighi ani. Kughengu kungunhetsü ye ighini keu tsala ghenguno ke.”

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

MICAH 4:1

Ashekha tsala lo hi ighi nani Ampeu ki akeu naghuto ye, kümtsü gholo akiqheu shive nani, eno atoghiqo nguno akiqheu shi ikhiqhe nani; ashiayeqo no tile chokive ighi nani,

AKIKIHI 24:14

Itehi ni ye niw timiqo lau woniae, ikemu timi hipaqo no hithiu now timi lau kiu shinani keno I no o kütüghüve tsüni.”

MATTHEW 13:39

Eno khuu alupi yisüve tsü keno, ti aghümi huye tüghami ke. Ghile huno tiqheli shekuho, eno ghilemi no kungumi ke.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 21:38

Ikemu kughou mishikulumi no anu ithulu keno, panongu lakhi no lakhi vilo pi, ‘Hi no amheghi kiyighiue. Ighilo, ningu pa pithive no pa mheghi luveni nolo.’

MATTHEW 26:63

Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Mark 1:1

Alhou Nu Jisü Khristo tsakiviu ghili hukuthu.

Mark 12:6

Ti kutolo alu pighiu ye itaghi kimiye kicheu nu ake. Ikehu ashekha shi pa no kümsü ghi puwu, ‘Panongu ye I nu gihu nani.’

Mark 12:7

Ikemu mishikulumi no ishi pikile, ‘Hi no amheghi kiyighiu ke ighilo, ningu pa pithiveni eno amheghi pesü niw shiveni.’

John 1:10

Pa ye ayeghi lo ae, eno ayeghiqha ye Pa vecheo lhoke, ikeghi ayeghi lomi no Pa ithimoe.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:3

Pa vecheo thokha lho eno Pa sümo keloye kiumu lho püamoe.

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 13:32

Pa vecheo Alhou jekipipu shiaghi aye, Alhou ghi Pa ampi pesü pa lau no ajekipipu shinani, eno paikhavi no pa jepipi tsü nani.

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

John 16:15

Apu no akeu kümtsü Iw, tighenguno Aghungu no kiu Iw keno tipau pesü nongu vilo pi nani ipi I no pike.”

John 17:2

Kughengu Nono khunoqo pesü pa tsü keno tipaqo lau lhokta küxü tsü peniye timi kümtsü shou no aküka pa tsüvae.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 3:25

Ikelo John khopemi khami ngo Jewmi lakhi dolo qhukimthe keu chineye vehu ghenguno kütsala ipeghive.

John 5:26

Kughengu Apu no Pa lolo aküxüpu aketoi, Pa no Nu pelo ghi aküxüpu pa lolo apenike tsüvae.

John 5:27

Pa no Anu pelo küghatha penike kükagha tsüvae, kughengu pa ye Timi Nu ke.

John 9:29

Ningu no ithi akeu no Alhou ye Moses pütsae, ikemu timi hupau ye pa no khilano ighi keno ningu ye mthae.”

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Apostolmi 2:17

“‘Alhou no sheshu, ashekha tsala lo hitoi nani, I no timi kümtsü shou I Ghungu lepuku nani, no tianuli no tungkuptsa pi nani; now apumiqo no kungunhetsü ithulu nani, eno now muchomiqo no asamo pumo nani;

Rommi 1:4

kemu Pa lolo akimthe nguagha akeu kiqilou ye Pa no akithi lono xüthughive keu vecheo aküka lo akeu Alhou Nu shi penike shuphetsü keno, ni Mpeu Jisü Khristo ghili huke.

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

1 Kor. 2:7

Ikemu ningu no Alhouw tuqhou eno küsü püakeu lokütsü picheni, ti ye mulhou no Alhou no ningu juküvüpu ghenguno kughuve tsüke.

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

ZAKINIU 18:15

“Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ZAKINIU 4:30

Nongu no shiluküsa lo akelo, eno hithiu hi kümtsü nongu shou ikughive kethiu, nongu no Ampeu nongu Lhou lau ideighi nani eno Pa gholu nani.

IBRIMI 1:5

Kughengu Alhou ye kungumi dolo khuu vilo, “No ye I Nu, ishi tsala lono I no o Pu shiluvae.” Momu itaghi, “I no Papu shini, eno pa no I Nu shinani” ipi püania?

IBRIMI 1:8

Ikemu Anu ghengu ye Pa no ishi pi, “O Alhou, O kükalakhü ye pülhapuju eno alholo ke, O mikucho küsü huno O kükaqha yepeu ke.

IBRIMI 11:3

Atsütsü ayeghi ye Alhou tsa vecheo lhophe kepi ningu no aküpülü lono vethalu cheni, tishikeu lono kiu ithulu ani keno ti ye ithukulu thime lono lhoke kumoe piniye ke.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 5:8

Pa ye Alhou Nu shi anamu aghime vecheo aghokulu shikalu.

IBRIMI 7:28

Ayezah no miqemlei kemi pesü achinetomi shi penike süsü cheni, ikemu Alhou shoqhi tsa, khikhi Ayezah thiuno ighi keno, tino alholo ghenguno Anu kupukülai keu süsüke.

IBRIMI 7:3

Pa ye apuaza küha, alagha kughuko küha, pa küxü bothu eno ashekha küha, ikemu Alhou Nu kimihi shi pa ye alholo achineu ke.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

Jude 1:18

Panongu no nongu vilo pi ke, “Ashekha tsala loye jukünatha kemi ipeghi no Alhou sümo keu ngosükümla lhoaye pape nani.”