HOSIYA 11:2 - Sumi Naga CL (Re-edited) Bible (BSI)

² Khijehi panoqo ku keno tijehi panongu no putosülo wuve; panongu no Baalqo lau aghashi eno ajulhoqo lau piti mllauve.

BAIBEL (BSI)

² Ikemu ino khije alau pa kukeno, tijejehi paye ilauno tsughusuwuve. Iwu timiqono Baal lau lhoxu heqhipe mlla; panonguno ajulho shisukeu lau tsungqui keu ta pitikumna.

HOSIYA 11:2 Iomraidhean Croise

KUKAMI ATUGHIU 12:33

Aqhi akütacheu atsala chighiapunguu, pa mlo lono kughuphe keu qhi, lono pa no Bethel lo akümlla-khache lo iqho, eno Israelmi ghenguno aghulhu huthu phetsüe.

KUKAMI ATUGHIU 18:19

Tighenguno itehi Israelmi kümtsü Carmel Toghi lono I sasü kusholu penike azah shilo, eno Baal tungkupmi 450 ngo Asherah tungkupmi 400 khunoqo kükaliu Jezebel gholo aghulhu shi acheni keno tipaqo ghi saghilo.”

NEHEMIA 9:30

Ampe kutomo Nono panongu lau kheakulu shino tungkupmi vecheo O Ghungu no panongu kütüghü ke. Ikeghi panongu no initsü moe, tighenguno Nono ashiayeqo pelo pano leluve peke.

ISAIAH 65:7

Ti ye nongu xine ngo nongu puasüqo xine ishi lochiletsü nani, ipi Ampeu no piani; kughengu panongu no naghutoqo lono akümllagho tsüke eno atoghiqo lono I thaigha ke, I no pano lukobo lo wovekeu lo pano xine mighi püzü lepukutsü nani.

JEREMIYA 18:15

Ikemu Iw timiqo ye I kümsümavae; panongu no kichile lhou lau akümllagho tsüuve ke; tino mulhou laghi, panongu no cheche keu lo küpxalu pe, eno panongu pelo alaghila lo kumono alaphe lono püla pe,

JEREMIYA 35:13

“Israel Lhou, aqokitikhi MPEU no ishi piani: Wuno Judah ngo Jerusalem lo küxümi vilo pilo, Nongu ye I kükütsu tsaqo ini moni keshea? Ampeu no asheshu.

JEREMIYA 44:5

Ikemu panongu no ini tsümo momu I lau amlo tsümono kütau lhouqo mlla tavemoe.

HOSIYA 11:7

Iw timiqo ye tsümomo I launo tsüghüveni shi cheni, eno panongu no Shishe Akiqheu lau ighamku anamu Pa ye kiu gholau nomu panoqo xaqhemo nani.

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

HOSIYA 4:13

Panongu no naghuto kütsüqa lono aghashi cheni eno atoghiqo lono, aphisübo, khotsüsübo eno tsüzüsübo qholono piti mlla cheni, kughengu tipaqo kicheqho ye alo kehue. Ikehu nongaqo no kütüqhauvae, eno no mulimi no salhauve.

HOSIYA 4:17

Ephraim ye ajulho lau kime luve ake pa likhi qhivelo.

ZEKHARIA 1:4

No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.

ZEKHARIA 7:11

Ikemu panongu no amlo tsümove eno tsatsai ngove no ini moniye pano kini kiyikha luve.

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

John 3:19

Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

XAKUTHAMI 2:13

Panongu no Ampeu pheve no Baal ngo Ashtaroth mllauve.

XAKUTHAMI 3:7

Israelmi no Ampeu zülo küsakügha shiuve eno Ampeu Alhou kümsümave no Baal ngo Asheroth mllauve.