HOSIYA 4:1 - Sumi Naga CL (Re-edited) Bible (BSI)

¹ Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

BAIBEL (BSI)

¹ Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

HOSIYA 4:1 Iomraidhean Croise

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

LESHELE 81:9

Nongu gholo khilemu inaghami lhou ape kevilo; nongu ye inaghami lhou lau pishiqho kevilo.

ISAIAH 1:10

Nongu Sodom yepemiqo, Ampeu tsa inilo! Nongu Gomorrahmi, ni Lhouw shiküka inilo!

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 28:14

Ikehu nongu thoküghami khunoqo no Jerusalem lo timi hipaqo shou ayepe cheni keno Ampeu tsa inilo!

ISAIAH 34:1

O shiyeqo, ini kepushi amlo tsüqhiyi kupunu ighilo! Ayeghi eno tile aküxü küa thaqhü; ayeghiqha eno tipau lono ipeghi kemi kümtsü no ini pelo.

ISAIAH 34:8

Kughengu Ampeu no amkhü lutsü nike, Zion ghenguno tha-lo tsünike ado kughu püani.

ISAIAH 5:3

O Jerusalem eno Judah lo küamiqo, I tsailu ngo nikujo dolo küghatha tsülo.

ISAIAH 59:4

Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

ISAIAH 59:8

Panongu ye külakishi laghi mtha, eno achipiu xakütha ye pano laghi lo kühae; panongu laghi ye küsakügha; eno tipa laghi zü kemi khunomu külakishi mthae.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

JEREMIYA 11:7

Kughengu I no Egypt yeghi lono no puasüqo saipeghi kelono tamo mithe ishi tsala kutolo, I tsa inilo, ipi kütüghü ighike.

JEREMIYA 19:3

Nono pini, ‘Ampeu tsa inilo, O Judah kükami eno Jerusalem lo küxümiqo. Aqokitikhi MPEU, Israel Lhou no ishi piani: Julo, I no kütsakungo keu a-a hipau lo süghini cheni, hipau chilu kemi kümtsü kini lo qüqüshi chilu nani.

JEREMIYA 2:4

O Jacob kibolomi, eno Israel lagha lo akibo kümtsü, Ampeu tsa inilo.

JEREMIYA 2:9

“Ikehu Ni ye o mjochile aphi, Ampeu no asheshu, eno no tianuli tianuliqo mjochileni aphi.

JEREMIYA 25:31

Akumqhu no ayeghi shekha kutolo veküva nani, kughengu Ampeu no shiyeqo akipimi tsü nani; Pa ye lhoxü kümtsü shou küghathabeni cheni, kixikilami ye ghiqhive nani, ipi Ampeu no sheshu.’

JEREMIYA 34:4

Tishimu Ampeu tsa inilo, O Judah kükau Zedekiah! Ampeu no o ghenguno ishi piani: ‘No ye azütakikihi lono thimo nani.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

JEREMIYA 5:4

Ikehu I no pi, “Panongu ye kumlhomi; akükümsü kühae; kughengu panongu ye Ampeu pano Lhou achipiu laghi mthae.

JEREMIYA 51:5

Kughengu Alhou, aqokitikhi MPEU ye Israel ngo Judah pheve mphie, ikemu Chaldeami ghakhu ye Israelmiw Akimtheu zülo akipimi likhi ani.

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

JEREMIYA 7:28

Nono panongu vilo pi nani, ‘Shiye hipau ye pano MPEU Alhou gholu move, eno sakiyi keu ikhilutsü move; kuchou hu pühave; ti ye panongu mütsü lono ikhive.

JEREMIYA 9:20

O totimiqo, Ampeu tsa inilo, eno nongu kini xükhope Pa tsa chilu lo; nongaqo akumlo lakhi shikalo, akithilo le akisüghümi shikalo.

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

JEREMIYA 9:7

Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

EZEKEL 16:35

“Tighenguno, O kütüqhaliu, Ampeu tsa inilo:

HOSIYA 12:2

Ampeu no Judah nguku ani Jacob no mla püakeu kiqi lono pa ghime nani; pa kümla kiqi lono tsüchile nani.

HOSIYA 12:3

Aza po lono pa no amu phitsü tsüqü luve tsü, eno pa no kichimi shive kethiu ye Alhou sasü kumjoe.

HOSIYA 5:1

Hi inilo, O achinemiqo! Amlo tsüqhiyilo, O Israelmi! Akini xükholo, O akükau limi! Kughengu küghakütha ye nongu ghenguno ke; kughengu Mizpah lo nongu no alichhe ilhouve ke, eno Tabor shou akhame sükhope qhike.

HOSIYA 5:4

Panongu kümla no lakhape panongu pelo pano Lhou lau ideighilu peamoe. Kughengu asalha ghawu no panongu lolo ani, eno panongu ye Ampeu ithi amovae.

JOYIL 1:2

Hi inilo, nongu layemiqo; akini xükholo, küxümi kümtsü! Nongu momu no puasüqo ghuloki lo hitoi keu shipüani kema?

AMUS 3:1

O Israelmi, Ampeu no nongu shou pipuku akeu, Egypt yeghi lono I no saipeghi keu shiaye kümtsü shou pipuku akeu tsa hi inilo:

AMUS 7:16

Tighenguno itehi Ampeu tsa inilo. “Nongu no, ‘Israel shou tungkuptsa pi kevilo, eno Isaac shiaye lau kütsü wu kevilo’ ipike.

MICAH 6:2

Nongu naghutoqo eno ayeghi boqhaqo Ampeu no nguku keu inilo, kughengu Ampeu ye Paw timi shou nguku ani, eno Pa ye Israel sasü kütsala nani.

John 8:55

Nongu ye pa mthae ikemu ni ye pa ithi ani. Tsala I no ni ye pa mthae pi aye ni ye nongu toi kimkimi, ikemu ni ye Pa ithi ani eno Pa tsa pape cheni.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

1 Kor. 15:34

Nonguw shokümzü küzü lono ithuvelo, tino achipi ke, eno axine shikithe akevilo. Kughengu khami ye Alhou mthae. Nongu shikujo nike ni ye hi piani.

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’

Piyeküsü 2:29

Khuu no akini ani keno Aghungu no akukuhouqo lau piakeu chilulo.