Galatiami 1:10 - Sumi Naga CL (Re-edited) Bible (BSI)

¹⁰ Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

BAIBEL (BSI)

¹⁰ Hitoi pikelo niye timi lopu phu ani kesha? Ikeo timi pelo ni ikhilupeniye shi ani kya? Itehi kuto ino timi pelo ni ikhilu peniye shi aghiaye niye Khristo qeu shikepu kumoe.

Sümi Tiqhelimi Bible

¹⁰ Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

Galatiami 1:10 Iomraidhean Croise

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

MATTHEW 28:14

Tsala hi no Angh kini lo ilove namu nino pa vilo pikide küdaive no nongu pelo küpüna pemo nani.”

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

Apostolmi 12:20

Herod no Tyre ngo Sidonmi sasü kimpi ache kehu panongu no amlo lakhi shino pa lau ighi. Akükau ki jukükütsüu Blastus züiza no panongu no Herod vilo külakishi tsa pi, kughengu pano ghakhumi ye achuqupu ghenguno akükau ghakhu pükhü cheke.

Apostolmi 5:29

Ikemu Peter ngo apostolmi no khochile, “Ningu ye timi nguno alau Alhou gholu masae.

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

Rommi 2:8

ikemu aghükha shi alikhi asala phu eno kuchou gholumo püzü amikuchokumo gholu chekemi ghengu ye aloghu eno axukighide anani.

1 Kor. 10:33

ni ghi I no mlakeu thokha lo kümtsü pulou shinike pükapütsa cheni, ni ye I kivipu phumo no kutomo kivipu phu acheni, tishikeu lono panongu xalu niye ke.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

Ephesiami 6:6

Timi lokiqipu shiniye anhekithe lo likhino shi kevilo, ikemu Khristo qemi toi amlo lono Alhou pulou shilo.

FILIPIAMI 1:1

Khristo Jisü qüaxemi, Paul ngo Timothy, no Philippi lo küpülümi khunoqo Khristo Jisü laumi shino akukuho lo kichimi eno deaconmi gholo akhani keno kümtsü lau ye ani.

Kolosiami 3:22

Aqemiqo, thokha lo nonguw ayeghilo mpemi gholu lo, pano mlopiqi tsüniye aküa lo likhino mla kevilo, ikemu Ampeu sükümsa lono amlo tsüqhiyi shilo.

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

1 John 3:9

Alhou nuli shiluve kemi khunomu axine kümla shiuve chemoe; kughengu Alhou lhoaye ye pa lolo ani, eno pa ye Alhou nuli shiluve akehu axine shiauve mlae.

SAMUEL ATUGHIU 21:7

Tipa tsalani Saul qemi lakhi ye tile Ampeu zülo khathape ae. Pa je ye Doeg, Edommi lakhi. Pa ye Saul mishi khemi atou ke.