FILIPIAMI 4:8 - Sumi Naga CL (Re-edited) Bible (BSI)

⁸ Ashekhashi athiküzümiqo, kiu no kuchou, kiu no gihuküzüpu, kiu no achipiu, kiu no tsüghükhüi, kiu no juviqhiyi, kiu no ashepe tsüküzü keno, akighiche eno sheqhe küzüpu aghi aye, thime tipaqo shou kümsü puku alo.

BAIBEL (BSI)

⁸ Athikuzumiqo, ashekhashi kiuno kuchou, kiuno gihukuzupu, kiuno achipiu, kiuno mutsumisheyi, kiuno alokepu, kiuno kupukinipu keno akivipu eno shekepushi aghiaye tipaqo thime shou kumsupuku alo.

Sümi Tiqhelimi Bible

⁸ Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

FILIPIAMI 4:8 Iomraidhean Croise

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

SAMUEL AKINIU 1:23

“Saul ngo Jonathan, kimiye eno küpü chekeu, aküxü lo eno akithi lo ghi pama ye kütüta shive moe; pama ye alhuqu nguno akümthüu; abongshuuqo nguno akumtoue.

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

LESHELE 82:2

“Ado khitohi nongu ye amikucho kumoshi küghatha eno kixikilami lau agikuju piye nani kea?

AHOLE 11:1

Ahu kuchokumo ye Ampeu zülo aphikümqhüpue, ikemu aqhemi shikeu huno Pa lokiqipu ke.

AHOLE 12:4

Anipu kighiche ye akimi kütsü kuqhoke, ikemu li no akukujo süghi aye akimi ghi anhü kütsave tsüke paphie.

AHOLE 16:11

AMPEUw ahu eno ahu tu ye achipi ke, akimghipu lo ahu tu akeqo ye kümtsü Pa kümla ke.

AHOLE 20:7

Amikuchomi khuu no akikhishi xücheni keno pa tianuli pa thiu chekemi ye akümghapue!

AHOLE 31:10

Khuu no anipu kighiche phulu nani kea? Li ye achiku nguno amekushou ke.

AHOLE 31:29

Pa no picheni, “Totimi kutomo no akighiche shi mlaitha cheni ikemu nono tipaqo kümtsü shoqalu chenie.”

AHOLE 31:31

Li no kiu shikeno ti kümtsü ghenguno agigihu tsülo, li kümla ghenguno khagho lo aqha zülono akishe tsülo.

ALE KIMCHI 5:16

Pa tsapi ye ighono jumghai, eno pa philo mine kepu likhi ani. O Jerusalem ilimiqo, hi no I qhuu eno I küsau ke.

ISAIAH 26:7

Amikuchomi laghi ye müdüniyi; Nono pano laghi külaqa tsüke.

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

Mark 6:20

kughengu Herod no John ye amikucho eno akimthemi kepi ithiche eno pa süsho cheke. Kughou pa no John tsa chiluni keno, pa mlo hauve no ighono künachove che, tishi keghi amloqi qhiyi chiluche.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Luke 23:50

Jewmiw mishiphu Arimathea lono ighi keu timi kivimi eno amikuchomi lakhi Joseph ipikeu ache, pa ye Jewmi Hoho lo kihimpemi.

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 22:12

“Ananias ipikeu, Ayezah pülüthomi, tipa phughi lo Jewmi akemi kümtsü no pipivi chekeu

Apostolmi 6:3

Tighenguno athiküzümiqo, nongu gholo timi tsüni khunoqo ajuaje kivi ani eno Aghungu ngo alokütsü no chhitoi ani keno kishephe lo, nino panongu pesü hipau kümla lo süsüni.

Rommi 13:13

Ningu aküvü lo kichemi toi tsaqütsalei checheni thono ashi ghapiqi ghi shomzü moni, shupu-salha eno ghaghu-ghale shimoni, momu mtomshu eno anheshu moni nolo.

Rommi 13:3

Kughengu yepemi ye aghili-aye vimo kemi thono kivimi lau ye kiumu shikümsalu kepu kühae. No ye yepeu msa moni shi anima? Tishi aye, kiu no akivi keno ti shilo, eno pa no akishe o tsü nani,

Rommi 14:18

Ikehu khunono hitoi Khristo qeni keno Alhou zülo ikhikulupu eno timi mlokiqipu shilu ani.

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 13:7

Ikemu nongu pelo akumou shipemo nike nino Alhou vilo inikhu ani—ningu ye pekuju lo toluvae piniye ke kumoe, ikemu nino tomove ketoi aghimu kiu no achipi keno nongu pelo shipeniye ke.

2 Kor. 6:8

ajekipi eno ajeküsa lo, thogha eno sheqhe keu kümtsü lo ningu no puqhe acheni. Pishikiqhimi toi ningu peitha cheni, ikeghi ningu no kuchoue;

2 Kor. 8:18

Pa gholono athiküzüu khuu atsakiviu pikülhake ghenguno akukuhou kümtsü lo ajekipi shi acheni keno ningu no pa puwu ani.

2 Kor. 8:21

kughengu ningu kimji ye Alhou zülo likhi kumono timi zülo ghi gihuküzüpu shiniye ke.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Ephesiami 4:25

Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

Ephesiami 5:9

(Kughengu aküvü lo cheche keu lono akivipu, achipiu eno kuchou xathi ithulu cheni).

Ephesiami 6:14

Ikehu mtotoi puthugho lo, kuchou pesü apokha shilo, achipiu mikucho pesü amlaküxa shipulo,

ZAKINIU 16:20

Kuchou xakütha likhi papelo, tishianguno Ampeu nongu Lhou no nongu tsü akeu yeghi ighilu no tile xülu nani.

FILIPIAMI 3:1

Ashekha shi I thiküzümiqo, Ampeu lau no alovilo. Nongu lau atsa athoshi yeni keu lo ni ye aküküpna küha eno nongu ghengu ghi tishike.

Kolosiami 4:5

Ado akiviu peitha no khalaumi zülo alokütsü lono xüpiye lo.

1 Thes. 4:12

tishikeu lono nongu ye khuu shoumu mungube mono khalaumi zülo kithikiyi xülu nani.

1 Tim. 2:2

kükami ngo akuchuqu lakhü lo akemi ghenguno inikhu tsülo, tishikeu lono ningu ye alaghi thokha lo iqünhei eno alokughuno, Alhou sükümsa eno gihuküzüpu küxü xülu nani.

1 Tim. 3:11

Titoi pano nipuqo ghi mtsümishei kemi shimasa, kütami pipüsa kemi shimoni, ikemu tsükhüi kemi eno thokha lo pükhükulupu shimasae.

1 Tim. 3:4

Pa ye thokha lo akivishi pa kibo peithalu kemi shimasa eno pa tianuli no pa gihulu chekemi shimasae.

1 Tim. 4:12

Timi khuu pelomu no ye lhothemi kepi o jukünatha pekevilo, ikemu atsapi lo, ghushoghili lo, kikimiye lo, aküpülü lo eno mtsümishei keu küxü lo, küpülümi lau kichekipiye shilo.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

1 Tim. 5:2

topumiqo no o za toi eno ilimiqo no achepu toi mqhamqhiyi ikhilu lo.

Titus 1:8

ikemu timi sasükinimi, akivi kimiye chekemi, küsüqhi kulumi, müzüchoi kemi, akimthe eno alikhi aghasü kulumi shimasae.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Titus 2:2

Mucho layemi ye tsaqütsalei, gihuküzüpu, alikhi aghasükulu shimasae, aküpülü, kikimiye, eno kutuukulu lo mtsümishei masae.

Titus 2:7

No ampi pesü thokha lo kichekipiye kivi shipe piyelo, o kükütsü lo akikhi eno agigihupu piyelo,

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

IBRIMI 11:2

Khaghi lomi ye pano küpülü vecheo Alhou mlo kiqipu shilue.

IBRIMI 13:18

Ni ghenguno inikhu tsülo, ningu mlo ye tsüghükhüi ani kepi thebei ani, eno alaghi kümtsü lo gihuküzüpu shinike kümsü acheni.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 4:8

Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

2 Peter 3:1

Kimiye chekeqo, hi no ghuthu akiniu shi ni ye nongu lau yepuwu ani. Hi küma kini kujolo ni ye nongu ghutu ghi nongu kükümsü mtsümishei keu hakutho tsü ani,

1 John 3:18

Atianuliqo, ningu atsapi lo likhino shimoni, ikemu akümla eno kuchou lono kikimiye piyeni nolo.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

RUTH 3:11

Itehi ye msa kevilo, ninga. Nono khukeu kümtsü I no o ghenguno shitsüni, kughengu ni ghami kümtsü no no ye ameküa totimi kepi ithi anie.