HOSIYA 9:10 - Sumi Naga CL (Re-edited) Bible (BSI)

¹⁰ Asayeqha lo atsaithi toi, I no Israel phulue. Mubuthi kipithi ghuloki lo mububo lo axathi amsüu toi, I no pano puasüqo ithulue. Ikemu panongu no Baal-peor lo ighi no pano pesü akukujopu lo ikhiphepe tsüve, eno pano no küpü chekeu lhou toi aphikümqhüpu shive.

BAIBEL (BSI)

¹⁰ AMPEU no pi, “Ino Israil phulu tughuloye tiye asayeqha lo atsayithi phulu aketoike. Kughou ino nongu puasuqo ithulu keno khughuthi kipithi ghulokilo khughuthi kini amusuu toike. Ikemu kughou panonguno Peor Toghi lo ighikeno panonguno Baal mllathuve, eno paikhavino panonguno kupuqhiyi chekeu lhouqo toi panonguye niqhunilaive.

HOSIYA 9:10 Iomraidhean Croise

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.

KUKAMI AKINIU 17:11

eno Ampeu no pano zülono sawuve keu shiyeqo no shicheke toi, qhemghaike-a lono akümllagho tsüno Ampeu mlo shikighide tsüe.

LESHELE 115:8

Khunono tipaqo mla cheni keno pano ghi tipaqo toive cheni; tihutoi tipaqo pükhü chekemi ghi tishive cheni.

LESHELE 81:12

Ikehu pano no shinishi keu kükümsü pape wuve peniye I no pano pesü amlo kuthovi keu shive peke.

ALE KIMCHI 3:6

Asayeqha lono amchhi kupho toi, lhidimi u lo tsüngqüikeu mukhu müsüghüta eno tsüngqüikeu ta no phochighi akeshi iqhoche keu ye khuu kea?

ISAIAH 28:4

aghüma khila kütsü lo ighüive keu jukighilepu xamunu huye, tsüka tsala züuno amsüu shi nive keu mubuthi toive nani: kughou milakhi no ti ithulu keno pa u lo iloghi khavino chuve.

JEREMIYA 11:13

O Judah, nongu lhouqo ye now mishighünaqo jehi shivae, eno Jerusalem laghila no khije akeno tijehi Baal lau akümllagho tsünike akiptiaqo shiqhe keu lono akukujopu shivae.

JEREMIYA 24:2

Ashoghi lakhi loye xo tüghüu mubuthi toi, ighono akivi, ashoghi akiniu loye ighono alhoksa mubuthi, alomo mithe kehu chukulupu shimoe.

JEREMIYA 3:24

“Ikemu ni lhothe lono ni puasüqo no mlape qhikeu, pano tsüaqu, ambeloji, apu-anga kümtsü akukujopu thime no tsüchuvae.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 31:2

Ampeu no ishi piani: “Khunono azütakikihi lono xülu keno asayeqha lo küpükini ithulue; Israelmi no akulhokiqhi phuighi kelo,

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.

HOSIYA 13:5

Asayeqha eno züha yeghi lono no ithikeu ye I no ke;

HOSIYA 2:15

Tilauno I no li tsailu tsüchile nani eno Achor Khila pe lajupu hukikha shitsü nani. Tilauno li lhothe ghuloki lo toi, Egypt yeghi lono ipeghi kelo toi li no khochile nani.

HOSIYA 4:14

Nongaqo no kütüqhauve eno no mulimi no salhauve namu Ni ye panoqo ghimemo nani; kughengu kiptimiqo ghi kütüqhalimi lau wu acheni eno achineki lo kütüqhalimi gholono aghashi acheni ke, alokütsü kumomi ye kütsave nani.

HOSIYA 4:18

Pano ji shokhave kemtsa panongu no kütüqhauve cheni; panow yepemi no akukujopu kimiyekütü cheni.

AMUS 4:5

kholaqhi sükeu shikimthikütsü kümllagho pesü tsülo, eno pulokini kümllagho pesü pikülha asheshulo; kughengu nongu ye tishikeu alo chenie, O Israelmi!” ipi Ampeu no asheshu.

MICAH 7:1

Ahaküsapu ye ni ke, kughengu ni ye mütsü tusho xathi xokütsüve kethiu toi, atsaithi kixipheve kethiu toi: atsaipho chukepu kühavae, I ngulho no puloniqhiyi chekeu mubuthi amsüu kühavae.

AKIKIHI 15:39

Ti no nongu pelo Ampeu zakütsü kümtsü kümsüchile luno pelupe nani, tishikeu lono nongu ye I launo tsüghüsü wuve no kütüqhami shiuve monani.

AKIKIHI 18:13

Ayeghi lo axathi pithi tüghüu Ampeu lau süghi keu kümtsü nongu saje shi nani. O lagha lo achineye lo mithe aghi kemi no chuni.

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

ZAKINIU 32:10

“Pa no asayeqha lono Jacob phulu, asayeqha lo küghüküghalei keu lono phulue; Pa no pa boluve no pa tuchomjoe, pa pesü Pa mlo kuchuu shie.

ZAKINIU 32:17

Panongu no mthakeu lhou, alhou kumono tüghami lau aghashie, pano puasü no khilemu msamo keu lhou, alhou kithe ipeghi keqo mllae.

ZAKINIU 4:3

Ampeu no Baal-peor lo kiu shikeno nongu ampi no ithuluvae. Pa no nongu gholono Peor lo Baal mllauve kemi kümtsü kütsave.

XAKUTHAMI 6:32

Tighenguno tipani no Gideon ye Jerubbaal ipi kuuve, tipau kiqi ye, “Baal no pa lau amkhülu pelo” kughengu pa no Baal kümlla khache kütsave tsüke.