HOSIYA 2:18 - Sumi Naga CL (Re-edited) Bible (BSI)

¹⁸ Tipa tsalani, I no panoqo ghenguno aluza lo tüghashi, kungu ghau, ayeghi lo itikiche lhoxü sasü puloshoqhi shi nani. I no aghakhu lono shexilika, azütakikihi, eno aghükishi lakhave tsü nani, eno nongu pelo aküighüpu kühave no ikiqi ihozü lupe nani.

BAIBEL (BSI)

¹⁸ Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

HOSIYA 2:18 Iomraidhean Croise

JOB 5:22

Kütsakungo eno püqümiye ighi kelo nono junu nani, no ye ayeghi lo tüghashiqo msa akepu küha nani.

JOB 5:23

Kughengu o lulo atu akeqo ye o pünaqhimo nani, eno aluza lo tüghashiqo no o sasü külakishi lono anani.

LESHELE 148:10

Tüghashi eno tikishi kümtsü, itikiche eno yekiche ghauqo!

LESHELE 23:2

Pa no I pelo atsüni kümtsha lo ihozüpe. Pa no azü küghüqü phivilo I sawu.

LESHELE 46:9

Ayeghi shekha kutolo Pa no aghükishi kishekhave tsüe; Pa no shexilika ngo angupa hechheve tsü; Pa no khurkulu ami lono pitive tsüe.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 32:18

Iw timiqo no aloino, iqüghai akulhoqhilu keu, sükusho-a lo küghünauve nani.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 65:25

Atine ngo ambe no kümtsa chu nani; abongshuu no amishi toi aghijini chu nani; eno ayeghimkhu no apighi chuqupu shi nani. Iw akimthe toghi lo panongu ye ghüza kile momu kütsakile monani,” ipi Ampeu no piani.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

EZEKEL 39:1

“Timi nu, no ye Gog vilo tungkuptsa pilo, Ampeu Alhou no ishi piani: Julo, O Gog, Meshech eno Tubal kükaputou, I no o lachile ani.

ZEKHARIA 14:4

Tipa tsalani Pa pukhu no Jerusalem kipelau akeu Olive Toghi lo nepe puthugho nani, eno Olive Toghi ye akhila kije lakhino kikije kini shi kipelau kulolau shivetsü nani, tishikeu lono Atoghi tüxa no ahuu iqe iqho eno tüxa no apeu iqe iqive nani.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 3:10

Tipa tsalani, aqokitikhi Mpeu no asheshu, nongu kümtsü no pa kisüghüu kusü no pa tsaibo eno mububo qholo ighipe nani.”

ZEKHARIA 9:10

I no Ephraim launo khurkulu eno Jerusalem launo aghükishi khurshi ikhive nani; aghüshi shexilika ikhive nani, eno pa no shiyeqo lau külakishi tsa pi nani; pa yekipe no azüghi lono azüghi kutolo eno Aghoki lono ayeghi shekha kutolo shinani.