FILIPIAMI 3:1 - Sumi Naga CL (Re-edited) Bible (BSI)

¹ Ashekha shi I thiküzümiqo, Ampeu lau no alovilo. Nongu lau atsa athoshi yeni keu lo ni ye aküküpna küha eno nongu ghengu ghi tishike.

BAIBEL (BSI)

¹ Ithikuzumiqo, ashekhashi Ampeu no nongu loshipivitsu pelo. Ino pive keu yekithenike niye kiumu azukuzu kuhae, tiye nongu ghenguno akivipu ke.

Sümi Tiqhelimi Bible

¹ I thiküzümi eno I chelimiqo, tinguno alau no Ampeu lono alovishelo! I no pive keqo itaghi atho nongu lau yè kithe aní keu I ghenguno kushokütsü kumoe, eno tiye nongu ghenguno sükushopu lakhi ke.

FILIPIAMI 3:1 Iomraidhean Croise

YEKIKITHI ATUGHIU 15:28

Hitoi shino Israelmi kümtsü no iqhaighu akibo, afuko, küghapayi, aheo, eno küghaküsü lebo ghügha gholono ale phesü Ampeuw Puloshoqhi Bohu peighi luve.

YEKIKITHI ATUGHIU 16:10

Pa kimthe jelo ajuküvüpu shilo; Ampeu phukemi no alovilo!

YEKIKITHI ATUGHIU 29:22

Tipa tsalani Ampeu zülono panongu no shishe alokivishi chushove. Tishino panongu no David nu Solomon pesü akükau shi ghuthu akiniu veküpha, eno Ampeu ghenguno yepeu kepi pa nukishe, eno Zadok pesü achineu shive.

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

JOB 22:26

Kughengu no ye Akughushuu lau o züküvü auve nani eno teqhitelei o gi peqhelu nani.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 32:11

O amikuchomi, Ampeu lau alokiqi shino alovilo, eno nongu amlo kümzümiqo, alovi ighamku lo.

LESHELE 33:1

Ampeu lau alovi ighamku lo, O nongu amikuchomi! Akümzümi shekiqhe ye aküzüpue.

LESHELE 37:4

Ampeu lau o züküvü alo, eno Pa no o mlo no pulo akeu pesü o tsü nani.

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 5:11

Ikemu O launo sükusho luche kemi kümtsü alovilu pelo; panoqo pelo alhokuthu alovi alephe pelo, eno Ow sükusho no panoqo khonha luvelo, tishikeu lono O je kimiye chekemi pelo alovilu pelo.

LESHELE 97:1

Ampeu no ayepe ani, ayeghiqha pelo alovi pelo; züdoyeghi kutomo akeqo pelo alokivishi pelo.

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 65:14

Julo, I qemiqo no amlo lono alokivi le phe nani, ikemu nongu ye amlo sakütü ighaqa nani, eno alolo itapinyi mloqa nani.

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

ZEFANIA 3:14

Igha ale phelo, O Zion limi; ighalo, O Israel! Alovilo eno o mlo kuchopu süno ilhe alovilo, O Jerusalem limi!

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

ZEKHARIA 10:7

Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

Luke 1:47

eno I ghungu no Alhou I Xakuluu lau alovi ani,

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Ephesiami 6:10

Ashekhashi, Ampeu küka kumto lono mtotoi shilo.

ZAKINIU 12:18

ikemu tipaqo ye nongu eno no tianuli, no qemi eno Levimi no phughi lo akemi sasü kümtsa Ampeu nongu Lhou no kishetsü keu-a lo wuno Pa zülono chuni. Tishino nongu ye thokha ghenguno Ampeu nongu Lhou zülono alovini.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

FILIPIAMI 4:4

Alhokuthu Ampeu lono alovilo, I no itaghi pini: alovilo!

FILIPIAMI 4:8

Ashekhashi athiküzümiqo, kiu no kuchou, kiu no gihuküzüpu, kiu no achipiu, kiu no tsüghükhüi, kiu no juviqhiyi, kiu no ashepe tsüküzü keno, akighiche eno sheqhe küzüpu aghi aye, thime tipaqo shou kümsü puku alo.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

1 Thes. 5:16

Alhokuthu alovilo,

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

2 Peter 3:1

Kimiye chekeqo, hi no ghuthu akiniu shi ni ye nongu lau yepuwu ani. Hi küma kini kujolo ni ye nongu ghutu ghi nongu kükümsü mtsümishei keu hakutho tsü ani,

SAMUEL ATUGHIU 2:1

Hannah no akighini shino pi, “I mlo no Ampeu lau alovi ani; I kibo no Ampeu sheqhe ani. I kichi no I ghümiqo junu ani, kughengu I no Ow xakulu lo alovi anie.