HABAKUK 2:5 - Sumi Naga CL (Re-edited) Bible (BSI)

⁵ “Tinguno alau, aji ye thekuchuue, akuchhomami lakhi ye khilemu akulhoqhilu chemoe. Pa lakimne ye Kithigha toi thonhei; akithi toi pa ye khilemu aghaqive chemoe. Pa no shiye kümtsü pa lau hekütsü eno ashiaye kümtsü paw toi hekütsü cheni.”

BAIBEL (BSI)

⁵ Kinikuluye pishikiqhi. Aghukha shiche kemiye qheza eno ngosumlae, akithi hutoi panonguye khilemu aghaqi chemoe. Tighenguno pano likhi pano sala ashiayehqo eno timiqo leluve cheni.

HABAKUK 2:5 Iomraidhean Croise

KUKAMI AKINIU 14:10

No ye kuchou no Edom theqhivae eno tino o mlo mtolu ani. Ikemu o jekipi tino lukümkha shive no aki lo auve lo. Kushiye aküküpna xukutho no tino no eno Judah ghi o gholono ikiqi apeni kea?”

LESHELE 138:6

Kughengu Ampeu ye qhemghai animu aqhokighemi kihi acheni, ikemu aqheküzami ye Pa no putou no ithi acheni.

AHOLE 20:1

Aji ye akiphikumo, aküpütsü ji ye mtomshu chekeu, aji no saküghüzüve kemi ye alokütsümi kumoe.

AHOLE 21:24

Aqheküzami, tsütsüngoju kemi je “Thoküghami,” pa ye alhokuthu akülaki piye cheni.

AHOLE 27:20

Kithigha ngo Kithimi yeghi ye khilemu aghapiqilu chemo, timi nhethi no mine chekeu ghi aghapiqilu chemoe.

YETSAPIU 5:10

Khuu no pisa kimiye cheni keno, pa ye pisa shou aghaqimo nani, titoi küakini mine chekeu ye paw ilokighi jupe lukümkha shimo nani; hi ghi adoue.

ISAIAH 14:6

tino tamomithe axukighide lono ashiayeqo ghaqhi, eno shiyeqo kijipüsaqhi pano qhasü cheke.

ISAIAH 16:6

Moab ye kishi aqheküza kelae! Pa qheküza, tsütsüngoju keu, eno akiphikumo nino chiluvae; pa kuchhoma ye abokümsae.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 21:5

Babylon yepemi no aghulhu lüpa kuto, ayephu qha püzü tile iqa no chusho ani. Ithulo, O kijemiqo; azüto kutolo!

ISAIAH 5:14

Hi ghenguno Kithigha no pa müzü-tüghü alau shiuve no pa kichi mkukithe ani, Jerusalem lo mbumghu alovi chekemi kijemi ngo aqokitikhi kümtsü tile ilove nani.

ISAIAH 5:8

Khunono kütami yeghi kühave moke kutolo aki-alu koluve tsüno aqha kuchopu nongu likhi auve cheni keno ahasapue.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 51:39

Panongu no mqhu akelono I no pano ghulhu kutotsü no shokümzüpe alopivi tsü nani, eno alholo küzü zühuvepe nani.

HABAKUK 1:15

Aghümi huno akha kümsüpuyi ngo akhame pesü panongu kümtsü sünhephe; panoqo hakütsüpe ghokütsü keu-a lo süve; eno pa ye alovi eno amloqi ani.

HABAKUK 1:17

Imaye pa ye pa khame kümsashi kuthole auve eno alholo kimiyemo mithe shiyeqo ghiqhi auve nani keshea?

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

1 Thes. 4:11

eno nino nongu shikave ketoi iqüghai xüni keu, nongu luche lo amlo tsüno pütüta u no mla chuni keu no nongu kimji shilo,

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”