HOSIYA 4:3 - Sumi Naga CL (Re-edited) Bible (BSI)

³ Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

BAIBEL (BSI)

³ Tighenguno aghakhuye qhaive nani eno tile xuaghi keu kumtsu thikhave nani. Lhoxu jeli, aghau jeli eno akha jeli kumtsu thive nani.”

HOSIYA 4:3 Iomraidhean Croise

ISAIAH 33:9

Ayeghi no itamjui mloqa ani; Lebanon ghasü no kujoqhiyi hailovae; Sharon no asayeqha toivae eno Bashan ngo Carmel no ighiqivae.

JEREMIYA 12:4

Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

JEREMIYA 4:25

I no jukelo timi khumu kühae, eno aghauqo kümtsü yeuve.

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

JEREMIYA 9:9

Hi ghenguno Ni ye panongu ghime moni keo? Shiye hitoi keu shou amkhü lumoni keshea? ipi Ampeu no sheshu.

EZEKEL 38:20

Azüghi lo akha, atsütsü lo aghau, aluza lo tüghashi, ayeghi lo itikiche, eno ayeghi lo timi kümtsü I zülo khokhoshi nani. Naghutoqo no ikiqive nani, anhepho no ipaiqive nani, eno aliwo tupi kümtsü ilaqive nani.

JOYIL 1:18

Tüghashiqo no kishi aküsü ghügha shi ani kelae! Amishi loji no avehu izüvae kughengu panoqo ghenguno achu kümza-a kühavae; ambe lojiqou ghi ime auvae.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

AMUS 5:16

Tighenguno Ampeu, aqokitikhi Lhou, no ishi piani: “Aphughi kuchopu mloqa nani, eno alaghila kümtsü lo, ‘Aha! Aha!’ ipi igha nani. Panongu no alu kichimi eno akumlo lo aqe kiqemi kusü püzü mloqape nani,

AMUS 8:8

Hi ghenguno ayeghi ye itha moni keshea, tile akemi kümtsü mloqa moni keshea? Ayeghi kümtsü no Nile züghi toi fukucho ithughi no itaghi Egypt lo Nile züghi toi ikiqi ilo nani.”

NAHUM 1:4

Pa no azüghi lomipi no qhaive tsü; Pa no aghoki kümtsü qhaive tsü; Bashan eno Carmel ye ighüyivae; Lebanon xamunu ye ighüyivae.

ZEFANIA 1:3

“I no timi eno tüghashi jole nani; I no atsütsü lo aghauqo eno azüghi lo akhaqo jole nani, I no kixikilami püxakulu nani. I no ayeghi lono timiqo kütsave nani,” Ampeu no pivae.

ZEKHARIA 5:4

Aqokitikhi Mpeu no pi, I no hipau puwu nani, eno hi no küpkami kilo eno khuu no I je lono akimki shoqhi shicheni keno pa kilo ilo nani. Eno tipau no pa kilo ngove no asüpa ngo atuqo ghi külhüve nani.”