HOSIYA 8:14 - Sumi Naga CL (Re-edited) Bible (BSI)

¹⁴ Kughengu Israel ye pa Lhokeu kümsümave no akighikiqo shi, eno Judah no aliwo kuptu phughiqo küghüsü shiqhevae; tighenguno I no pa phughiqo shou ami puwu tsüni, eno tino liw sükusho-aqo pitileve tsü nani.

BAIBEL (BSI)

¹⁴ “Israil lo akemiqoye akighiki shipuakhani ikemu panonguye panoqo Lhokeu kumsumavea. Juda lo akemiqono aliwo kuptu phughi shipe qhiani. Ikemu ino ami puwu puzu panoqo kighiki ngo panoqo phughiqo pitilekhave nani.”

HOSIYA 8:14 Iomraidhean Croise

KUKAMI ATUGHIU 12:31

Pa no atoghiqo lo akümlla-a mlano Levi kumomi pesü achinemi shi süsüve.

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.

KUKAMI AKINIU 18:13

Akükau Hezekiah yepe mpe chighiabidiu lo Assyria kükau Sennacherib no ighi no Judah lo aliwo kumto mishighüna kümtsü leluve.

YEKIKITHI AKINIU 26:10

Pa no asayeqha lo ghi qoghekiqo shipe qhino azü tughuko kutomo chhu, kughengu kulolau naghuto pukhu küxa lo ngo aqa yeghi lo pa ye lhoxü loji kutomo pighiche. Pa ye alu kichimi ngo atsailu kichimi ato yeghi lo ngo aqa lo ache, kughengu pa no aghüma yeghi kimiye ke.

YEKIKITHI AKINIU 27:4

Tinguno alau pa no Judah ato yeghi lo mishighünaqo shiqhe eno atoghi ghasü lo aliwo ngo qoghekiqo shiqhe.

LESHELE 106:21

Panongu no Alhou, pano Xakuluu, khuu Egypt yeghi lo thime kije mla,

LESHELE 95:6

O ighilo, ningu itsaqi no Pa mllani; Ampeu ni Lhoküsüu zülo qhoqhünheni nolo!

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 29:23

Kughengu panongu no pano tianuli I u no lhokeqo ithulupe akimtheshi I je ikhilu nani; panongu no Jacob Lhou Akimtheu eno Israel Lhou zülo agigihupu shi puthugho nani.

ISAIAH 42:13

Ampeu no aghütomi lakhi toi chewu; Pa no aghütomi toi khekulhoshi kutope ngoke; Pa no aghüle ku, eno aghüshi ghügha ighae; eno Pa ghümi shou Pa kükakumto pephe.

ISAIAH 42:25

Tighenguno Pa no Pa xukighide ngo aghükishi ghime pesü panongu shou lepukue; tino panongu homxape iqü, ikemu panongu ye vethamlae; tino panongu piti, ikemu panongu no alomsümoe.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 9:10

“Pititu ki kütsave tsüae, ikemu nino hekütha tu pesü shiqheveni; Tüküthi süpa kiqo tulaqhiva kemu nino cedar pesü tile shiqheveni.”

ISAIAH 9:9

Ephraim eno Samaria lo küami kümtsü no ithi nani, ikemu pano mlo lono qhezalaki ghi pi nani:

JEREMIYA 17:27

Ikemu nongu no I tsa inimo, Sabbath tsala akimthe shi qhimo, akho xapusü Sabbath tsala lono Jerusalem khagho veche ilo aye, I no ghapinhe mlakeu mi pesü Jerusalem khaghoqo eno liw jukivi kighikiqo pitive tsü nani.’”

JEREMIYA 2:32

Amikucho ilimi lakhi ye li chila kümsümave nanio, momu külaliu ye li phimini kümsümave nani keshea? Ikemu Iw timiqo no atsala kihimla kepushi I kümsümavae.

JEREMIYA 23:27

Asamo lakhi no lakhi vilo lhe aye, pano puasüqo no Baal kümlla vecheo I je kümsümave ketoi, Iw timiqo ghi I je kümsümave nanie pi panongu no kümsü cheni.

JEREMIYA 3:21

Asa itsümo keu toghi lono asütsa lakhi chilue, Israel tianuli no mloqa qhüiniju ani kughengu panongu ye pano laghi pheve, pano Lhou Ampeu kümsümave ke.

JEREMIYA 5:17

Panongu no nongu chuqupu chukhave tsü nani; no pu-angaqo kütsave tsü nani; no mishi eno ane chuve tsü nani; no tsaibo eno mubuthi chukhave tsü nani; nongu no pükhübe chekeu aliwo kumto phughiqo azütakikihi no kütsave tsü nani.”

EZEKEL 23:35

Tighenguno Ampeu Alhou no ishi piani: Nono I kümsümave eno I pesü o thiu qhiveke ghenguno no ampi no o salha ngo kütüqha keu shekichile xapu masa nani.”

HOSIYA 13:6

ikemu kughou panongu no chusholu keno, panongu ye aghakiqi shiluve kehu I kümsümave ke;

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

AMUS 1:10

Tighenguno I no Tyre liwo shou ami puwuni, eno tino liw sükusho-aqo pitileve tsü nani.

AMUS 1:12

Tighenguno I no Teman shou ami puwuni, eno tino Bozrah sükusho-aqo pitileve tsü nani.

AMUS 1:14

Tighenguno I no Rabbah liwo shou ami süvetsü nani, eno tino liw sükusho-aqo pitileve tsü nani, aghüshi tsala lo toi ighamku nani, pasapagha lo miyitsü toi nani;

AMUS 1:4

Tighenguno I no Hazael kibo shou ami puwuni, tino Ben-hadadw sükusho-aqo pitileve tsüni.

AMUS 2:5

Tighenguno I no Judah shou ami puwuni eno tino Jerusalem sükusho-aqo pitileve tsü nani.”

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

ZAKINIU 32:18

Panongu ye pano tuchophe keu Tuqu lau amlo tsümoe, eno pano punu keu Lhou kümsümave.