FILIPIAMI 3:8 - Sumi Naga CL (Re-edited) Bible (BSI)

⁸ Kuchou loye I Mpeu Khristo Jisü ithive keu meküapu no thokha shoqa luve keu lono ni ye kütau thime ye qhoi avehu küha kepi kihivae. Pa je ghenguno ni ye thime kümtsü phevae, eno tipaqo ye tübatüzü shivae, tishianguno Khristo pesü I la shilu

BAIBEL (BSI)

⁸ Tike kumo puzu, Khristo Jisu ye iMpeu ipi ino ithilukeu huno amekushou shikelauno kutau thwokha adou kepi ino kihivae. Ikemu pa ghenguno thime kumtsu phevae eno tipaqoye xinexigha kepi kihivae tishianguno niye Khristo pesu isaxu shilunikehu

Sümi Tiqhelimi Bible

⁸ Tilikhi kumo no, Khristo Jisü ye I Mpeu kepi I no ithilu keu hu no amekushou shilu keu ghenguno, kütau kümtsü adou kepi I no kihivae. Ni ye pa ghenguno kümtsü phevae eno thime kütauqo ye xinexigha kepi kihivae, tishianguno ni ye Khristo pesü I lá shilu

FILIPIAMI 3:8 Iomraidhean Croise

KUKAMI ATUGHIU 14:10

Tighenguno julo, I no shiküpsa Jeroboam kibo lo süghi no pa lagha lo kiptimi, aqüaxemi na ililai akemi namu, I no pithive tsüni. Timi no amishiba piti pühave ketoi I no Jeroboam lagha piti pühave tsüni.

KUKAMI AKINIU 9:37

eno Jezebel sükumo no Jezreel luza lo tübatüzü toi apanaghave no khunomu, Hi ye Jezebel, ipi mlave nani.’”

JOB 20:7

pa ye alhokupuju ghenguno pa ba toi hauve nani; pa ithulu püakeqo no, ‘Pa ye khila wuve akea?’ ipi nani.

LESHELE 126:6

Khunono apiti yisü nike qa ghi xapusü wuni keno alokivishi igha ghile lupusü aki lo ideighi nani.

LESHELE 73:25

Ikemu No kumo aye kungugha lo ni ye khuu ani kea? Eno O nguno alau ni ye ayeghi lo mine kepu kühae.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

MALAKI 2:3

Julo, I no nongu tianuli lomipi no nongu kümllagho tübatüzü pesü nongu gi nudatsü nani, eno tipau gholono nongu peve nani.

AKIKIHI 14:30

I no nongu pelo khile küghüna penike tushoqhi keno, tipau yeghi lo Jephunneh nu Caleb ngo Nun nu Joshua pama kumo aye khunomu ilolu moae.

Luke 1:43

Kishino I Mpeu paza no I xuju ighilupe kepu tüqhüdo hipau I lau khaqhitsü kea?

Luke 11:20

Ikemu Alhou no au chhosü keu vecheo I no tüghami haphe aye, Alhou yekipe ye nongu lau ighivae.

John 14:20

Tipa tsalani I no I Pu lolo akeu, nongu no I lolo akeu eno I no nongu lolo akeu nongu no ithi nani.

John 14:7

Nongu no ni ithi aye I Pu ghi ithi aghini cheke. Hinguno hilauye nongu ye Pa ithivae eno Pa ithuluvae.”

John 16:3

Panongu no Apu mu ni mu mtha kehu hipaqo shinani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

John 20:13

Pama no li vilo pi, “Totimi, no ye kushiye qa ani kea?” Li no khochile, “Panongu no I Mpeu pewuvae, eno khile pa qhove akeno ni ye mthae.”

John 20:28

Thomas no pa khochile, “I Mpeu eno I Lhou!”

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Rommi 8:18

Kughengu I no thebei kiqiphelu akeu no itodolo aghime akeqo ye kiu lonomu ningu lau pephe niye akeu juküvü sasü kimhelu kepu kühae.

Rommi 8:39

ayeghi shou akeu na aqhou akeu namu, pulhoküsü thime kümtsü gholo kiu nomu ni Mpeu Khristo Jisü vecheo Alhouw kikimiye niw shiluve keu launo ningu küghüxave tsümla nani.

1 Kor. 2:2

Kughengu ni ye nongu gholo Jisü Khristo eno Pa yedave keu nguno kütau ye kiumu ithimo nike xathave.

1 Kor. 9:10

Pa ye mtsümishei ningu ghenguno pitsü anike kumo? Hi ye ningu ghenguno yepüatsü ake, kughengu alu hokide akeu ngo athi qophe akeu pama gha asaje ithuluni keu lakuju lono mla masae.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

Galatiami 1:16

Pa no I pelo Jewkumomi gholo Pa ghili pikülha peniye Pa Nu I lau pephe piyeni keu pulove kelo, paikhavi lo ni ye timi khuu vilomu kighinikile moe;

Ephesiami 4:13

Ningu kümtsü no tekhoi xükülaye luno aküpülü ngo Alhou Nu kighithi lo lakhi shi küqhalu, eno Khristo lhoaye kupukülai shi ithilu moke kutolo hitoi mla apeniye ke,

FILIPIAMI 1:1

Khristo Jisü qüaxemi, Paul ngo Timothy, no Philippi lo küpülümi khunoqo Khristo Jisü laumi shino akukuho lo kichimi eno deaconmi gholo akhani keno kümtsü lau ye ani.

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

FILIPIAMI 3:12

Ni ye hipau toluva momu kupukülai luve ake piamoe, ikemu Khristo Jisü no I pesü paw shiluve keu ghenguno ni ye azüu hawu cheni.

FILIPIAMI 3:7

Ikemu I no kiu kiu anamu Khristo je ghenguno ti ye adou kepi kihivae.

2 Tim. 4:6

Kughengu niu ye atsaizü kümllagho toi I küghape leqhi ayae, eno ni ye wuve kepu do tovae.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

1 Peter 2:7

Ikehu nongu khunono pülü cheni keno pano ghenguno hi ye agigihupu ake, ikemu pülümo kemi ghengu ye, “Akikishimi no kileqhive keu tuqu huno atsükupu tuqu shive aghi,”

2 Peter 1:2

Alhou eno ni Mpeu Jisü ithikuthulu keu vecheo nongu lau küpükini eno aloino keu küghüsülu apeniu.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

2 Peter 1:8

Kughengu ameküapu hipaqo pesü nonguw shilu no kighishelu aye, nongu ye ni Mpeu Jisü Khristo kighithi lo khilemu qeinai eno amekühave monani.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

1 John 1:3

Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.