HOSIYA 8:13 - Sumi Naga CL (Re-edited) Bible (BSI)

¹³ Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

BAIBEL (BSI)

¹³ Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 8:13 Iomraidhean Croise

IPEKULU 20:3

“I zülo nongu ye alhouqo kütau mlla moni.

IPEKULU 32:34

Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”

AHOLE 21:27

Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

ISAIAH 1:11

Ampeu no pi ani: “Nongu ghakishi hijeje kiu ala ani kea? Ni ye akipti kümllagho ghenguno ambetsü eno akivishi lojive keu lhoxü tha lukümkha ani; Ni ye amshitsü, momu ambeti ngo ane hipaqo ji pesü I züküvü shichemoe.”

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

EZEKEL 29:16

Panoqo lau akukuphu ghenguno tsüghü wukeu xine kümsüchile luno Israel laghami ye pükhükulu shi Egypt lau wumove nani. Tileno panongu no Ni ye Ampeu Alhou kepi ithi nani.”

HOSIYA 11:5

Panongu ye Egypt yeghi lo idewomo nani, ikemu Assyria no pano kükau shive nani, kughengu panongu no I lau ideighini keu milive.

HOSIYA 12:11

Tsala Gilead lo axine aghi aye, panoqo ye mtsüqheino kiumu kumove nani: panongu no Gilgal lono amshitsü heqhi mlla; pano kipti-aqo ghi alu holeve keu lo atu kumqo püake toike.

HOSIYA 4:9

Ikehu timi ghi achineu ghi atho; panow hekibide ghenguno I no panongu ghime nani eno pano kümla ghenguno I no panongu tsüchile nani.

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

HOSIYA 6:6

Ni ye aghakishi kumono iqemokeu kikimiye lunishi, akipti kümllagho kumono Alhou ithitoi keu laju ani.

HOSIYA 7:11

Ephraim ye miqhedu toi, mbomzü eno tsükhüi moe, Egypt ku püzü Assyria lo pove.

HOSIYA 7:16

Panongu no ideighi, ikemu kunguu küdau kumoe; panoqo ye thekuchu süzü toie; panow kükapumiqo no timi kiphikumo mili xapu kehu azütakikihi lono ikiqive nani. Hipau ghenguno Egypt yeghi lo panongu cheqhi nani.

HOSIYA 7:2

Ikemu pano lhoksa kümtsü I no kümsülu ani kepi panongu ye kiqiju moe. Itehi ye pano kümla no panongu süho luvae eno ti ye I zülo ani.

HOSIYA 9:6

Kughengu panoqo ye kütsakungo keu lono pochea kemu Egypt no panongu hekütsü nani; Memphis no pano shiqho nani. Apüghübo no panow akughupu ghükayi thime luve nani; pano phiki lono asahubo ipeghive nani.

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

AMUS 5:22

Nongu no akipti kümllagho ngo athi kümllagho süghi namu I no ikhilu tsümo nani; eno now athakupu lhoxü pesü külakishi kümllagho shikeu Ni ye tipa shou jupukumo nani.

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.

Luke 12:2

Itehi nha püakeu vehu kiumu lhaphe moni keu ye kühae, momu küsü püakeu kiumu ithi moveni keu ye kühae.

1 Kor. 11:20

Kughou nongu no kuho kumqoni keno, nongu ye Ampeu Ghulhu chu chenike kumoe.

1 Kor. 11:29

Kughengu khuu no aphimpi kiqi michimla no asho chuni eno ajukhu ikhiluni keno, pa ampi shou küghakütha süghi kepushi chusho ani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

ZAKINIU 28:68

Nongu ye khilemu Egypt lo idewomo nanie pi I no tushoqhi püakeu Ampeu no zükilu lono Egypt lo nongu sachilewo nani; eno tilau nongu no nongu ampi pesü aqüaxemi shi aghümi vilo jesü nani, ikemu khunomu qhümo nani.”

Piyeküsü 16:19

Aphughi akijeu ye amqo küthüshi itave, titoi ayeghiqha lo aphughi kümtsü ikiqi kütsa khave. Tithiu Alhou no Babylon akijeu pelo Pa loghu jukhu lo akeu kümtsü yeve peni keu kümsülu.

SAMUEL ATUGHIU 15:22

Ikemu Samuel no pi, “Ampeu ye Pa tsa gholu keu lo alokiqi kije aketoi akipti kümllagho eno aghakishi lo Pa züküvü acheni keshea? Julo, agholu keu no aghakishi nguno akiviue, eno Pa tsa ini keu no ambe tha nguno akiviue.