FILIPIAMI 2:27 - Sumi Naga CL (Re-edited) Bible (BSI)

²⁷ Pa ye kuchou no thiveni keshi süve. Ikemu Alhou no pa lau kimiyekini ake, pa lau likhi kumono I lau ghie, tikumo aye ni ye amloghime no amloghime kibeveni cheke.

BAIBEL (BSI)

²⁷ Kuchouno paye akithi kumlhoshi suveke, ikemu Alhou no pa shou kimiyekeu qhitsuke; pa shou likhi kumono ishou ghike, tishikeu lono ipelo amlo ghimeno kishekibe pemoniyeke.

Sümi Tiqhelimi Bible

²⁷ Kuchou no pa ye sǜ ake, eno kitila kumo thiveni che ghí ke. Ikemu Alhou’w kimiyekini pa shou ake, eno pa likhi kumo no I shou ghí atsü ke. Tishi keu vechewo I mloghime shou amloghime veqabe pemo ke.

FILIPIAMI 2:27 Iomraidhean Croise

KUKAMI AKINIU 20:1

Tipa ghuloki lo Hezekiah ye süuve eno thiveni keshive. Tileno Amoz nu tungkupu Isaiah no pa lau ighi no pi, “Ampeu no ishi piani, ‘Kutokughoi luvelo, kughengu no ye thive niae; no ye vilumo nani.’”

JOB 5:19

Pa no aküküpna tsügho lono o xaphe luve nani; iyei akütsüniu loye alhoksa no o bumo nani.

LESHELE 34:19

Amikuchomi ghime kitikhi ye kutomoe, ikemu Ampeu no ti kümtsü lono pa xaphelu cheni.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

ISAIAH 38:17

Kuchou no I no kukhukimji kije sholu keu ye I kivipu akehu kena; Nono I kimiye kelauno akumo ki lono I küxü xaphe tsüno I xine kümtsü pesü O thiu vepuwove tsüe.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

JEREMIYA 10:24

Kuchou xakütha lono I shikithe tsülo, O Ampeu; O mlokighide lono kumoe, ni ye kiumu kumove nosake.

JEREMIYA 45:3

Nono pike, ‘Ni ye ahaküsapue! Kughengu Ampeu no Iw shiluküsa lo aghime süküphave tsüae. Ni ye aghime ghügha no lhovae eno akulhoqhi mlavae.’

JEREMIYA 8:18

I lokivi ye chevae; amloksa I shou ikughi ani; I mlo no aghime shi ani.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

Apostolmi 9:37

Tipa ghuloki lo li ye süve no thive. Li kumo qhuve no kunguu chebo lo qhipüa.

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

2 Kor. 2:7

ikehu itehi ye nongu no idewo pa kipimi peve tsüno pa lokughuno tsülo, tikumo aye amloksa no pa mhoqhive nosake.

FILIPIAMI 2:26

kughengu pa ye nongu kümtsü kümsü kütüve eno nongu no pa ye süani pi chiluve keu huno amlosa ighivae.

FILIPIAMI 2:28

Ikehu ni ye pa puwu nishi keu no alau khekulhoshi ani, ti ye nongu no itaghi pa ithulu kelo alovi peniye, tishikeu lono I mlo kütakihi akeu kümghülu nani.

FILIPIAMI 2:30

kughengu nongu no I kuphu khawo tomlano akeu kümla kupuve tsüniye pa ye kümsapu kutolo sholu ghi Khristo kümla ghenguno thiveni cheghi ke.