HABAKUK 2:7 - Sumi Naga CL (Re-edited) Bible (BSI)

⁷ O piashe kupumi no züleno ithu o shithüghüi moni kea? Tishino panongu no o hakholuve nani.

BAIBEL (BSI)

⁷ Ikemu nonguno tipau ithi mphi lono nongu kutami leluveche keqoye apiagha pu nani eno anguka lono akighishe tsukepu shipe nani. Aghumino ighi puzu nongu pelo musa khokhoshipe nani. Panonguno nongu xulepuwuve nani!

HABAKUK 2:7 Iomraidhean Croise

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

YETSAPIU 10:8

Khuu no aqo chhu keno pa no tile ikiqi ilove nani; khuu no akupuwu vexü ilo keno, apighi no mighi nani.

ISAIAH 11:13

Ephraim nhekushu ye kühave nani, eno Judah peitha püsa kemi ye kütsave nani; Ephraim ye Judah jupe anheshumo nani, eno Judah ye Ephraim peitha püsamo nani.

ISAIAH 41:25

I no ahuu no milakhi hakutho eno pa ye ighivae, pa ye khetsünhe kipelau no ighi, eno pa no I je ku nani; alikümlau no aghani qoda keshi, pa no yepemi qoda nani.

ISAIAH 46:11

I no kipelau no ashikuchu ghau kusaghi peke, I kimji shikupu tsüni keu timi lakhi aghacheu no kue. I no pivae, I no ti shikupu nani; I no kughuvae, I no ti shinani.

ISAIAH 47:11

Ikemu alhoksa no o shou ikughi nani, no ye kishino tipau khonhaveni keno mtha nani; küsakusho no o shou ikughi nani, no ye tipau lochile mla nani; eno nono khilemu ithimo keu amhekiqi no paikhavi o shou ikughi nani.

JEREMIYA 51:11

“Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

JEREMIYA 51:57

I no liw hiyampemi ngo alokütsümi, angh, zatsümi eno ghüshimi shokümzü nani; panongu ye alholo küzü züve no idathughi move nani, Akükau khuu je aqokitikhi MPEU keno Pa no sheshu.

JEREMIYA 8:17

Julo, I no nongu gholo apighiqo puwuni cheni, zümlani keu athicho pighiqo, panongu no nongu mighi nani,” ipi Ampeu no asheshu.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.