HOSIYA 7:1 - Sumi Naga CL (Re-edited) Bible (BSI)

¹ Kughou I no Israel shipivini keno, Ephraim xine ngo Samaria kümla lhoksa pephe nani; kughengu panoqo no pishikiqhi kilhisho shi küpkami no hepho ilo, eno khalau no süxa ishike.

BAIBEL (BSI)

¹ “Ino Israil lo iwu timiqo shipiviniye eno panoqo pelo itaghi kinikulu shipenishi kelauye, niye panoqono kixikila kumla shikeu eno panonguno alhoksa shikeu likhi ithulu ani. Panonguno lakhino lakhi pishiqhikile; panonguno aki-xu ilo puka; eno alaghilalo heqhino suxaluke.

HOSIYA 7:1 Iomraidhean Croise

ISAIAH 28:1

Aha, Ephraim küka kütsükuqho xapusü shomzü chekemi, aghüma khila lo aji no theqhive kemi kütsü lo jukighilepu xamunu achekeu ye ighüivae!

ISAIAH 59:12

Hi ye niw hekibide no O zülo kümzapu shive akehue, eno ni xine no ni shou thopi shi ani; kughengu niw hekibide no ni gholo ani, eno ningu no ni xineqo ithi ani:

ISAIAH 59:13

ningu no Ampeu hebide eno Pa milive ke, eno Alhou launo tsüghüsü wuve, kütami qodani keu ngo kumghoni keu tsa piuve, eno akimki kükümsü ngo akimki tsa pini ke amlo lono xathave ke.

ISAIAH 59:14

Achipiu xakütha ye hapupovae, eno achipiu-mikucho ye putosüvae; kughengu kuchou ye alaghila lono küpxavae, eno amikucho ye tilehi iloghi mlavae.

JEREMIYA 51:9

Ningu no li shipivi niye shie, ikemu li shipivi mlave. Li qhivelo, eno ningu pütüta ghakhu lo wuveni nolo, kughengu li shou küghakütha bekeu ye kungugha tovae.

EZEKEL 16:46

Eno o fo akichiu ye Samaria, khuu li ngaqo sasü o nguno ahuu küghüna acheni keno tihuke; o tsünipu ayitiu, khuu o nguno apeu küghüna acheni keno tihu ye Sodom eno li ngaqo ke.

EZEKEL 23:4

Akichiu je ye Oholah eno li tsünipu je no Oholibah. Pama ye Iw shive eno pama no apu-angaqo punue. Pama je ye ishi, Oholah no Samaria, eno Oholibah no Jerusalem.

EZEKEL 24:13

Ghaghughale mithekumo ghenguno Ni ye nongu shikimtheni cheke, nongu shou I loghu ghapiqi lumoke kutolo nongu pesü shikimthe monani.

HOSIYA 10:5

Beth-aven mishitsü julho ghenguno Samaria lo küxümi ye khokhoshi ani. Tilehi timi eno achinemi ghi tighenguno mloqa ani, panoqo no tipau jekipipu shou alovi acheke tipau ye panoqo launo wuvae.

HOSIYA 11:12

Ephraim no akimki pesü I süho, eno Israel lagha no pishikiqhi pesü I boluvae, ikemu Judah ye Alhou gholo chechephi eno Akimtheu lau pükhükulupu shi anie.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

HOSIYA 12:1

Ephraim ye amülhü no loji ani eno atsala kupuju kipela mülhü papewu cheni; panoqo no kichile eno hekiqhi bukiqhi küghüsü; panongu no Assyria sasü puloshoqhi shi, eno thazü pesü Egypt lo wue.

HOSIYA 12:2

Ampeu no Judah nguku ani Jacob no mla püakeu kiqi lono pa ghime nani; pa kümla kiqi lono tsüchile nani.

HOSIYA 4:17

Ephraim ye ajulho lau kime luve ake pa likhi qhivelo.

HOSIYA 4:2

tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

HOSIYA 5:1

Hi inilo, O achinemiqo! Amlo tsüqhiyilo, O Israelmi! Akini xükholo, O akükau limi! Kughengu küghakütha ye nongu ghenguno ke; kughengu Mizpah lo nongu no alichhe ilhouve ke, eno Tabor shou akhame sükhope qhike.

HOSIYA 6:4

Ni ye o pesü kiu shiveni kea, O Ephraim? Ni ye o pesü kiu shiveni kea, O Judah? Nonguw kikimiye ye inaqhe kimhi toi, itheno hauve keu tsüzü toike.

HOSIYA 7:13

Panongu hasapue, kughengu pano ye I launo kauvae! Panongu kütsave nani, kughengu panongu no I hebidevae! Ni ye panongu xachile lunishi anamu panongu no I shou akimki tsa pichenie.

HOSIYA 8:5

I no o mishitsü julho peve tsüae, O Samaria. Tipaqo shou I mloide puku ke. Panongu ye pimi moveni keu ado khitohi lunani kea?

HOSIYA 8:9

Kughengu panongu ye aghalo khurha toi lomoshi itsüsü Assyria lo wuvae; Ephraim ye alojipumi piqevae.

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

AMUS 3:9

Ashdod eno Egypt yeghi lo sükusho-aqo lau asheshu lo, eno pilo, “Samaria naghutoqo lo nongu hekütsülo, eno timiqo no shishe ighamku akeu, pano dolo nedaqoda kile akeu julo.”

AMUS 8:14

Samaria kipimi jeku tushoqhi, eno ‘O Dan, o lhou xü anike,’ momu ‘Beersheba Laghi anike,’ ipi chekemi ye ikiqive nani eno khilemu ithughi kithemo nani.”

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

MATTHEW 23:37

“O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

Luke 19:42

ghi pi, “Noghi lae, kiu no külashilu cheni keno ishi nomu nou no ithike aye lae! Ikemu itehi ye o launo küsüvae.