HOSIYA 6:6 - Sumi Naga CL (Re-edited) Bible (BSI)

⁶ Ni ye aghakishi kumono iqemokeu kikimiye lunishi, akipti kümllagho kumono Alhou ithitoi keu laju ani.

BAIBEL (BSI)

⁶ Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

HOSIYA 6:6 Iomraidhean Croise

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

LESHELE 50:8

O ghakishi ghenguno Ni ye o lomipi moe; o kipti kümllagho ye alhokuthu I zülo acheni.

AHOLE 21:3

Aghakishi nguno amikucho eno achipiu shikeu huno Ampeu zülo ikhikulupue.

YETSAPIU 5:1

Achineki lo wu kelo kutokupui shilo. Tile shika luniye wu keu no mbomzümi ghakishi nguno akiviue, kughengu panongu ye axine shi anie pi mthae.

ISAIAH 1:11

Ampeu no pi ani: “Nongu ghakishi hijeje kiu ala ani kea? Ni ye akipti kümllagho ghenguno ambetsü eno akivishi lojive keu lhoxü tha lukümkha ani; Ni ye amshitsü, momu ambeti ngo ane hipaqo ji pesü I züküvü shichemoe.”

ISAIAH 58:6

“Ikemu kümvü keu lono kixikila küxü kütsügha lono kuqhophe luve aye, eno kütami shou kuokhasü kuqhovetsü aye, eno nedaqodave kemi khaqhi pheve aye, eno ayikichhe jeli kümtsü ikhivetsü aye, hitoi kümvü keu no I pulou ke kumo keshea?

JEREMIYA 22:16

Pa no mighimi eno kumlhomi ghenguno mlae; tino pa ghenguno akivi shilue. Hi ye Ni ithikeu kiqike kumo? ipi Ampeu no sheshu.

JEREMIYA 7:22

I no Egypt yeghi lono panongu saipeghi ke tsala lono Ni ye no puasüqo vilo akipti kümllagho eno aghakishiqo ghili pimo momu azah tsümoe.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

HOSIYA 2:20

I no pükhükulu lono no inisü nani. Eno nono Ampeu ithive nani.

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

AMUS 5:21

Ni ye now tiqhetiniqo mithi eno junishi moe, eno nongu hukülü hohoqo lo I züküvü kühae.

MICAH 6:6

“Ni ye kiu pesü Ampeu zülo ighini eno akiqheu Lhou zülo qhoqhüni kea? Ni ye Pa zülo akipti kümllagho, ampe lakhi mishi peighini keo?

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

MATTHEW 12:7

Eno nongu no atsa hipau, ‘Ni ye kimiyekini lunishi kethono aghakishi kumoe,’ ipikeu ye kiu keno ithike aye, nongu ye akipimi küha kemi shou küghathabe moni cheke.

MATTHEW 5:7

“Kimiyeqhiyi chekemi kümghapue, kughengu panongu ye kimiyeqhiyi keu ithulu nani.

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

Mark 12:33

Eno tipau gholo amlo kuchopu, vethakulu eno akumto kümtsü pesü Pa kimiyeni keu, alikhi ampi toi akisüghüu kimiyeni keu, hipaqo no kuchopu kipti kümllagho eno aghakishi kümtsü nguno akijeu ke.”

JOSHUA 5:5

Egypt lono ipeghi keqo kümtsü aphighü yiko ghave kemi, ikemu ala lo asayeqha lono punu keqo ye aphighü yiko ghamo keqoke.

1 John 2:3

Hipau vecheo ningu no ithilu keu ye tsala ningu no Alhou zakütsüqo pelu aye ningu ye Pa ithitoi luvae.

1 John 3:6

Pa lau kimepe akemi khunomu axine shiauve chemoe; khunono axine shi auveni keno pa ye Khristo ithulu ke kumono ithi keghi ithi mphi.

SAMUEL ATUGHIU 15:22

Ikemu Samuel no pi, “Ampeu ye Pa tsa gholu keu lo alokiqi kije aketoi akipti kümllagho eno aghakishi lo Pa züküvü acheni keshea? Julo, agholu keu no aghakishi nguno akiviue, eno Pa tsa ini keu no ambe tha nguno akiviue.