HABAKUK 3:2 - Sumi Naga CL (Re-edited) Bible (BSI)

² O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

BAIBEL (BSI)

² O AMPEU, nono kiu mlaveakeno ino chiluvae, eno niye apuchopungovae. Itaghi ni ghulokilo ghi nono akumzapu kumla kije shichekeu shitsulo. Nono aloghu ide akelo pinamu kupuqhiyilo.

HABAKUK 3:2 Iomraidhean Croise

EZRA 9:8

Ikemu ningu lau ghükulumi qhitsüni ye eno ningu pelo Pa kimthe-a lo ijelu peniye itehi ado hami ghenguno Ampeu ni Lhou no kimiyeqhiyi keu pephe piyevae, tishianguno ni Lhou no ni gi yepüvü tsü eno aqü-axe lono ningu ghüthi püxü tsüniye ke.

JOB 42:5

I kini lo likhino I no chilu kemu itehi ye I nhethi no No ithuluvae;

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 25:6

Ow kimiyekini eno iqemokeu kikimiye kümsü lulo O Ampeu, kughengu tipaqo ye khaghi no tishi cheghi ke.

LESHELE 38:1

O Ampeu, O mlo kighide lono I sakiyi kevilo, momu O loghu lono I ghasü kevilo!

LESHELE 44:1

O Alhou, ni puasüqo no pikeu ni kini lono chiluvae, wovekeu ghuloki lo Nono kiu kümlaqo mla keno chiluvae.

LESHELE 71:20

No khuu I pelo aveküsa eno amhekiqi ithulupe keno Nono I püxü kithe tsü nani; ayeghi kuthoku lono Nono itaghi I saipeghi nani.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 85:6

Ow timiqo pelo O launo alokivi shilu apenike No ye ningu pesü xükithe tsü monani keshea?

ISAIAH 53:1

Ni launo chilu keu khuu no pülü kea? Eno Alhou u khuu piye kea?

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

ISAIAH 63:15

Kungugha lono pishipiqi ju tsülo, O kimthe eno jukivipu-a lono jutsü lo, O lokümsü ngo O küka khile ani kea? O mlo ighiqhiyi keu eno O kikimiye ni launo süchilevae.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

JEREMIYA 10:24

Kuchou xakütha lono I shikithe tsülo, O Ampeu; O mlokighide lono kumoe, ni ye kiumu kumove nosake.

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

JEREMIYA 29:10

“Kughengu Ampeu no ishi piani: Kughou Babylon lo ampe lhotsüni kupuveni keno I no nongu xuju nani, I shoqhi shikupu nani eno hipa-a lo nongu sachile saghi nani.

JEREMIYA 46:28

O I qeu Jacob, msa kevilo, ipi Ampeu no sheshu, kughengu Ni ye o gholo ani. I no khile o hale puwuve keno, shiye ti kümtsü kütsave nani, ikemu nou ye qhoi kütsamoe. Ni ye kiu gholau nomu o ghime mono qhivemo nani, I no aghibiu lono o sakiyi nani.”

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;

DANIEL 8:17

Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

DANIEL 9:2

pa yepe mpe atüghüu lo, ni, Daniel no Ampeu tsa tungkupu Jeremiah lau ighi keu kiqi lono Jerusalem pighive keu ashekha shinike zülo ampe kikihi khije wove aghi masa keno kakuqo lono phukidelu, ti ye, ampe lhotsüni.

HABAKUK 3:1

Tungkupu Habakkuk kighini, Shigionoth ghügha kiqi lono.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

ZEKHARIA 1:12

Ikehu Ampeuu kungumi no pi, ‘O aqokitikhi Mpeu, No ye Jerusalem eno Judah phughiqo shou ampe lhotsüni amloideve ake itaghi khitohi küpükini piye mono ani kea?’

John 10:10

Küpkami ye püka, heqhi eno kütsani ke ghengu likhino ighi cheni. I no ighi keu ye panongu pelo aküxü apeniye eno ti kupukuno shi apeniye ke.

Rommi 10:16

Ikemu Israelmi ye kümtsü no Atsakiviu gholu kekumoe. Kughengu Isaiah no pi, “Ampeu, ningu no sheshu kelo khuu no pülü kea?”

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

IBRIMI 12:21

Ti ye shishe aküighüpu kehu Moses no pi, “Ni ye akümsa no khokho shive.”

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”