Galatiami 1:6 - Sumi Naga CL (Re-edited) Bible (BSI)

⁶ Nongu ye mtazü khuu no Khristow küpükini lo nongu kulu keno pa pheve no kütau tsakiviu lo igho wove akeu no I kichiqhivae.

BAIBEL (BSI)

⁶ Kushuwa kumphi puzu nonguye Khristo wu kupukinilo nongu kulukeu Alhou pheveno kutau tsalo ilove anike ghenguno niye shishe akichiqhivae!

Sümi Tiqhelimi Bible

⁶ Ni ye nongu pelo Khristo’w küpükini gholo xü penike kulù keu paikhavi lono qhive no atsakiviu ke ipi akeu kütau lakhi küdau tsüghüsü wuve akeu ithulu no akümzavae—

Galatiami 1:6 Iomraidhean Croise

LESHELE 106:13

Ikemu panongu no paikhavi lono Pa kümlaqo kümsümave; panongu ye Paw shiküka ngokhe move!

ISAIAH 29:13

Ampeu no pi, “Timi hipaqo mlo ye putou animu akichi-amili loye I gihu eno I phivilo akeshi cheni, panongu no I sümsa chekeu ye timi no shika keu yezah ke,

Mark 6:6

Timiqo küpülü küküha ghenguno pa ye akümza qhiyive. Tileno pa ye acheaxü lo aphuqo lo itsü kütsüshika wuve.

John 9:30

Timi huno khochile, “Ya, ti ye akichiqhie! Pa ye khilano ighi keno nongu ye mthae, ikeghi pa no I nhethi xükhove tsüe.

Apostolmi 15:11

Ampeu Jisüw küpükini vecheo ningu xalu nanie pi nino pülü aketoi panongu tishi nanie.”

Rommi 10:3

Alhou no timi pelo achipikalupe chekeu kighithi ye kühano pano lotsü lou no shiniye kelono panongu ye Alhou chipiu zülo qhoqhü mlave.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

Rommi 8:30

Alhou no khunoqo kishe kütüta shi keno Pa no tipaqo ghi kulue; khunoqo kulu keno Pa no achipikalupe; eno khunoqo achipikalupe keno Pa no ajuküvü ghi küsaje ke.

1 Kor. 4:15

Kughengu nongu no Khristo küdau no lapiyemi kihikhakümla aghimu nongu ye apu kutomo kühae. Kughengu atsakiviu vecheo I no Khristo küdau no nongu papu shilue.

2 Kor. 11:4

Kughengu khuana no ighi püzü nino nongu vilo pikülhave keu nguno kütau Jisü pikülha, nongu no aghungu ikhiluve keu nguno kütau ghungu ikhilu, momu nongu no atsakiviu ikhiluve keu nguno kütau tsakiviu ikhilu aye, nongu ye mlalei tipaqo gholo ilovae!

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

Galatiami 1:11

Athiküzümiqo, ni ye nongu pelo ithi penishi anike I no nongu lau atsakiviu kütsü keu ye timi launo ighikeu tsakiviu kumoe.

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

Galatiami 1:7

Kütau tsakiviu anike kumoe, ikemu timi khami no aküpüna nongu tsüno Khristo tsakiviu tuchighive tsünishi ani.

Galatiami 2:14

Ikemu kughou I no panongu ghili-aye ithulu keno panongu ye kuchou tsakiviu lo cheghi move kehu I no panongu kümtsü zülono Cephas vilo pi, “Nono Jewmi keghi Jewmi toi mono Jewkumomi toi xü aye, no ye kishino anguka lono Jewkumomi vilo Jewmi toi xülo piluni kea?”

Galatiami 2:2

Piyeküsü I tsükeu kiqi lono I no wuno (akhotomi ipi chekeqo vilo lomoshi) Jewkumomi gholo pikülha chekeu tsakiviu pesü pi, tishianguno ni ye adou lono pochemo momu po püamoe pi thebei shiniye ke.

Galatiami 2:5

Ikemu ningu no asüchedo lakhimu panongu phesümoe, tishianguno kuchou tsakiviu nongu ghenguno püxüpe püatsüni kehue.

Galatiami 2:7

Tike kumono Peter pesü aphighü yiko ghave kemi lau atsakiviu pikülha penike pichetsü ketoi I pelo aphighü yiko ghamo kemi lau atsakiviu pikülha penike pichetsü keu panongu no ithulue.

Galatiami 5:14

Kughengu Ayezah kuchopu atsathi lakhi lono shikupuvae: “O likhi o toi o kisüghümi kimiyelo.”

Galatiami 5:4

Nongu khunoqo ayezah vecheo achipikani ye pükapütsa ani keno, nongu ye Khristo launo kütüta shivae; nongu ye küpükini lono ikiqivae.

2 Thes. 2:14

Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

1 Tim. 1:14

eno Khristo Jisü gholo akeu küpülü ngo kikimiye vecheo, ni Mpeuw küpükini no I shou yeli qole ikughi ke.

1 Tim. 1:3

I no Macedonia lo wuche kelono o vilo Ephesus lo ngo aghilo pike, kughengu tishikeu vecheo o pelo timi khami no akülü kütau shika akeu lakha peniye,

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

1 Peter 1:15

ikemu Khuu no nongu kulu keno Pa no akimthe ketoi nongu süqesüli kümtsü lo nongu ghi akimthe shilo,

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

Piyeküsü 22:21

Ampeu Jisüw küpükini no kümtsü gholo apeniu. Amen.