HOSIYA 11:10 - Sumi Naga CL (Re-edited) Bible (BSI)

¹⁰ Panoqo no Ampeu pape nani; Pa no abongshuu toi igha nani; kughou Pa no ighani keno, pa tianuliqo no khokhoshi kulolau no ighi nani;

BAIBEL (BSI)

¹⁰ “Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

HOSIYA 11:10 Iomraidhean Croise

JOB 37:1

“Tipau ghügha chilupe I mlo no ashou ilhe ipeghini ketoi kukushive.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 2:11

Msaighü ghi Ampeu qelo, eno khokhoshi alovilo.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 2:5

O Jacob laghami, ighilo, ningu Ampeu küvü lalo checheni nolo!

ISAIAH 31:4

Ikehu Ampeu no I vilo ishi pie, “Abongshuu no lhoxü tsüpe akelo ambekhemi no igha anamu pa kichimla momu hapupo mla ketoi, Aqokitikhi MPEU ghi aghü shini kehu Zion Toghi lo iqighi nani.

ISAIAH 42:13

Ampeu no aghütomi lakhi toi chewu; Pa no aghütomi toi khekulhoshi kutope ngoke; Pa no aghüle ku, eno aghüshi ghügha ighae; eno Pa ghümi shou Pa kükakumto pephe.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 64:2

tipaqo pelo ami no asü lokaqo piti akeshi, eno ami no azü kumqho akeshi— tileno O ghümi pelo O je ithi penike, eno shiyeqo pelo O zülo khokhoshi msa peniye ke.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

JEREMIYA 25:30

“Tighenguno no ye atsa hipaqo pesü panongu lau tungkuptsa pi masae, panongu vilo pilo: “‘Ampeu no ato lono igha nani, Pa kimthe-a lono mqhu ani; Pa no Pa lojimi shou mghachhoi mqhu nani, eno atsaizü kütsüghümi no ighamku ake toi, ayeghi lo xüküami shou mqhu nani.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

JEREMIYA 50:4

“Ampeu no sheshu, tipa ghuloki ighi kelo Israel ngo Judah timi no mloqasü ighi no Ampeu Alhou phu nani.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

EZEKEL 26:16

Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

AMUS 3:4

Abongshuu ye tsüqhi kepu lhoxü küha kelo aghasü lo ighani keshea? Abongshuu lhothe ye kiumu tsüqhilu moaye pa ki lono ighani keshea?

AMUS 3:8

Abongshuu no igha kelo khuu no msa moni kea? Ampeu Alhou no piqhive ake khuu no tungkuptsa sheshu moveni kea?”

MICAH 4:5

Kughengu ashiaye kümtsü no pütüta lhou je lono cheche nani, ikemu ningu ye ni Lhou Ampeu je lono pülhapuju eno alholo cheche nani.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

ZEKHARIA 10:10

I no Egypt yeghi lono panoqo sasü aki lo ighi nani, Assyria lono panoqo hekütsü no Gilead ngo Lebanon yeghi lo a-a kühave moke kutolo panongu sawo qhinani.

ZEKHARIA 10:12

I no panoqo pesü Ampeu gholono mtotoi penani, panongu no Pa je lono xünani,” ipi Ampeu no asheshue.

ZEKHARIA 8:7

Ikehu aqokitikhi Mpeu no pi: Julo, I no kipela ghakhu eno kulola ghakhu lono Iw timiqo xalu nani,

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

Piyeküsü 10:3

eno abongshuu ghügha toi asütsa kuloghi lono asheshu. Pa no asheshu kelo tsütsüküsü tsüni huno igha.