HABAKUK 2:19 - Sumi Naga CL (Re-edited) Bible (BSI)

¹⁹ Khuu no asülu vilo, Ithulo; iqünhei keu tuqu vilo, Ithulo! ipi cheni keno ahaküsapue. Hipau ye shikalu nani keo? Julo, hi ye ameshoyi ngo ghükayi no dapüani kemu atuthu ye kühae.

BAIBEL (BSI)

¹⁹ Nonguye puhaveni putsa! Nonguno asu tachu vilo, “Idathuvelo! momu atumqo vilo ithughivelo” ipi nani. Ajulho shisukeuye nongu vilo kiuala piyesulu nani kesha? Tiye shunayi ngo tsandiyino kuzupe aghiluvi ikemu tipaulo akuxu kuhake.

HABAKUK 2:19 Iomraidhean Croise

LESHELE 135:15

Shiyeqo julho ye ghükayi ngo ameshoyi ke, ti ye timi u no mlakeu ke.

LESHELE 135:17

tipaqo ye akini ani, ikemu chilu chemo, momu panoqo kichi lo atuthu kühae.

LESHELE 97:7

Khunono panow ameküküha julhoqo pükhüpe qheza acheni keno ajulho mlla chekemi kümtsü akukujo lo süve nani; nongu alhouqo kümtsü no Ampeu mllalo!

ISAIAH 26:14

Panoqo ye thivae eno xülu moae; aghawu shive ake ithughi moae; Nono kütsakungo keu pesü panoqo xuju no pano juaje nuxave tsüe.

ISAIAH 40:19

Ajulho keo? Ti ye akümlami no mlaphepe ameshoyi no küzüve no ghükayi chi pesü xipipe cheni.

ISAIAH 41:26

Khuu no abothu lono hi sheshu, momu azüuno pi kea? Tishianguno ningu pelo, “Pa ye achipie” ipi peniye ke. Khunomu sheshumo, pikülhamo, nongu no pikeu chilu püamoe.

ISAIAH 44:17

Asü tüxa pesü pa no ajulho shisü no tipau zülo pishiqho no mlla cheni. Tipau vilo pa no inikhu, “I xalulo kughengu no ye I lhou ke!”

ISAIAH 46:6

Khunono panow pisabo lono ameshoyi ikhiphe cheni, eno ahu lono ghükayi mighi cheni keno panoqo no ameshoyi kiyiqimi ajume tsüno alhou mlaphepe cheni; panongu no itsaqi ti mlla cheni!

ISAIAH 57:6

Akhila lo atumloqo no nongu saje ke; tipaqo shou no nongu no asaqhi cheni; tipaqo lau nongu no shokepu kümllagho ngo athi kümllagho pesü tsüke. Ni ye hipaqo shou aloqini keshea?

JEREMIYA 10:14

Timi kümtsü anikha eno akighithi kühae; ameshoyi kiyiqimi ye pa no mlakeu julho no shikujo, kughengu pa julhoqo ye kichile, tipaqo lolo atuthu kühae.

JEREMIYA 10:3

kughengu timiqo khuaye ye ame kühae. Asübo lakhi aghasü lono thaqhi no külalumi no amüghü pesü ajulho mla cheni.

JEREMIYA 10:4

Panongu no ghükayi eno ameshoyi pesü ananu shicheni; ayihesü pesü ayishu yesü cheni ikehu ti ye itha mlae.

JEREMIYA 10:9

Ghükayi ye Tarshish lono süghi cheni, eno ameshoyi no Uphaz lonoe. Tipaqo ye külalumi eno ameshoyi kiyiqimi kümlae; tipaqo phimini ye hughai eno tsülabei; ti kümtsü timi u lo kümlae.

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

JEREMIYA 2:28

Ikemu nongu no mlakeu lhouqo khile ani kea? O Judah, no veküsa lo nongu xalu kepushi aye pano pelo ithughi pelo; kughengu now mishighünaqo khije ani keno no lhouqo ghi tijehi ani.

JEREMIYA 51:17

Timi ye kümtsü anikha eno akighithi kühae; ameshoyi kiyiqiu ye pa julho no shikujove cheni, kughengu pa julhoqo ye kichile eno aküxü kühae.

JEREMIYA 51:47

“Julo, I no ajulho kümlla ghimeni keu tsala wocheni; li ghakhu kümtsü shikukujo nani, tile akeqo kümtsü no ikiqi thikhave nani.

DANIEL 3:1

Akükau Nebuchadnezzar no ameshoyi julho lakhi mla, tipau ye akiqhelau auxakuchho muku tsüni eno akijelau no auxakuchho küthü. Pa no tipau pesü Babylon lo Dura qayeghi lo ghope qhi.

DANIEL 3:18

Ikemu tishi movemu, o pelo hi ithi penishi ani, O akükau, ningu ye o lhouqo qemo nani momu ameshoyi julho nono ghope qhikeu mllamo nani.”

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

DANIEL 3:7

Tighenguno akibo, fulili, aheo, akighilebo, lilala eno alebo ghügha jeli kümtsü chilu kemtsa ashiaye, shiye eno atsa jeli kümtsü no pishiqho luve no akükau Nebuchadnezzar no ameshoyi julho ghope qhikeu mllae.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 5:4

Panongu no aji sho eno ameshoyi ngo ghükayi, alazayi, ayi, asü-atu lhouqo sheqhe ae.

JONAH 1:5

Tile zükilu sakichemi ye msave eno pütüta müzülo alhou lau ighamku. Zükilu kümthüni ke panoqo no anhemgha azüghi lo vesüve. Ikemu Jonah ye iqi zükilu chebo alou lo züchei ae.

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

Piyeküsü 17:4

Totimi huye hughai eno huchuyike phimini pepu, ameshoyi ngo akughupu tu eno mlapuchi thimeqo kighipusü au lo ameshoyi jukhu pe aghi, ajukhu tipau lo aphikümqhüpu jeli eno li ghili küsa mithekumo no chhitoi ae.