HABAKUK 3:16 - Sumi Naga CL (Re-edited) Bible (BSI)

¹⁶ I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

BAIBEL (BSI)

¹⁶ Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

HABAKUK 3:16 Iomraidhean Croise

JOB 30:17

Putho tsala no I ghi tsüghüqhi, tsaqhi keu küsü no zühu mlavae.

JOB 30:30

I yiko no tsübui no ikiqi khavae, eno akülü no I ghi pitiqhi anie.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

AHOLE 12:4

Anipu kighiche ye akimi kütsü kuqhoke, ikemu li no akukujo süghi aye akimi ghi anhü kütsave tsüke paphie.

AHOLE 14:30

Iqünhei keu mlo ye aphimpi lo aküxüpu sütsü ani, ikemu anhekushu no aghi anhü pesü tsümavepe cheni.

ISAIAH 21:3

Hi ghenguno ni ye totimi no apunu küsü sü akeshi aküsü no I phi kümtsü tsügha luvae; hi chilu eno ithulupe ni ye pishepe apuchopungo auvae.

JEREMIYA 23:9

Tungkupmi ghenguno: I mlo alou no itapinyi ani; I ghi kümtsü süküthü ani; ni ye shokümzümi toi ani, atsaiji shomzü kemi toi ani, Hi ye Ampeu ghenguno eno Pa kimthe tsa ghenguno ke.

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

JEREMIYA 4:19

I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

JEREMIYA 5:15

Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

AKUMLO 1:13

“Pa no kunguu no ami puwu; tipau piqi no I ghi lo ilovepe; Pa no I pukhu lo alichhe qhitsü; Pa no I tutsüghüve; atsala kupuju aghimeshi I pelo thüghüi ngovepe.

AKUMLO 1:20

“O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

EZEKEL 3:14

Aghungu no I peqheluve eno I sawuve, eno ni ye kukhukimji shive, Ampeu u no I shou akumto shi ikughive ke.

DANIEL 10:8

Tighenguno ni ye I likhive eno kungunhetsü kije hi ithulu, eno I lolo aküka kühave. I gi küvü ye akümsapu shi kilive, eno ni ye aküka kühave.

DANIEL 10:9

Tithiu I no pa sütsa chilu kelo ni ye agi no ayeghi lo pishiqhope zücheive.

DANIEL 8:27

Eno ni, Daniel, ye atsala hami süve no ihozüve. Tithiu ni ye ithughive no akükau kümlapu lo wuve, ikemu ni ye kungunhetsü ghenguno aveghüzü shino tipau vethamlave.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

Luke 21:19

Nongu no kutuu puqhelu keu lono nongu ye aküxü achili shilu nani.