HOSIYA 11:8 - Sumi Naga CL (Re-edited) Bible (BSI)

⁸ Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

BAIBEL (BSI)

⁸ “Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

HOSIYA 11:8 Iomraidhean Croise

BOTHUBO 14:8

Tithiu Sodom kükau, Gomorrah kükau, Admah kükau, Zeboiim kükau eno Bela (ti ye, Zoar) kükau noqo no wuno Siddim Khila lo aghü shiniye kumqo luve no

SAMUEL AKINIU 24:16

Kughou kungumi no Jerusalem küdau pa u süqhepe ti kütsave niye shikeno, Ampeu no küsakusho lono süchileve no timi kütsakungo akeu kungumi vilo pi, “Kughomae; o u süchile luvelo.” Ampeuw kungumi huye Jebusimi Araunah niqa lo ake.

KUKAMI ATUGHIU 3:26

Tileno aza khuu nu no xü akeno, li no amlo lono anu kimiye akehu akükau vilo pi, “O I mpeu, anu pesü li tsüve lo eno kiukiu shimu anu pithitsü kevilo.” Ikemu lakhiu no pi, “Anga ye Iw mu shimo, ow mu shimoe; xaphave lo.”

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

YEKIKITHI AKINIU 36:15

Ampeu, pano puasü Lhou no Pa tsapemi ide-ide panongu lau puwu, kughengu Pa ye Paw timiqo eno Pa chineki kimiyeqhiyi cheke.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

ISAIAH 16:11

Tighenguno I mlo, I ngulho no küghaküsü lebo toi Moab ngo Kir-hareseth jupe igha anie.

ISAIAH 63:15

Kungugha lono pishipiqi ju tsülo, O kimthe eno jukivipu-a lono jutsü lo, O lokümsü ngo O küka khile ani kea? O mlo ighiqhiyi keu eno O kikimiye ni launo süchilevae.

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

JEREMIYA 9:6

Qhasü keu no veqabe, eno pishikiqhi no veqabe, panongu no Ni ithini ke lachile ipi Ampeu no asheshu.

JEREMIYA 9:7

Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

AKUMLO 1:20

“O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;

AKUMLO 3:33

kughengu Pa ye amlo lono ithithai no ghimeve momu timi tianuliqo shikughujuve chemoe.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 6:9

tileno nongu küghape wuve keu shiyeqo dolo akelono nongu pokalu keqo no I kümsülu nani. Kishi panoqow ghaghu mlo eno anhethi no I launo kughosü pano julhoqo mineuve kelono I mlo hephove tsü keno panongu no kümsülu nani. Eno panongu no panow kixikila kümla eno kuchhube kütsüla ghenguno pano ampi jupe aphimqhü nani.

HOSIYA 6:4

Ni ye o pesü kiu shiveni kea, O Ephraim? Ni ye o pesü kiu shiveni kea, O Judah? Nonguw kikimiye ye inaqhe kimhi toi, itheno hauve keu tsüzü toike.

HOSIYA 7:1

Kughou I no Israel shipivini keno, Ephraim xine ngo Samaria kümla lhoksa pephe nani; kughengu panoqo no pishikiqhi kilhisho shi küpkami no hepho ilo, eno khalau no süxa ishike.

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

AMUS 7:3

Ampeu no hi süchileve tsü: “Hi ye shipe moae,” ipi Ampeu no pive.

AMUS 7:6

Ampeu no hi süchileve tsü: “hi ghi shipe moae,” ipi Ampeu Alhou no pive.

MICAH 5:3

Tighenguno apunu küsü lo akeu huno punu moke kutolo Pa no panongu qhive nani; Tithiuno pa thiküzümi no Israelmi lau ideighi nani.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

MATTHEW 23:37

“O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!

ZAKINIU 29:22

Tiqheli akiniu lo nongu tianuli ngo aghakhu kushuo lono ighi kemi inami no Ampeu no kishi aghakhu hipau ghime eno küsükini pesü pishipuju keno ithulu püzü ishi pi nani—

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

Piyeküsü 11:8

eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.

Piyeküsü 18:18

eno li pitikeu michhi ithulu kelo panongu no ighamku, “Mishighüna kighiche hutoi keu kiu phughi ache kea?”

XAKUTHAMI 10:16

Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.