HABAKUK 1:12 - Sumi Naga CL (Re-edited) Bible (BSI)

¹² O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

BAIBEL (BSI)

¹² O AMPEU, noye abothu lono Alhou ke. Noye iLhou, akimthe eno lhoktake. AMPEU, iLhou eno sushokuluu, nono Babilonmi kishelu eno panoqo mutotoi shitsu, tishi anguno panoqo pelo nighimeqhi peniyeke.

HABAKUK 1:12 Iomraidhean Croise

BOTHUBO 21:33

Abraham no Beersheba lo tamarisk bo lakhi shosü eno tileno Ampeu, Shekhaha Lhou sheqhe.

KUKAMI AKINIU 19:25

“I no khaghi no kughuve pi no ye chimla aphi keshea? I no khaghi no kughuchhove keu ishi no shikupu ani, o pelo aliwo kumto phughiqo hepho pinyive peniye shike.

LESHELE 102:24

I no pi, “O I Lhou, I küxü mta lono ni ikhi süwuve kevilo, No ye tiqheli kümtsü lo pülhapuju ache nani!”

LESHELE 118:17

Ni ye thimo no xü nani, eno Ampeu kümla kümsülu nani.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 17:13

Ithulo, O Ampeu! pa mjochile lo, pa qhasüve lo! O zütakikihi pesü kixikilami launo I ngulho xaphe tsülo,

LESHELE 18:1

O Ampeu, I kumtou, I no O kimiye cheni.

LESHELE 74:12

Ikemu Alhou I kükau ye abothu lono ke, eno ayeghi lo xakulu süghi tsüe.

LESHELE 90:1

Ampeu, tiqheli kümtsü lo No ye ni kungo-a ke.

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

LESHELE 93:2

O kükalakhü ye mulho lono shosüvae; No ye shekhaha acheghi ke.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 37:26

“I no khaghi no kughupe qhive keu no ye chimla aphi keshea? Ishi kiu shikupu ani keno, ti ye I no püzüu no kughuchhove ke, ikehu nono aliwo kuptu phughiqo hepho ilo mukhumuno shilue,

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

ISAIAH 43:15

Ni ye Ampeu akimtheu, Israel lhokeu, nongu kükaue.”

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

JEREMIYA 4:27

Kughengu Ampeu no ishi piani, “Ayeghi kümtsü pighive niae, tishimu Ni ye qhoi kishekhave tsümo nani.

JEREMIYA 46:28

O I qeu Jacob, msa kevilo, ipi Ampeu no sheshu, kughengu Ni ye o gholo ani. I no khile o hale puwuve keno, shiye ti kümtsü kütsave nani, ikemu nou ye qhoi kütsamoe. Ni ye kiu gholau nomu o ghime mono qhivemo nani, I no aghibiu lono o sakiyi nani.”

JEREMIYA 5:18

“Ikemu tipau tsala lo ghi, Ampeu no asheshu, Ni ye qhoi o kütsavemo nani.

AKUMLO 5:19

Ikemu, O Ampeu, Nono alholo ayepe ani; O kükalakhü ye tiqheli kümtsü lo ache nani.

EZEKEL 30:25

I no Babylon kükau umlo shikumtove tsü nani, ikemu Pharaoh umlo ye ikiqive nani. Kughou I no I zütakikihi pesü Babylon kükau u lo süve tsüno pa no Egypt yeghi mjochile ghi ti chhopuwoni keno panongu no Ni ye Ampeu kepi ithi nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

HABAKUK 3:6

Pa no puthugho no ayeghi mighi; Pa no jupuwo no shiyeqo süküthü; tileno alholo naghutoqo ye apanaghave; alholo toghiqo no aqhou iqüilove. Pa laghi ye pülhapuju la ke.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

Apostolmi 3:14

Nongu no Akimtheu eno Amikuchou milive no ghikiqhimiu kuqhophe tsülopi khuluve.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

IBRIMI 13:8

Jisü Khristo ye ighi, ishi eno alholo aphiphie.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.