HOSIYA 3:4 - Sumi Naga CL (Re-edited) Bible (BSI)

⁴ Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

BAIBEL (BSI)

⁴ Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

HOSIYA 3:4 Iomraidhean Croise

BOTHUBO 31:19

Laban ye pa mbe mhi ghoniye wuve, eno Rachel no li papu kibo lo pighi chekeu lhouqo püka luve.

BOTHUBO 31:34

Rachel no aki lo pighi chekeu lhouqo ikhiluve no sayeshi küghüqa-a qholo süve no tipa shou iqa ae. Laban no aphiki kümtsü lheju kemu ithumlave.

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

SAMUEL AKINIU 6:14

David no pa kumto kümtsü süno ilhe.

KUKAMI AKINIU 23:24

Tinguno alau, achinetou Hilkiah no Ampeu ki lono ithulu keu kaku lo yepüa keqo pepimhe wonike akükau Josiah no Judah yeghi lo eno Jerusalem lono tumumi eno kithixashemi, akibo lhouqo, ajulhoqo, eno aphikümqhüpu kümtsü ikhive.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

IPEKULU 28:4

Panongu no aphimini hipaqo mlani: amla küxa ngo ephod, chijeboike phi, akugho phi, akütsü küküzü phi, eno heqhiphi. Achinemi shi I qe penike panongu no Aaron ngo pa nuli phimini mla pelo.

IPEKULU 28:6

“Panongu no phepheike phi kipili ngo atsüla, hughai eno huchuyi keu yeho eno ameshoyi no aye shikeu pesü ephod mlani.

AKUMLO 2:9

Li khagho ye ayeghi lo ilovae; Pa no li khaduqo hechhevae; li kükau ngo sakiphemi ye shiye gholo ani, ayezah ye kühavae, eno liw tungkupmi no Ampeu launo kungunhetsü ithumlavae.

EZEKEL 19:14

Eno ami no tipa bo lo akhuni lono ipeghi no axathi pitivae, ikehu abo mtotoi keu kühavae, kükaküsü küsü kühavae. Hi ye akumlo le lakhi eno akumlo shivae.

EZEKEL 20:32

“Nongu kükümsü lo, ‘Ningu ghi shiye kütami toi shini, aghakhuqo lo ashiayeqo toi shini eno asü ngo atu mllani nolo’ ipikeu kükümsü ye khilemu shilumo nani.

EZEKEL 21:21

Kughengu Babylon kükau ye alaghi kini shoküba keu lo asaqhini ye puthugho ani. Pa ye apiji tsükighide anie; pa ye ajulho pesü asaqhi ani; pa ye lhoxü loshi ju anie.

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

HOSIYA 13:10

Aphughiqo lono o xaluni keu o kükau ye khile ani kea? Ow yepemi khile ani kea? Panoqo ghenguno nono pi, “Akükau lakhi eno sakiphemiqo I tsülo.”

HOSIYA 13:11

I mlokighide lono I no akükau lakhi o tsü, eno I loghu lono I no pa ikhi süwuve tsüe.

HOSIYA 2:11

Eno I no liw kunuvüqai keu, tiqhetini, aqhi kithe, Sabbath, eno apine jeli kümtsü kishekhave tsü nani.

ACHINE 8:7

Pa no aphiküzü Aaron puuve, apokha tsüghave tsü, chijeboike phi puuve, achinemi phi pipe eno tipau lo kütshakügha shi pili püakeu she pesü pa vehomxa khavetsü.

ZEKHARIA 10:2

Kughengu akibo lo ajulhoqo no akiqi kühakeu tsa picheni, eno asakiqhimi no akimki ithulu cheni; panongu no kichile samo pi eno abokümsa alopiqitsü keu tsa picheni. Tighenguno timiqo ye ambe toi itsü wuve no akheu küküha ghenguno ghime anie.

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

John 19:15

Panongu no ighamku, “Pa sawuve lo, pa sawuve lo, pa yedave lo!” Pilate no panongu vilo pi, “I no nongu Kükau yedaveni keshea?” Achinetomi no pi, “Ningu ye Caesar kumo aye akükau kühae.”

IBRIMI 10:26

Kughengu kuchou kighithi ithuluve no ningu no püthapütsano axine shiauve aye, axine ghenguno aghashi keu ye kiumu kühavae,

XAKUTHAMI 17:5

Micah ye pa kümlla khache ache, ikehu pa no Ephod ngo aki lhouqo mla no pa nuli lakhi pelo pa chineu kümla shipe.

XAKUTHAMI 18:14

Tileno pano pungu Laish lo ayeghi pujuwu keqo no pano thiküzümi vilo pi, “Aki hipau lo Ephod, aki lhouqo, ajulho, eno ghükayi julho qhipüa keu nongu ye ithi anima? Nongu ye kiu shini keno kümsü julo.”

XAKUTHAMI 8:27

Gideon no tipaqo pesü Ephod mla, eno pesü pa no xüsüve keu phughi, Ophrah lo qhive. Ikelo Israelmi kümtsü no ti mllauve eno tino Gideon ngo pa kibolomi ghi meluve.

SAMUEL ATUGHIU 14:3

panoqo gholo Shiloh lo Ampeu chineu Eli nu, Phinehas nu, Ahitub nu, Ichabod thiküzüu Ahijah ye achinemi phimini pepuve no ngo ae. Ikemu timiqo ye Jonathan no wuve keu ithimoe.

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

SAMUEL ATUGHIU 2:18

Samuel no achinemi phimini pepuve no itimi lakhi shi Ampeu zülo achinemi kümla shiche.

SAMUEL ATUGHIU 21:9

Achineu no pi, “Philistiami Goliath khuu Elah Khila lono nono heqhive keno, julo, pa zütakikihi ye aphi no küzüpe hile ephod thiu anie. Nono lunishi aye, luve lo, kughengu tikumo aye kütau ye kühae.” David no pi, “Titoi keu kütau kühae; I tsüve lo.”

SAMUEL ATUGHIU 22:18

Tileno akükau no Doeg vilo pi, “Nono achinemi pithive lo.” Doeg no tsüghüwo achinemi ghiqhive, pa no tipa tsalani phepheike phi ephod pepu akemi pano lhotache pungu ghiqhive.

SAMUEL ATUGHIU 23:6

Kughou Ahimelek nu Abiathar no Keilah lo David lau poighi keno, pa u lo achinepu phiküzü pesü ighi.

SAMUEL ATUGHIU 23:9

David ye Saul no pa ghüzani ye kuchughu akeu ithive no achineu Abiathar vilo pi, “Achinepu phiküzü hila süghi lo.”

SAMUEL ATUGHIU 30:7

David no Ahimelek nu achineu Abiathar vilo pi, “Achinepu phiküzü I lau süghi lo.” Abiathar no David lau peighi.