FILIPIAMI 3:2 - Sumi Naga CL (Re-edited) Bible (BSI)

² Khunono alhoksa kümla, aphi-ashi ghakütha khuaye pecheni keno, ti atsüqo tsükhüi jukuto alo.

BAIBEL (BSI)

² Kusakugha shichekeqo, ti atsuqo jukuto alo, ti aphi ashi ghathamasa kepi pichekeqo jukuto alo.

Sümi Tiqhelimi Bible

² Ti atsǜqo, küsakügha kümlà shi chekeqo, eno aphighüyiko ghamasa ipi chekemiqo jukuto lo.

FILIPIAMI 3:2 Iomraidhean Croise

LESHELE 119:115

I launo chevelo, nongu alhoksa kümlami, tishiaye ni ye I Lhou zakütsü papelu nani.

LESHELE 22:16

Kughengu atsüqo no I sühope ani; küsakügha kümlami loji no I botha luvae; panongu no I u eno I pukhu qhuqhive tsüae—

LESHELE 22:20

Azütakikihi lono I ngulho xaphe tsülo, atsü kumto launo I küxü mekusho xaphe tsülo!

AHOLE 26:11

Atsü no idewo pa no mughuve keu chuche ketoi mbomzümi ye anguno anikha kümla shi-ide acheni.

MATTHEW 24:10

Kutomo no aküpülü pheve nani, lakhino lakhi thechu nani, eno lakhino lakhi jumithi nani.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

MATTHEW 7:6

“Thime kiu no akimthe keno pesü atsüqo tsü kevilo, eno mlapuchi pesü awoqo zülo veqhitsü kevilo, tikumo aye tipaqo no kütsave tsüno nongu mikiqhi nosae.

Rommi 2:28

Kughengu khunomu ashou likhino Jewmi kepi pimlae, tikumo no aphighüyiko kügha ye ashou aphi lo vehuke kumoe.

2 Kor. 11:13

Kughengu timi titoi keqo ye kichile apostolmiqo, pishikiqhi kümlami, Khristow apostolmi ghilishi chekeqo ke.

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Galatiami 5:15

Ikemu nongu no lakhino lakhi mikiqhi eno ghüzakile aye lakhino lakhi kütsave moni mala jualo.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

1 Tim. 1:19

aküpülü tsüqüpe eno akükümsü mtsümishei peniye ke. Timi khami ye hipaqo milive keu lono pano küpülü shipüsavae.

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

2 Peter 2:22

Kuchou holetsa no kiu pive akeno pano lau shikupuvae: “Atsü no puquleve no idewo ti chuve cheni, eno awo no azü kuchhuve kethiuno idewo aniba lo ihi cheni.”

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.