HOSIYA 4:2 - Sumi Naga CL (Re-edited) Bible (BSI)

² tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

BAIBEL (BSI)

² Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

HOSIYA 4:2 Iomraidhean Croise

BOTHUBO 4:8

Cain no pa thiküzüu Abel pütsae. Eno kughou pama aluza lo akeno, Cain no pa thiküzüu Abel mjochile thuve no pa ghiqhive.

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

JEREMIYA 51:5

Kughengu Alhou, aqokitikhi MPEU ye Israel ngo Judah pheve mphie, ikemu Chaldeami ghakhu ye Israelmiw Akimtheu zülo akipimi likhi ani.

JEREMIYA 6:7

Azükikhe no azü tsüghükhüi qhitsü keshi, li no li lhoksa xüthilei hekütsü cheni; li gholo ngukangugha ngo kütsakungo keu likhi chilu cheni; küsükini ngo azakuqo ye alhokuthu I zülo ani.

AKUMLO 4:13

Hi ye liw tungkupmi xine eno achinemi kipimi ghenguno ke, panongu no li yeghi lono amikuchomi ji peleke.

EZEKEL 7:23

“Ayikichhe iqiphelo! Kughengu ayeghi ye aji pele keu no chhitoivae eno mishighüna ye heqhi buqhi keu no chhitoivae.

HOSIYA 10:13

Nongu no axine hokide; nongu no achipikumo xolue; nongu no akimki xathi xochue. Kughengu nongu no nongu shou likhi eno now ghüshimi aqokitikhi shou pükhübeve,

HOSIYA 10:4

Panongu no atsa likhi piqhi; abokümsa shoqhi pesü panoqo no puloshoqhi shie; ikehu küghakütha no hokideve keu lulo tüghü lupi ipeghi ketoi toi thuipeghi ani.

HOSIYA 11:12

Ephraim no akimki pesü I süho, eno Israel lagha no pishikiqhi pesü I boluvae, ikemu Judah ye Alhou gholo chechephi eno Akimtheu lau pükhükulupu shi anie.

HOSIYA 12:14

Ikemu Ephraim no mijimlai Pa xukuthoe; ikehu aji peleve keu makho pa Mpeu no pa shou benani eno paw küthakügha kümla ghenguno pa tsüchile nani.

HOSIYA 5:2

Mjochile kemi no kuthoküzü shi heqhi ghiqhi auvae, ikemu I no panongu kümtsü shikümzü nani.

HOSIYA 6:8

Gilead ye küsaküghami phughi, anepa kümtsü aji pusüsü ani.

HOSIYA 6:9

Küpkami no ala khe akeshi, achinemi ghi hekütsü kumqope acheni; panongu no Shechem laghi lono timi ghiqhi cheni; panongu no kixikila shi cheni.

HOSIYA 7:1

Kughou I no Israel shipivini keno, Ephraim xine ngo Samaria kümla lhoksa pephe nani; kughengu panoqo no pishikiqhi kilhisho shi küpkami no hepho ilo, eno khalau no süxa ishike.

HOSIYA 7:3

Panongu no pano küsakügha pesü akükau lopivi tsü, eno panow thekuchu pesü kükapumi lopivi tsüe.

HOSIYA 7:4

Panongu kümtsü ashupumi; panoqo ye amiphoki külü toi, ti ye ashokishiu no asho kunupe ingu ipeghi moke kutolo ami chixemo no lüghüi qhike toie.

MICAH 3:2

Nongu akivi mithi eno küsakügha kimiye chekeqo, Nongu no Iw timi yiko lhave tsüno asaghi lono ashi sülavetsü,

MICAH 3:9

Hi inilo, nongu Jacob lagha lo sakiphemi eno Israel lagha lo yepemiqo, nongu no kuchou xakütha mithi eno müzüchoi keqo kümtsü tuchighive tsüke,

MICAH 6:10

Kixikilami kilo kixikila küakini akeu eno ahu mighi pimive keu ngusü Ni ye kümsüma luni keshea?

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

ZEFANIA 3:1

Hebide eno shipixi, qoda neda chekeu mishighüna haküsapue!

ZEKHARIA 5:3

Pa no I vilo pi, “Hi ye aghakhu kümtsü shou ghukusho ikughi akeu ke. Kughengu liküküzü kaku tüxau akeu kiqi lono püka chekemi kümtsü kileqhive nani, eno itaghi tüxau akeu kiqi lono akimki shoqhi shi chekemi kümtsü kileqhive nani.

ZEKHARIA 7:9

“Aqokitikhi Mpeu no hitoi piani, Kuchou xakütha tsülo, lakhino lakhi lau kimiyeqhiyi keu eno küpükini piyelo,

MATTHEW 23:35

tishikeu lono ayeghi lo amikuchomi ji pele püakeu kümtsü nongu shou ikughi nani, ti ye amikuchou Abel ji lono huthu no wo Barakhiah nu Zechariah, khuu nongu no achineki khala alou ngo akiptia dolono ghiqhive keno, pa kutolo ke.

Apostolmi 7:52

No puasü no kijipüsa mokeu tungkupmi khunoqo ani kea? Amikuchou chenie pi azünatha pitsü kemi panongu no pithive. Eno ishi ye nongu no pa thechuve no heqhive,

ZAKINIU 5:11

“‘Nongu ye adou lono Ampeu nongu Lhou je peitha moni, kughengu Ampeu ye adou lono Pa je peitha keqo akipimi tsünani.

ZAKINIU 5:18

“‘Shupu-salha kevilo.

ZAKINIU 5:19

“‘Püka kevilo.

1 Thes. 2:15

Jewmi no Ampeu Jisü eno tungkupmi ghiqhive, eno ningu hapheve, Alhou pulou kumo shive, eno timi kümtsü ghümi shino

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.