Galatiami 4:9 - Sumi Naga CL (Re-edited) Bible (BSI)

⁹ Ikemu itehi nongu ye Alhou ithivae, momu Alhou no nongu ithivae, tishiaye kishino itaghi idewo qeinai eno ame küküha ayeghi lo kükütsü jeli no qhasüve penishi eno tipaqo qüaxemi shikitheni shiani kea?

BAIBEL (BSI)

⁹ Ikemu itehiye nonguye Alhou ithivae, momu piniaye Alhou no nongu ithivae, tishiaye nonguye kishi puzu idechilewo qeinayikeu eno aqu agha ghahwu qu-axemi shikithenishi cheni kya?

Sümi Tiqhelimi Bible

⁹ Ikemu itehi nongu ye Alhou ithive ake—momu pìní aye Alhou no nongu ithivae—tishiaye nongu ye kíshi no hipau yeghilomiw qeinai keu eno ameküha keu boqha kükaqo lau idewove ani kea? Nongu ye tipaqo pelo itaghi nongu pesü panongu qüaxeu shive penishi ani keshea?

Galatiami 4:9 Iomraidhean Croise

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

IPEKULU 33:17

Ampeu no Moses vilo pi, “Nono I vilo pivekeu I no tishini, kughengu no ye I nhethe lo kimiyeqhiyi keu ithuluvae, eno I no akivishi no ithi anie.”

AHOLE 2:5

tileno nono Ampeu sükümsa ye kiu keno vethalu nani eno Alhou kighithi phulu nani.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

Luke 5:38

Ikemu atsaiji kithe pesü ahughi kithe lo sümasae.

John 10:14

Ni ye akheu kiviue. I no I mbeqo ithi ani, eno I mbeqo no ni ithi ani,

John 10:27

I mbeqo no I sütsa chilu cheni, I no panoqo ithi eno panongu no I pape cheni.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

1 Kor. 13:12

Kughengu itehi ningu ye ahiju lo jusü akeshi yekibideu ithulu ani, ikemu hithiu ye agi no agi kinheqhe ithulu nani. Itehi ni ye ithipixi aphi, ikemu Alhou no qhoi ni ithi aketoi hithiu ye I no qhoi ithive nani.

1 Kor. 15:34

Nonguw shokümzü küzü lono ithuvelo, tino achipi ke, eno axine shikithe akevilo. Kughengu khami ye Alhou mthae. Nongu shikujo nike ni ye hi piani.

1 Kor. 8:3

Ikemu khuu no Alhou kimiye cheni keno, Alhou no pa ithi ani.

2 Kor. 11:20

Kughengu khuana no nongu pesü aqüaxemi shive, nongu qhasü, nongu shou adokivi luve, nongu jukünatha, momu nongu gilo ghatsü namu, nongu ye kutuulu cheni.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

Galatiami 3:3

Nongu ye hikithipu shi mbomzü keshea? Aghungu lono huthuve apüzü itehi nongu ye ashi lono kupukülai luniye ani keshea?

Galatiami 4:3

Tipaphi lono ningu ghi kughou nino itimi shiche keno ayeghi lo kükütsü jeli no qhasüpe acheke.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

IBRIMI 7:18

Ala lakhi lo püzüu zakütsü ye miqemlei eno avehu kühave kehu qhivae

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.