HOSIYA 13:15 - Sumi Naga CL (Re-edited) Bible (BSI)

¹⁵ Pa no pa thiküzümi gholo miniboi aghi namu, kipela mülhü, Ampeu mülhü, no yenguyike-a lono ighi nani, eno pa züpuki ngo azükikhe ye qhaive tsü nani; tino pa kinibo lono akughupu thime kümtsü pewuve nani.

BAIBEL (BSI)

¹⁵ Israilmino alupi toi azunihoyi thuwu aghi pinamu ino asayeqha kudauno kipela mulhu shukuthuyikeu eno tipauno panoqo zukikhe ngo azupuki fuputhove nani. Amekuapu jeli thwokha kumtsu tipauno pewuve nani.

HOSIYA 13:15 Iomraidhean Croise

BOTHUBO 41:23

Tithiu, ape tsüni, thizümüi, amuu eno kipelau mülhü no fuputho keu peipeghi,

BOTHUBO 41:52

Anu akiniu je pesü pa no Ephraim kutsü, “Kughengu I ghimeqhi keu yeghi lono Alhou no I pelo athi pithilu peke.”

BOTHUBO 41:6

Eno julo, tipaqo shelo athi pumo no kipelau mülhü no fuputhove keu ape tsüni ipeghi.

BOTHUBO 48:19

Ikemu papu no milive no pi, “I no ithi anie, I nu, I no ithi ani. Pa ghi ashiaye kije shi ikowo nani. Tishinamu, pa thiküzüu ayitiu no pa nguno akijeu shi nani, eno pa tikughuko no aqokitikhi shiye shinani.”

BOTHUBO 49:22

“Joseph ye athi pithi keu loka, azüpuki phivilo athi pithi keu loka lakhie; pa lokaqo ye aliwo veche ikue.

JOB 18:16

Pa kuhu no alouno qhaive eno aloka no kunguu no thive cheni.

LESHELE 1:4

Ikemu kixikilami ye tishimoe, pano ye amülhü no amuu fupe wuve ketoi ke.

LESHELE 109:13

Pa tikughukomi hapheve tsülo; tiqheli akiniu lo ye pa je nuxave tsülo!

ISAIAH 14:21

Pano puasüqo kipimi ghenguno pa nuliqo ghiqhini ke kuto lo, tikumo aye panongu no ithu ayeghi qhasü no aphughi shiwove nosake.”

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

JEREMIYA 20:5

Tinguno alau, I no Judah kükau, mishighüna hipau eno tile akini, tinhemgha, akughupu mheghi eno Judah kükau küakini kümtsü pesü aghümi u süvetsü nani, panongu no Babylon lo ti xülepe wuve nani.

JEREMIYA 4:11

Tipa ghuloki lo timi hipaqo eno Jerusalem vilo pi nani, “Asayeqha lo agha itsümo keu toghi lono amülhü kushu Iw timi ilimiqo küdau fupuku, ti ye fule nike momu shikimthe nike kumo,

JEREMIYA 4:12

ighono amülhü kümka I lau ighi ani. Itehi ye I no panongu shou atsa kükügha pipukuni.”

JEREMIYA 51:1

Ampeu no ishi piani: “Julo, I no ghikiqhiu ghungu xukuthope Babylon ngo Leb-kamaimi shou puku nani,

JEREMIYA 51:36

Ikehu Ampeu no ishi piani: “Julo, I no nongu tsa küghatsü eno nongu mkhü lutsüni. I no Babylon züghi eno li züpukiqo qhaive tsüni,

EZEKEL 17:10

Julo, ti ye shosüvae; ti ye thuwulu nani keshea? Kughou kipela mülhü no ti fudaqhini keno ti ye qhoi thizümüi tipau shosü püake-a lo mini ipeghi keu lono thizümüive moni keshea?”

EZEKEL 19:12

Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

DANIEL 11:8

Pa no pano lhouqo, ayi no mlakeu julho, eno panow ameshoyi ngo ghükayi bohuqo Egypt lo pewuve nani, eno ado hami ghenguno pa no ahuu kükau lewuni keu lono süchileve nani.

HOSIYA 10:1

Israel ye nibonilei keu tsaibo tipau ye axathi pithi acheni. Pa xathi no ikowo ke kümtsü pa no alau akiptia mla cheni; pa ghakhu no ikoishe kelo pa no pa tsükuchoqo shikumto cheni.

HOSIYA 2:3

tikumo aye I no li phimini xave tsüno li punu tsala lo toi aphikümsa shive tsüni, li pesü yenguyike-a toive tsüni, eno li pesü qhaike yeghi toive tsüno atüghü lono li pithiveni.

HOSIYA 4:19

Amülhü no pa chishibo lono panoqo küzüpe wuvae, panongu no pano ghakishi ghenguno kujo nani.

HOSIYA 9:11

Ephraim jekipi ye aghau lakhi toi yewuve nani— punumo, mishimo, atita lo azü ghomove nani!

JONAH 4:8

Kughou khetsünhe ipeghi keno, Alhou no kipelau shukuthui keu mülhü puwu, eno khetsünhe no Jonah kütsü yedaqhi, ikehu pa ye thiuve cheghi. Pa pelo thive pelopi pa no khu, “I ghenguno xü akeu ye thiveke pavie.”

NAHUM 2:9

Ghükayi xulepuwu lo, ameshoyi xulepuwu lo! Küakini momu akughupu thime akeqo ye ashekha küha anie.

ZAKINIU 33:17

Pa ye amshitsü piti tüghüu, pa ye akükanguagha ani, pa kibo ye aviala kibo ke; Pa kibo no timi shoqhi nani, eno ayeghi shekha kutolo timi kümtsü shoqhi nani; tipaqo ye Ephraim lo timi qhethonhe chighi, eno Manasseh lo timi qhethonhe ke.