HOSIYA 4:6 - Sumi Naga CL (Re-edited) Bible (BSI)

⁶ Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

BAIBEL (BSI)

⁶ Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

HOSIYA 4:6 Iomraidhean Croise

YEKIKITHI AKINIU 15:3

Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

JOB 36:12

Ikemu panongu no chilu move aye ghüyi lono wonani eno akighithi kühano thive nani.

LESHELE 119:139

I xukighide no I pitipüzaqhi, kughengu I ghümi no O tsa kümsümave ke.

LESHELE 119:153

I ghime kitikhi ithulu tsülo eno I xalulo, kughengu ni ye O yezah kümsümave chemoe.

LESHELE 119:61

Kixikilami kighi no I kitime anamu, ni ye O yezah kümsüma moe.

LESHELE 18:27

Kughengu Nono aqhokighemi xalu cheni, ikemu tsütsüngoju kemi ye Nono sünheqhive cheni.

AHOLE 10:21

Amikuchomi tsapi no timi kutomo lojilu cheni, ikemu mbomzümi ye kümsükulu küha kehu thive cheni.

AHOLE 19:2

Akighithi kühano amlokütsü shikeu ye akivi kumoe, ngosü kümlami ye pa laghi vezüve cheni.

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 28:7

Tungkupmi ngo achinemi ghi aji kümka shopusü nanashi cheni; atsaijiu no panoqo munove akehu panongu ye anhetsü ghi zazashi, eno küghakütha lo ghi izüvui ke.

ISAIAH 29:12

Ikemu kughou no phimtha kemi tsüno, “Hi phijulo,” ipini keno, pa ye, “Ni ye phimthae,” ipi nani.

ISAIAH 3:12

Angakughunuqo no Iw timi nedaqoda auvae, eno totimiqo no pano shou ayepe auvae. O Iw timiqo, now lapiyemi no nongu sabide ani, eno nongu laghi shiküghüzüve tsüae.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 5:13

Ikehu Iw timiqo no vethakulu kühave kehu panongu ye akughu lo wucheae; pano gholo ajuaje küami no akhüava shi ani, eno aqokitikhi no atüghü no qhai ani.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

EZEKEL 44:23

Panongu no Iw timiqo lau akimthe ngo balha dolo kiyeqü keu shika nani, eno kishino akimthe ngo mithekumo dolo kishe kütüta shilu nani keno piyetsü nani.

HOSIYA 13:6

ikemu kughou panongu no chusholu keno, panongu ye aghakiqi shiluve kehu I kümsümave ke;

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

HOSIYA 4:12

Iw timiqo no asü tachu launo kighinikile jucheni, eno panongu qheküsü no tungkuptsa pitsü cheni. Kughengu asalha ghawu no panongu saküghüzüve ake, eno panongu ye kütüqha aniye pano Lhou phevae.

HOSIYA 4:14

Nongaqo no kütüqhauve eno no mulimi no salhauve namu Ni ye panoqo ghimemo nani; kughengu kiptimiqo ghi kütüqhalimi lau wu acheni eno achineki lo kütüqhalimi gholono aghashi acheni ke, alokütsü kumomi ye kütsave nani.

HOSIYA 5:4

Panongu kümla no lakhape panongu pelo pano Lhou lau ideighilu peamoe. Kughengu asalha ghawu no panongu lolo ani, eno panongu ye Ampeu ithi amovae.

HOSIYA 6:6

Ni ye aghakishi kumono iqemokeu kikimiye lunishi, akipti kümllagho kumono Alhou ithitoi keu laju ani.

HOSIYA 7:11

Ephraim ye miqhedu toi, mbomzü eno tsükhüi moe, Egypt ku püzü Assyria lo pove.

HOSIYA 7:9

Inaghami no pa kumto qhasü luvae ikemu pa ye ti ithi amoe; asa kümpa pa shou ikughi khavae, ikeghi pa ye tiumu ithi amoe.

HOSIYA 8:1

Afuko pesü o mütsü lo thelo! Alhuqu toike lakhi no Ampeu ki shou ikughi ani, kughengu panongu no Iw puloshoqhi hexavae eno I yezah hebideve ake.

HOSIYA 8:12

I no pa sala I yezah qhethonhe chighi ye anamu tipaqo ye thime kithe toi shino kihitsü monani.

HOSIYA 8:14

Kughengu Israel ye pa Lhokeu kümsümave no akighikiqo shi, eno Judah no aliwo kuptu phughiqo küghüsü shiqhevae; tighenguno I no pa phughiqo shou ami puwu tsüni, eno tino liw sükusho-aqo pitileve tsü nani.

HOSIYA 9:17

I Lhou no pano milive nani kughengu panongu no Pa tsa initsü move ake; panongu ye shiyeqo gholo kupokichemi shive nani.

MATTHEW 1:6

eno Jesse nu akükau David. David nu Solomon, Uriah nipu vecheo punu keu,

MATTHEW 15:14

Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”

MATTHEW 15:8

‘Timi hipaqo ye akichi loye I gihu cheni kemu pano mlo ye I launo putou ani;

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.