HOSIYA 2:21 - Sumi Naga CL (Re-edited) Bible (BSI)

²¹ “Tipani I no khochile nani, Ampeu no shuphe ani, I no atsütsü khochile nani, panoqo no ayeghi khochile nani,

BAIBEL (BSI)

²¹ Tipa ghulokilo ino iwu timi Israilmi kighini khochiletsuni, ipi AMPEU no pi.

HOSIYA 2:21 Iomraidhean Croise

ISAIAH 55:10

“Tsütsüghu ngo mürasü no atsütsü lono iqighi no idechile iku mono ayeghi vakümtsha ketoi, eno tino axabo thuwupe cheni eno yisü keu lau apiti tsü cheni eno timi lau asho tsü cheni.

ISAIAH 62:4

Hinguno hilau no ye Pheve kemi ipi kumo nani, eno nongu ghakhu ye khilemu Pighive keu ipi kumae, ikemu o pesü ishi pinani, I züküvü ye li shou ani, eno o ghakhu ye külakupu shiluvae; kughengu Ampeu no o lau amloqi ani, eno Pa no o ghakhu ye külauvepe nani.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

ISAIAH 65:24

Panongu no I kumphi lono I no khochile nani; panongu no pi aphi lono I no chiluve nani.

EZEKEL 36:29

I no now mithekumo lono nongu xalu nani. I no ashothi kupukuno shi nongu tsü nani eno püqümiye kiumu nongu shou bemo nani.

HOSIYA 14:7

Panongu no ideighi no Iw sükusho qholo xü nani; athi toi kupukuno shi nani; atsaibo toi mini ipeghi nani; pano jekipi ye Lebanon tsaiji toi nani.

JOYIL 2:19

Ampeu no Paw timiqo khochile no pi, “Julo, I no nongu lau athi, atsaizü, eno thazü puwu tsü ani, nongu no aghakiqi shilu nani; eno Ni ye nongu pesü shiyeqo zülo atichepu shive pemoae.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

ZEKHARIA 8:12

Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.

ZEKHARIA 8:8

eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

MALAKI 3:11

I no nongu züqhushi külhüve chekeu pithe lomipi nani, tishikeu vecheo tino nongu yeghi lo axathiqo kütsavemo nani, eno alu lo nongu tsaiboqo ye pithi ixivemo nani, aqokitikhi Mpeu no pi.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?