HAGAYI 1:6 - Sumi Naga CL (Re-edited) Bible (BSI)

⁶ Nongu no kutomo xusü kemu aghulo likhi ghile hulue. Nongu no chucheni kemu lukümkha kühae; nongu no sho cheni kemu aghapiqilu chemoe. Nongu no pepu mini cheni kemu khunomu lüvüilu chemoe. Eno khunono aqe qelu cheni keno pewo süqhu küixü lo süve chenie.

BAIBEL (BSI)

⁶ Nonguno athi kumzapu xusu ani ikemu aghulo likhi ghile hulu ani. Nonguye achuqupu chukepuye ani ikemu nongu pelo lukumkha shi peithalu kepu shiamoe. Nonguye atsayiji shokepu ani ikemu yeleqolei kepu kuhae! Nonguye aphimini ani ikemu nongu pelo luvuyi lukepu lukumkha shi kuhae. Qeleqe qechukemino aqe qepewo jolabo akighipe akeulo suve ani.

HAGAYI 1:6 Iomraidhean Croise

SAMUEL AKINIU 21:1

David ghuloki lo ampe küthü ishokibe püqümiye ighive kehu pa no Ampeu phuighi. Ampeu no pi, “Aji pelekeu kipimi Saul eno pa kibo shou ani, kughengu pa no Gibeonmi pithive ke.”

KUKAMI ATUGHIU 17:12

Li no khochile, “Ampeu o Lhou je lono pi anike ni ye asho kunuve keu kühae, ikemu ashomkhu au kichhi lakhi ani eno thazü kitila abohu lo ani. Itehi ni ye asü kichepe ilo no I nu nikujo ghenguno kutope chuve no tithiu ye thiniae.”

NEHEMIA 5:2

Kughengu khami no pi, “Ni kibolomi ye kutomo anike ningu pelo athi ithulu pelo, tishianguno nino chuno xünie.”

JOB 20:22

Pa no tule-pele ililai akelono aveküsapu lo ilove nani; shiluküsa no pa qaluve nani.

JOB 20:28

Pa küakini aghike thaqhü ye züqozü no pewuve keshi, Alhou loghu tsala ighi kelo qhoi sünhe sawuve nani.

LESHELE 107:34

aghüma yeghi pesü amti yeghi shive tsü, tipau lo küghüna akeqo lhoksa ghenguno ke.

AHOLE 11:24

Khami ye kümsano tsüve namu alau kinimi shi, khamiu ye tsükepu shi akeu süchileve keghi aqüagha shi cheni.

ISAIAH 5:10

Atsai luche 10 lo atsaizü liter 24 likhi mlalu nani, axapiti ahu 100 lo ahu 10 likhi pithi nani.”

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

JEREMIYA 14:4

Ayeghi shou ghuqhi tsümove kehu tino ikoghegheive, alukichimi no kujove eno pano kütsü nhaluve.

JEREMIYA 44:18

Ikemu atsütsü kükaliu lau akümllagho mlla move eno atsaiji kümllagho pesü li lau leqhitsü move keloye ningu ye kiumu kühavae eno azütakikihi ngo püqümiye lono thikhavae.”

HOSIYA 4:10

Panongu no chunani, ikemu aghaqimo nani; panongu no kütüqha nani, ikemu kughuko lumo nani, kughengu panongu no Ampeu pheve no pano pesü

HOSIYA 8:7

Panongu no amülhü yisü, ikemu miyitsü xolu nani. Aghibo puthughope akeqo ye aghipe movae; tipaqo ye athi pithimo nani; tsala tipaqo no pithi namu inaghami no chuvetsü nani.

ACHINE 26:20

Nongu no akaveshi mlakeu ye adou shive nani, kughengu no yeghi lo tüxatini ipeghi move, eno asüboqo no axathi pithi move nani.

ACHINE 26:26

No chuqupu laghi I no hekhave tsü kelo, totimi chighi no amiphoki lakhi lono asho shino aphiphi shi kije nani, nongu no tipau chukhave namu müzüthi nani.

HAGAYI 1:10

Tighenguno nongu sholo atsütsü no atsüzü süchilevae, eno ayeghi no pithilu pemovae.

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

HAGAYI 1:7

“Ikehu aqokitikhi Mpeu no piani: Nongu laghi chhejulo.

HAGAYI 1:9

Nongu no kutomo laju akemu julo, aghulo likhi ghile huke. Eno kughou nongu no aki lo xapughi keno, I no fuleve tsü. Kushiye kea? ipi Aqokitikhi Mpeu no asheshu. Kughengu nongu lakhikhi no pütüta kilo mighimghai auve kelo I ki ye ixapinyive kehue.

HAGAYI 2:16

nongu ye kishi ache kea? Kughou milakhi no akimghi muku pekütsü püa keno, tile chighi likhi aghive. Kughou milakhi no atsaizü tughuko lo akimghi lhopungu shophe niye ighi keno, tilehi muku likhi aghive.

HAGAYI 2:17

I no nongu eno nongu no aghimeshi mlaphe keqo kümtsü akhumu, akughumho eno mürasü pesü kütsave tsü, ikeghi nongu ye I lau ideighi moe, ipi Ampeu no asheshu.

ZEKHARIA 5:4

Aqokitikhi Mpeu no pi, I no hipau puwu nani, eno hi no küpkami kilo eno khuu no I je lono akimki shoqhi shicheni keno pa kilo ilo nani. Eno tipau no pa kilo ngove no asüpa ngo atuqo ghi külhüve nani.”

ZEKHARIA 8:10

Kughengu tipa züu ye timi momu lhoxü piqelu kepu shimoe, momu hu-wo chekemi ghenguno aghümi launo sükusho kühae, kughengu I no timi lakhikhi pesü pa kisüghüu ghümi shivepe ke.

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

ZAKINIU 28:17

Now tüxatini eno abiale ye müsüinive nani.