HOSIYA 10:8 - Sumi Naga CL (Re-edited) Bible (BSI)

⁸ Aven lo akuchuqu-a, Israel xinepu hu ye kütsaleve nani. Asahu ngo koghesahubo no akiptiaqo lono ipeghive nani, panongu no naghuto vilo, “Ni küghütshülo,” eno atoghi vilo, “Ni nhaluvelo!” ipi nani.

BAIBEL (BSI)

⁸ Naghuto toghilo Aven chinichekea, khilehi Israilmino asu-atu mlla cheni keno tipauye kutsaleve nani. Asahu ngo alupino tipaqo akumllagho kipti-a qunhaluve nani. Timiqono naghutoqo vilo, “Ni-kughutshuluvelo!” eno atoghiqo vilo, “Ni-nhaluvelo!” ipi nani.

HOSIYA 10:8 Iomraidhean Croise

BOTHUBO 3:8

Atsala kümtsha dolo Ampeu Alhou no aghutu lo cheghi keu sütsa pama no chilu, eno timi ngo pa nipu pama ye aghutu lo asüboqo dolo Ampeu Alhou zütshüve.

KUKAMI ATUGHIU 13:2

Ampeu tsa vecheo timi huno ishi akiptia pipütha, “O akiptia, akiptia, Ampeu no ishi piani: ‘Julo, David lagha lono anu lakhi Josiah ipikeu punu nani. Pa no atoghiqo lo achinemi ghiqhipe o kiptia shou no aghashi nani, eno timi saghiqo piti nani.’”

KUKAMI ATUGHIU 13:34

Axine hi no Jeroboam kibo shou ikughive, eno tipa ghenguno pa kibo ye ayeghi lono kütsa khave.

KUKAMI ATUGHIU 14:16

Jeroboam xine huno Israelmi pelo axine shivepe kehu Pa no Israel qhive nani.”

KUKAMI AKINIU 23:15

Tinguno alau, Nebat nu Jeroboam khuu no Israel pelo axine shivepe keno, pa no Bethel lo akümlla-khache shiqhe keu Josiah no kütsalepe pitive tsü. Pa no Asherah ghi pitive tsüe.

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

ISAIAH 2:19

Ampeu no ayeghi süküthüni ye ighi kelo timiqo no Pa loghu eno Pa kükanguagha zülono posü atuki eno ayeghi alou itshü nani.

ISAIAH 2:21

ti ye Ampeu no ayeghi süküthü niye ighi kelo timiqo no Pa loghu eno Pa kükanguagha zülono atuki eno anhepho kighipeqo lo itshü luni kehue.

ISAIAH 32:13

iyei, Iw timiqo yeghi lo asahu ngo aghüsahu no ghüsüve keu, eno ahukülü phughi lo alokivi kiqo kümtsü ghenguno mloqa lo.

ISAIAH 34:13

Kükaki eno aliwo lo koghesahu, apüghü ngo ayemhi no itsüve nani, tüngtügha ngo ostrich ki shive nani.

HOSIYA 10:2

Panongu mlo ye kichile ke; itehi panongu ye pano kipimi makho xapu masae. Ampeu no pano kiptia kubovetsü eno akümlla tsükuchoqo kütsave tsü nani.

HOSIYA 10:5

Beth-aven mishitsü julho ghenguno Samaria lo küxümi ye khokhoshi ani. Tilehi timi eno achinemi ghi tighenguno mloqa ani, panoqo no tipau jekipipu shou alovi acheke tipau ye panoqo launo wuvae.

HOSIYA 10:9

Gibeah ghuloki lono nongu ye axine shivae, O Israel; tilauno nongu ye kibe ighivae. Aghükishi no Gibeah lo achipikumomi haluve moni kea?

HOSIYA 2:6

Tighenguno I no asahu pesü li laghi putukhave tsüni eno aliwo shipe li lakhave no li ye alaghi ithumlave peni.

HOSIYA 4:13

Panongu no naghuto kütsüqa lono aghashi cheni eno atoghiqo lono, aphisübo, khotsüsübo eno tsüzüsübo qholono piti mlla cheni, kughengu tipaqo kicheqho ye alo kehue. Ikehu nongaqo no kütüqhauvae, eno no mulimi no salhauve.

HOSIYA 4:15

O Israel, nongu no kütüqha cheghi namu, Judah pelo pimive pe kevilo. Gilgal lo ilo kevilo, tike kumono Beth-aven lo iqho kevilo, eno “Ampeu ye xüküau” ipi ashoqhi shi kevilo.

HOSIYA 5:8

Gibeah lo akibo küighalo, Ramah lo afuko küighalo. Beth-aven lono kütüghülo; nino o papeni, O Benjamin!

HOSIYA 8:5

I no o mishitsü julho peve tsüae, O Samaria. Tipaqo shou I mloide puku ke. Panongu ye pimi moveni keu ado khitohi lunani kea?

HOSIYA 9:6

Kughengu panoqo ye kütsakungo keu lono pochea kemu Egypt no panongu hekütsü nani; Memphis no pano shiqho nani. Apüghübo no panow akughupu ghükayi thime luve nani; pano phiki lono asahubo ipeghive nani.

AMUS 1:5

I no Damascus khagho khadu kubove tsü nani, eno Aven Khila lono xüküami ikhive nani, Beth-eden lo kükaküsü pe akeu eno Syriami ye Kir lo haphe sawuve nani,” ipi Ampeu no piani.

AMUS 3:14

“Tipani I no Israel xine ghenguno pa ghime nani, Bethel lo akiptia ghime nani, eno akiptia lo akibo akeqo ye ikhipe ayeghi lo veqhive nani.

AMUS 7:9

Isaac kümlla topeqo ye kütsaleve tsü nani, Israel kümlla kiqo ye kütsapinyive tsü nani, I no azütakikihi pesü Jeroboam lagha mjo ithughi nani.”

AMUS 8:14

Samaria kipimi jeku tushoqhi, eno ‘O Dan, o lhou xü anike,’ momu ‘Beersheba Laghi anike,’ ipi chekemi ye ikiqive nani eno khilemu ithughi kithemo nani.”

MICAH 1:13

Lachish lo küamiqo, khurshi pesü khurkulu lo tsüghada lo; kughengu tino Zion limi shou axine hukuthu ke, kughengu Israel xine ye o launo ithulue.

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?

NAHUM 3:11

No ghi shomzüve nani; eno no ye itshüuve nani; o ghümi lau sükusho phuwu nani.

Luke 23:30

Panongu no naghutoqo vilo pi nani, ‘Ni shou ilu ikughi lo,’ eno atoghiqo vilo, ‘Ni küghütshü lo.’

ZAKINIU 9:21

Tishino nongu no mlakeu axinepu mishiti julho I no ikhipe pitive no mukhumuno shive tsü. Eno I no tipau mukhu pewo naghuto lono qoiqi akeu ghoki lo vesüve.

Piyeküsü 6:16

ngono naghuto eno atuqo pütsa, “Ni shou ilu ikughi lo eno Khuu no kükalakhü lo iqa ani keno Pa zülono eno Ambeti loghu launo ni küghütshüve lo,

Piyeküsü 9:6

Tipa ghuloki lo timiqo no akithi phu nani kemu ithumla nani, akithi kümsü khelho nani kemu ti ye panoqo launo pove nani.