HOSIYA 14:4 - Sumi Naga CL (Re-edited) Bible (BSI)

⁴ Panongu no pheve keu küpülü I no shipivi tsü nani; I no kümsano kimiye nani, kughengu panoqo launo I mlokighide iqüve ake.

BAIBEL (BSI)

⁴ AMPEU no pi, “Niye iwu timiqo ilau sachile saghini. Ino imlo kuchopu pesu panoqo kimiyeni; panoqo shou ixu ide kithemoake.

HOSIYA 14:4 Iomraidhean Croise

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

LESHELE 20:8

Tipaqo ye veqhive eno ikiqive, ikemu ningu ye ithughi no mtotoi puthugho luve nani.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 55:1

“Khunono tüghüthi ani keno ighilo, azü hilau ani; khuu no pisa küha keno, ighilo, qhüchulo! Ighilo, ame sümono atsaizü ngo akichhizü qhülo.

ISAIAH 57:18

I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

JEREMIYA 17:14

I shipivi tsülo, O Ampeu, eno ni ye viluve nani; I xalulo, eno ni ye xaluve nani, kughengu No ye Iw shekiqhe ke.

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

JEREMIYA 8:22

Gilead lo nukümtshau küha keshea? Tile shikipivimi küha keo? Tishiaye kushiye Iw timi ngaqo shiaji ye athoputho mla kea?

EZEKEL 33:14

Itaghi, I no kixikilau vilo, ‘No ye mtsüqheino thinani,’ ipi püaghi namu, pa no pa xine lono tsüghüve no kiu no achipi eno kuchou keno mla aye,

EZEKEL 36:36

Tileno shiye nongu hokümxa lo akeqo no Ni ye Ampeu kepi ithi nani; kütsave keu-aqo ye I no shiqhevae eno khikhi pighive keno tipau lo sübo tsüni shosü kithevae. Ni ye Ampeu ke; I no piqhivae, eno I no tipau shinani.

HOSIYA 11:7

Iw timiqo ye tsümomo I launo tsüghüveni shi cheni, eno panongu no Shishe Akiqheu lau ighamku anamu Pa ye kiu gholau nomu panoqo xaqhemo nani.

HOSIYA 2:19

Eno I no pülhapuju ghenguno no inisüve nani. I no achipiu mikucho eno kuchou xakütha, iqemokeu kikimiye eno küpükini lono no inisü nani.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

AKIKIHI 25:11

“Phinehas no kiu shikeno tipau ghenguno Ni ye Israelmi shou aloghu idemovae. Pa ghi I no amlo kilimo no timiqo lau müamzü keu ithi ani, eno tino Israelmi kütsani keu lono I süchile luve.

AKIKIHI 25:4

Eno Ampeu no Moses vilo pi, “Timiqo shou atomi kümtsü kügha sawo puchou Ampeu nhethe lono tshüqhive lo tishianguno Ampeu xukighide Israel launo tsüghülu nani.”

Rommi 3:24

ikemu Paw küpükini no kümsagho shi Khristo Jisü gholo xachilekulupu akeu vecheo achipikalu peke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

Titus 3:4

Ikemu kughou ni Xakuluu Alhouw akivi eno iqemokeu kikimiye ipeghi keno,