Galatiami 1:7 - Sumi Naga CL (Re-edited) Bible (BSI)

⁷ Kütau tsakiviu anike kumoe, ikemu timi khami no aküpüna nongu tsüno Khristo tsakiviu tuchighive tsünishi ani.

BAIBEL (BSI)

⁷ Kuchouno kutau tsakiviuye kuhake, ikemu timi khamino nongu xukutho ani eno Khristo tsakiviu shipixinishi kehuke.

Sümi Tiqhelimi Bible

⁷ tiye khilemu atsakiviu kumoe. Mütsüqhei no timi khami ye nongu pesü kübangü keu lo sǘ ani eno Khristo tsakiviu lakha nike pükapütsa ani.

Galatiami 1:7 Iomraidhean Croise

JEREMIYA 23:26

Khikutolo panongu mlo lo pishikiqhi lono akimki tungkuptsa pi anani kea?

JEREMIYA 23:36

Ikemu no ye khilemu ‘Ampeu pekimshi’ ghili pi kevilo, kughengu ape kimshi ye timi lakhikhi tsake, no ye aküxüpu Alhou, aqokitikhi MPEU, ni Lhou tsa tuchighive ani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

Apostolmi 13:10

eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

2 Kor. 11:13

Kughengu timi titoi keqo ye kichile apostolmiqo, pishikiqhi kümlami, Khristow apostolmi ghilishi chekeqo ke.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

Galatiami 1:6

Nongu ye mtazü khuu no Khristow küpükini lo nongu kulu keno pa pheve no kütau tsakiviu lo igho wove akeu no I kichiqhivae.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Galatiami 4:17

Panongu ye akimji kivi kühano nongu züiza ani. Panongu ye nongu pesü ni launo kütüta shive tsünishi ani, tishikeu lono nongu pelo pano lau amlotsü peniye ke.

Galatiami 5:10

Nongu ye kütau kükümsü lumo nani kepi ni ye Ampeu lau pükhükibe ani, khuu khuu shi aghimu nongu pünaqhi akeu ye pa no aghime pumasae.

Galatiami 5:12

Khunono nongu pünaqhi ani keno ni ye panongu phighü pichive penishi ani!

Galatiami 6:17

Hinguno hilauye timi khumu I pünaqhi kevilo, kughengu ni ye I phimpi lo Jisü zaku xapu anie.

2 Tim. 2:18

Pama no xüchilekulu ye hechevae pi püzü kuchou laghi lono tsüghüsü wuvae. Tino timi khami küpülü shipüsa tsü ani.

1 John 2:26

Khunono nongu pishiqhini ke pükapütsa ani keno ni ye panoqo ghili pesü nongu lau yelu ani.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

2 John 1:10

Khuana no nongu lau ighi kelo hipau kükütsü peighimo aye, nongu kilo pa sasü kevi, momu pa sasü pethamu shi kevilo,

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 2:2

“‘O kümla, o ghime eno nono kutuokutuu puqhe chekeu I no ithi ani, nono kishi küsaküghami tshalu chemo keno, eno kumomu alikhi ampi pesü apostolmie piche keqo nono phuju no kichileu shive aghikeu I no ithi ani.

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

Piyeküsü 2:6

Tishimu no ye hipau aphie: no ye Nicolaitmi kümla mithi cheni, Ni ghi ti mithi chenie.

Piyeküsü 20:3

aqo lo vesüve, eno tipau khaveno mekhave, tishianguno ampe qhethonhe kutolo pa pelo shiye jeliqo pishiqhi pemo niye ke. Ti kupuve kethiuno ado kitila pa kuqhophe masa nani.