HABAKUK 2:3 - Sumi Naga CL (Re-edited) Bible (BSI)

³ Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

BAIBEL (BSI)

³ Hi yepe qhilo kughengu hipau kuchou shi ighinikeu ghuloki kumphike. Ikemu aghulokiye papashi ighi nani eno kiu opiye keno tiye kuchou ighini putsake. Hi ighinike asheshi aghiluvi ikemu tipau khelo; hiye mutsuqheyino shi nani putsa ke eno hiye munuvemo nani.

HABAKUK 2:3 Iomraidhean Croise

KUKAMI AKINIU 6:33

Pa no pi aphi lono, atsapeu no pa lau iqighi no pi, “Aküküpna hipau ye Ampeu launoe! Ni ye kushiye Pa kheani kea?”

LESHELE 102:13

Nono ithughi no Zion kimiye nani; hi ye li shou kimiye kepu tüqhüdo ke; kihitha püakeu tüqhüdo ye hike.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

IPEKULU 12:41

Ampe 430 kishekhake tsalani, Ampeu aqokitikhi kümtsü Egypt lono ipeghive.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 7:4

Eno pa vilo pilo, ‘Kutokupui eno inaqhoi shilo, msa kevi, eno amsü miche ilhouve keu Syriami Rezin ngo Remaliah nu hupama xukighide ghenguno o mlo hauve kevilo.

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

EZEKEL 12:25

Kughengu Ni ye Ampeu ke; I no pinikeu tsa I no pi nani, eno tipau ye shikupu nani. Tipau ye munuve monani, ikemu O hekibide laghami, nongu ghuloki lono I no atsa pi nani eno tipau shikupu nani, Ampeu Alhou no asheshuvae.”

EZEKEL 30:9

“Tipa tsalani I launo atsapemi no zükiluqo lono wuno pülüküpsa küha kemi Cush lo timiqo kichi kümsa niye shinani, eno Egypt mhekiqi tsalani kütakihi keu no panoqo shou ikughi nani; kughengu julo, ti ye ighivae!

DANIEL 10:14

eno ighini keu tsala lo ow timiqo lau kiu shiniye ani keno o pelo vethalu peniye ighi ani. Kughengu kungunhetsü ye ighini keu tsala ghenguno ke.”

DANIEL 11:27

Akükau pama mlo ye küsakügha shini keu likhi nani. Aghulhu lüpa lakhi lono pama ye akimki tsa pi nani, ikemu kiu vehumu shilumo nani, kughengu ashekha ghuloki ye kihitha püakeu dolono ighini aphike.

DANIEL 11:35

eno alokütsümi khami ye veqhive nani, tishikeu lono panongu ye ashekha ghuloki tomphi lono thakimthe, shikimthe eno metsüghoi luve peniye ke, kughengu kihikütha do ye khe aphike.

DANIEL 8:17

Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

DANIEL 8:19

Pa no pi, “Julo, axukighide ashekha lo kiu shive nani keno I no o pelo ithi peni, hipau ye ashekha do kughu püakeu kimji ghenguno ke.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Apostolmi 1:7

Pa no pi, “Apu no Pa küka lono kughuve keu do aghuloki ye nongu no ithi masa keu kumoe.

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

Galatiami 4:2

ikemu papu no atsala kihitha tsükeu tomoke kutolo pa ye ghaküsümi ngo kughukütsümi qholo acheni.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.