HOSIYA 12:13 - Sumi Naga CL (Re-edited) Bible (BSI)

¹³ Tungkupu vecheo Ampeu no Egypt lono Israel saipeghi, eno tungkupu vecheo pa jukuto.

BAIBEL (BSI)

¹³ AMPEU no Israilmi Ijip lo aquaxemi shiake lono xaphelu nike eno panoqo tuchomujolu nike tungkupu lakhi puwuke.

HOSIYA 12:13 Iomraidhean Croise

BOTHUBO 28:2

Ithu no Paddan-aram lo o za papu Bethuel kilo wulo, eno o za peu Laban nonga dolo lakhi o nipu shinike luvelo.

BOTHUBO 29:20

Ikehu Jacob no Rachel ghenguno ampe tsüni qeve, ikemu pa no li kimiye akeu ghenguno ampe tsüni ye pa ghenguno atsala aghulo toive.

LESHELE 77:20

Moses ngo Aaron pama u vecheo Nono ambeloji toi Ow timiqo sawue.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 14:19

Tithiu Alhouw kungumi Israelmi aqokitikhi züu wuche keu huno athiu idewove, eno khüngküsü tsükucho panoqo züu wuche keu ghi iqesü panoqo thiu ngove no,

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.

HOSIYA 2:15

Tilauno I no li tsailu tsüchile nani eno Achor Khila pe lajupu hukikha shitsü nani. Tilauno li lhothe ghuloki lo toi, Egypt yeghi lono ipeghi kelo toi li no khochile nani.

MICAH 6:4

Kughengu I no Egypt yeghi lono nongu saipeghi eno aqüaxe kibo lono nongu qhüchilelu ke, I no nongu lau Moses, Aaron eno Miriam puwue.

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

ZAKINIU 26:5

“Tishino Ampeu zülono nongu no ishi pini: ‘I puasü ye kupokichemi Arameami. Pa ye Egypt lo iqi no tilau thilishi ache, ikemu tilauno pa ye shiye kije, akumto, eno anoghi shive.

SAMUEL ATUGHIU 12:8

Jacob no Egypt lo ighi kelo, Egyptmi no panoqo ghimeqhi, ikehu nongu puasüqo no Ampeu lau ighamku eno Pa no Moses ngo Aaron puwu no nongu puasüqo Egypt lono saipeghi no panoqo pelo hipau-a lo xülupe.