HOSIYA 9:8 - Sumi Naga CL (Re-edited) Bible (BSI)

⁸ Tungkupu ye I Lhou gholono Ephraim kheu huke; ikeghi pa laghi kümtsü lo ashihami lichhe ani eno akimthi no pa Lhou kilo ani.

BAIBEL (BSI)

⁸ Alhou no pawu timi Israilmi kutughu peniaye tungkupumi lakhi shi-ghi ipuwuke. Ikeghi, ino khile khile wuni keno tikumtsulo aghau lakhi toi imeluveniye nonguno pukaputsa cheni. Alhou wu ayeghilo akemiqoye tungkupmi ghumike.

HOSIYA 9:8 Iomraidhean Croise

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 18:1

Atsala kutomo thiu ampe aküthüu lono Ampeu no Elijah vilo pi, “Ahab zülo wulo eno I no tsütsüghu puwu tsüni.”

KUKAMI ATUGHIU 18:19

Tighenguno itehi Israelmi kümtsü Carmel Toghi lono I sasü kusholu penike azah shilo, eno Baal tungkupmi 450 ngo Asherah tungkupmi 400 khunoqo kükaliu Jezebel gholo aghulhu shi acheni keno tipaqo ghi saghilo.”

KUKAMI ATUGHIU 22:11

Chenaanah nu Zedekiah no pa sala ayi kiboqo mlape Ahab vilo pi, “Ampeu no ishi piani, ‘Akibo hipaqo pesü nono Syriami kütsa khamoke kutolo tuchile nani.’”

KUKAMI ATUGHIU 22:22

Ampeu no pa vilo pi, ‘Kishi no shini kea?’ Aghawu no pi, ‘I no wuno paw tungkupmi kümtsü kichi lo akimki ghungu süve tsüni.’ Pa no pi, ‘No ye pa züiza no tolu nani ke wulo.’

KUKAMI ATUGHIU 22:28

Micaiah no pi, “Nono akivishi ideighilu aye, Ampeu ye I pütsa püamoe.” Eno pa no pi, “Nongu kümtsü hi inilo!”

KUKAMI ATUGHIU 22:6

Israel kükau no tungkupmi 400 qhalo kukütsü no pi, “Ni ye Ramoth-gilead lewu kepu kema?” Panongu no pi, “Lewulo, kughengu Ampeu no tokulu akükau tsü nani.”

KUKAMI AKINIU 13:21

Ghuthu lakhi lo milakhi kumo shiqho akelono paikhavi aghümi cheghi keu panongu no ithulu kehu asükumo pesü Elisha kumo lo vesüve, ikelo asükumo huno Elisha saghi dilu kemtsa timi huye aküxü shive no puthughove.

KUKAMI AKINIU 2:14

Pa no Elijahw hebephi pesü liküzü no azü lo hesü eno pi, “Elijah Lhou, Ampeu khile ani kea?” Kughou pa no azü lo hesü keno, azü no hula hila kikije kini shive eno Elisha no katha ikuve.

KUKAMI AKINIU 2:21

Tishino pa no azüpuki lo wuno amti pesü azü lo vesü no pi, “Ampeu no ishi piani, I no azü hipau shipivive tsüae; itehi ye kithiküha eno anuqive keu shimoae.”

KUKAMI AKINIU 4:41

Pa no pi, “Imaye ashomkhu süghilo.” Pa no ti pesü ali lo süno pi, “Timiqo pelo chu penike hami lephelo.” Ikelo kiumu shiküpsa kühave.

KUKAMI AKINIU 4:43

Ikemu pa qeu no pi, “Kishino ni ye hi pesü timi 100 piqi zülo qhitsüni kea?” Pa no itaghi pikithe, “Timiqo pelo chu penike tsülo, kughengu Ampeu no ishi piani, ‘Panongu no chu nani eno itaghi achili hami ipeghi nani.’”

KUKAMI AKINIU 5:14

Ikehu pa no Jordan lo iqi no Alhou timi no pikeu kiqi lono, ghuthu tsüni azü alou ilo pütsü, ikelo pa ye athoputho luve, pa phimpi no anga yiko toive, eno pa ye mithe luve.

KUKAMI AKINIU 5:27

Tighenguno Naaman pügha ye alholo ghenguno no eno o lagha shou ikughi niae.” Ikehu pa ye apügha no mürasü kimiye toi xapusü Elisha launo wuve.

KUKAMI AKINIU 7:19

Kepten huno Alhou timi khochile ke, “Alhou ampi no kungugha lono alashe mlani ke kumo aye, hi ye shilu nani keshea?” Eno pa no ishi pipüae, “Nono o nhethi no ti ithulu nani, ikemu no ye ti chulumo nani.”

KUKAMI AKINIU 7:2

Tile Kepten khuu bighi lo akükau no mungupe akeno, pa no Alhou timi vilo pi, “Alhou ampi no kungugha lo alasheqo mlani ke kumo aye, hi ye shilu nani keshea?” Ikemu pa no pi, “Nono o nhethi no ti ithulu nani, ikemu no ye ti chulumo nani.”

LESHELE 124:7

Alichhe kishimi launo aghau lakhi pokaluve ketoi ningu ye poka luvae; alichhe ye ichevae eno ningu ye poka luvae!

YETSAPIU 9:12

Kughengu timi ye pa do-aghuloki mthae. Akhame lo akha meluve eno alichhe lono aghau meluve ketoi, ado lhoksa lichhe no paikhavi timi meluve cheni.

ALE KIMCHI 3:3

Aphughi lo akhemi no itsüsü aphughi xüche kelono ni ithulu. “Nongu ye I ngulho no kimiye chekeu ithulu kema?”

ISAIAH 62:6

O Jerusalem, o liwoqo lo, I no aghukhemi qhivae; putho pucho panongu ye khilemu inaqhoive mo nani. Nongu khunoqo Ampeu pelo kümsüchile anipe keno, akulhoqhi kevilo,

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

JEREMIYA 14:13

Ikehu I no pi, “Ya, Ampeu Alhou, tungkupmi no panongu vilo picheni, ‘Nongu ye azütakikihi momu püqümiye mu ithulumo nani, ikemu I no a-a hipau lo aloino keu tsünani.’”

JEREMIYA 23:13

Samaria lo tungkupmi gholo I no angaghai keu thime ithulu: panongu no Baal jelono tungkuptsa pi eno Iw timiqo saküghüzüve.

JEREMIYA 31:6

Ephraim ghakhu lo akhemi no ku keu tsala ighi nani: ‘Ithulo, ningu Zion lo Ampeu ni Lhou lau iqhoni nolo.’”

JEREMIYA 6:14

Panongu no Iw timiqo zaku küthathai ikhilue, khilehimu külakishi kühamu ‘Külakishi, külakishi,’ ipi cheni.

JEREMIYA 6:17

I no o shou ghukhemi qhino pi, ‘Tsaqüi afuko ghügha inilo!’ Ikemu panongu no pi, ‘Ningu ye amlo tsümo nani.’

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.

AKUMLO 4:13

Hi ye liw tungkupmi xine eno achinemi kipimi ghenguno ke, panongu no li yeghi lono amikuchomi ji peleke.

EZEKEL 3:17

“Timi nu, I no o pesü Israel laghami ghukheu shive tsüae. Kughou nono I kichi lono atsa chiluni keno, no ye I ghenguno panoqo ghutu pilo.

EZEKEL 33:7

“Ikehu no, timi nu, I no Israel kibolomi ghenguno o pesü aghukheu shivae. Kugho kughomu I kichi lono atsa chilu kelo, no ye I no panoqo ghutu keu pilo.

HOSIYA 5:1

Hi inilo, O achinemiqo! Amlo tsüqhiyilo, O Israelmi! Akini xükholo, O akükau limi! Kughengu küghakütha ye nongu ghenguno ke; kughengu Mizpah lo nongu no alichhe ilhouve ke, eno Tabor shou akhame sükhope qhike.

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

MICAH 7:4

Pano dolo akiviu no asahu toi, eno shishe akümzüu no asahu ghutu lakhi toike. Nongu hikuju eno ghimeni keu tsala ye ighivae; panoqo no kübangüni keu ye itehi au lo auvae.

John 15:24

Khunomu shichemo keu kümla I no panongu gholo shimo keaye panongu ye axine shikeu küküqü kühani cheke, ikemu itehi ye panongu no ithuluve akehu, ni eno I Pu nikujo mithi ani.

Rommi 3:7

Ikemu I kimki lono Alhou jekipipu shi Pa chipiu kighishelu aye, kushiye itehimu axinemi toi I pimi aphi kea?

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.