HOSIYA 9:4 - Sumi Naga CL (Re-edited) Bible (BSI)

⁴ Panongu no Ampeu lau atsaiji kümllagho tsümo nani, eno pano ghakishi ye Pa lopiqi tsümla nani. Ti ye mloqa akemi sho toi, tipau chukemi kümtsü kitiqeve nani; kughengu pano sho ye panongu müzü ghengu likhino ke; tipau ye Ampeu kilo peighimo nani.

BAIBEL (BSI)

⁴ Inaghami yeghilo panonguye atsayiji pesu AMPEU lau akumllagho tsulukepu shimo nani momu lhoxu heqhipe pa lau sughi mla nani. Khunoqono panoqo chuqupu chuni keno kumtsu kitiqeve nani, tiye akumo shiqhokelo chuqupu toi nani. Tiye panongu khuava ghapiqini keulo likhi peitha nani; tipaqo gholo lakhimu AMPEU chinekilo akumllagho shi puwulumo nani.

HOSIYA 9:4 Iomraidhean Croise

IPEKULU 29:40

Ambeti atüghüu gholono asho kukubo ahu lakhi pesü kiumu kitemo keu olive thazü ahu lakhi lo kunuve no mllani. Atsaizü liter lakhi pesü akümllagho shikeu lo leqhilo.

IPEKULU 40:23

eno Ampeu no Moses azah tsüke toi tile Ampeu zülo asho kithipe qhi.

ISAIAH 57:6

Akhila lo atumloqo no nongu saje ke; tipaqo shou no nongu no asaqhi cheni; tipaqo lau nongu no shokepu kümllagho ngo athi kümllagho pesü tsüke. Ni ye hipaqo shou aloqini keshea?

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JEREMIYA 16:7

Khunomu asho süwo kithimi ghenguno mlo akemi lokughuno tsümo nani, pa puaza laumu alokughuno tsünike azü piyemo nani.

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

EZEKEL 24:17

Amloghime tuthu shelo, ikemu asütsa kuloghi lono shephe kevilo; akithi ghenguno akumlo shikevilo. O kütsü küküzüphi khapu luvelo, eno o pukhukuqho xapu lulo; o kichi küzü kevi momu timi shopa chukevilo.”

EZEKEL 24:22

Nongu ye I no kiu shi keno tishi nani; nongu no nongu kichi küzümo nani, momu timi shopa chumo nani.

DANIEL 1:8

Ikemu Daniel ye akükau chuqupu momu pa no shoche keu ji pelo pa shipixi pemo nike xathave. Tighenguno pa no shokomi atou vilo pa ampi shipixi monike pulotsü peniye iniju.

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

HOSIYA 7:16

Panongu no ideighi, ikemu kunguu küdau kumoe; panoqo ye thekuchu süzü toie; panow kükapumiqo no timi kiphikumo mili xapu kehu azütakikihi lono ikiqive nani. Hipau ghenguno Egypt yeghi lo panongu cheqhi nani.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

JOYIL 1:9

Athi eno atsaizü kümllagho ye Ampeu ki lono süwuvae. Ampeu chinemi eno hukuthumi no mloqa anie.

JOYIL 2:14

Khuu no ithi ani kea Pa mlo kilive no kükümgha süghi tsüluvi, eno Ampeu nongu Lhou mllalu pe kepushi athi ngo atsaizü kümllagho tsüluvi ke.

ACHINE 17:11

Kughengu aküxü ye aji lo ani, eno tino akiptia lono timiqo xine lovetsü penike I no azah shitsüe, aji huno timi xine tha-lovetsü cheni.

ACHINE 21:17

“Aaron vilo pilo, Tiqheli kupuju lo nongu polo kughukomi aphimpi lo tukutiye akemi khumu achuqupu kümllagho I lau süghi moni.

ACHINE 21:21

Achineu Aaron polo kughukomi aphimpi lo tukutiye akemi khumu achuqupu kümllagho I lau süghi moni.

ACHINE 21:6

Panongu ye pano Lhou lau akimthe shini eno Pa shipütha moni. Kughengu panongu no Ampeu chuqupu kümllagho pesü mlla cheni kehu akimthe shini.

ACHINE 21:8

Achinemi ye akimthe kepi kihilo, kughengu pa no achuqupu kümllagho pesü nongu Lhou tsücheni; nongu shikimthe chekeu Mpeu ye akimthe kehu achinemi ye akimthe kepi kihilo.

AMUS 5:22

Nongu no akipti kümllagho ngo athi kümllagho süghi namu I no ikhilu tsümo nani; eno now athakupu lhoxü pesü külakishi kümllagho shikeu Ni ye tipa shou jupukumo nani.

MALAKI 2:13

Thime akiniu hipau nongu no shi ani. Nongu no ighamku eno qakeu nhezü kipiji vecheo Ampeu kümlla khache pütsü cheni, kughengu Pa no nongu kümllagho kihi tsüamo momu nongu u lono kimiyeqhiyi ti ikhilutsü amovae.

AKIKIHI 19:11

“Khukhumu akithi kumo diluve keu ye atsala tsüni ghenguno achinepu lo mithe move nani.

AKIKIHI 28:2

“Israelmi azah tsüno pilo, ‘Nongu ye ado kihikütha do kiqi lono I kümllagho, I chuqupu, I chuqupu kümllagho, I lopu xokütsüngü, süghilo.’

AKIKIHI 4:7

Ampeu zülo asho kibepu shou panongu no atsüla phi qhano tipau shou akhu ajukhu, axokütsüngü kümlla bohu, atsaizü kümlla khu-ajukhu; alhoaye lo asho qhiche keu ghi tile qhini.

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

ZAKINIU 26:14

I no mloqa akelomu ni ye chighi saje chumoe, I no mithe move namu kiumu ikhilumoe, momu tipau lono ikhipe kithimi lau akümllagho tsümoe. Ni ye Ampeu I Lhou gholu eno Nono azah tsükeu kiqi lono thokha shivae.