HOSIYA 9:12 - Sumi Naga CL (Re-edited) Bible (BSI)

¹² Panongu no atianuli saputhu namu I no pano mlo ghujushi pithikhave tsü nani. Kughou I no panongu qhiveni keno panongu ye ahasapue!

BAIBEL (BSI)

¹² Ike panonguno atianuli saputhu puaghi pinamu ino tipaqo ikhisuwuve nani eno milakhimu puxumove nani. Kughou ino timi hipaqo qhiveni keno akumsa kuighupu panoqo shou ikughi nani.”

HOSIYA 9:12 Iomraidhean Croise

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

JOB 27:14

Pa tianuli no ikowo aghi namu ghüyi lono wonani, pa polo kughuko ye achuqupu lukümkha ithulumo nani.

JEREMIYA 15:7

I no aphughi khagho lono asüküba pesü panongu vepuku no fule nani; I no Iw timi kütsavae, pano mlo ghujuve tsüae, panongu ye pano laghi lono tsüghü moe.

JEREMIYA 6:8

Kütü keu lulo, O Jerusalem, tikumo aye I no o launo tsüghüve nani, o küghape pighive no küghüna mokeu yeghi shive tsü nani.”

AKUMLO 2:20

O Ampeu, julo! No ye khuu lau hitoi shiju kea? Totimi ye pano tita lo xathi, atianuli pano no tuchomjo chekeu chuni keshea? Ampeuw akimthe-a lono achineu ngo tungkupu pithini keshea?

AKUMLO 2:22

Nono tiqhetini tsala lo toi aqha kümtsü lono I shikichi kepu kusü, eno Ampeu mlokighide tsalani khumu pomla momu xümlave; I no khunoqo khape eno saputhu keno I ghümi no kütsave.

HOSIYA 7:13

Panongu hasapue, kughengu pano ye I launo kauvae! Panongu kütsave nani, kughengu panongu no I hebidevae! Ni ye panongu xachile lunishi anamu panongu no I shou akimki tsa pichenie.

HOSIYA 9:13

Ephraim ye I no ithuluke atsüni-a lo amsabo lhothe toi; ikemu Ephraim ye pa tianuli sasü ghikiqhi-a lo wu masae.

HOSIYA 9:16

Ephraim ye micheqhivae; pano kuhu ye qhaivae; panongu ye axathi pithimoae. Panongu no atianuli punu namu, I no pano no qhuivü chekeu tianuliqo pithive tsü nani.

MALAKI 2:12

Alaghami dolo khukhumu hipa gholau no akümllagho pesü aqokitikhi Mpeu tsükeu ye Ampeu pelo Jacob phiki lono ikhive peni!

AKIKIHI 14:34

Nongu no atsala lhobidi lono ayeghi puju ketoi atsala lakhi no ampe lakhi kiqi shino nongu ye ampe lhobidi no xine makho xapu niae, tileno nongu no I mlokiqi kumo ithi nani.’

AKIKIHI 26:65

Kughengu Ampeu no panoqo ghenguno ishi pipüae, “Panongu ye asayeqha lono thive nani.” Ikehu Jephunneh nu Caleb ngo Nun nu Joshua pama kumo aye khumu ghümove.

ZAKINIU 28:18

Nongu polo ikighi tianuli, alu lo tüxatini, atsüaqu tikughuko, eno pichepighi loji lo ati kümtsü müsüinive nani.

ZAKINIU 28:32

Nongu no ju apülaghi no tianuli ye kütami tsüve nani. Eno ghulo atsütsü nongu tianuli ideighini mala juanie pi nongu nhethi khoive nani.

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’

ZAKINIU 32:25

Aki khalau azütakikihi no akithi süghi nani; alou no shithüghüi keu anani, apumi ilimi eno anga kughunu ngo asa kümpami lau aphiphi shi hitoi shi nani.

XAKUTHAMI 4:16

Barak no khurkulu ngo ghüshimi Harosheth-hagoyim kutolo hawu, eno Siseraw ghüshimi kümtsü ghiqhi khave tsü. Timi lakhimu ghümo no pithive.

SAMUEL ATUGHIU 16:14

Ampeu Ghungu ye Saul launo wuve, eno Pa launo aghawu lhoksa no pa shikughuju thuve.