FILIPIAMI 2:15 - Sumi Naga CL (Re-edited) Bible (BSI)

¹⁵ tino nongu pelo akuaye kühano tsüghükhüi shilu, ihoghülai eno chighichilai keu tiqheli lo tukutiye kühano Alhou tianuli shi ayeghi lo aküvü toi vülupe nani,

BAIBEL (BSI)

¹⁵ tishianguno nonguye jekujeli kuhano viwotokulumi shipe nike, eno chighi chilaikemi ngo kusakughami gholo tukutiye kuhakemi Alhou nuliqo shipeniyeke. Nonguye ayepuqono yevuqai aketoi panongu gholo ayeghilo yepuvu masae,

Sümi Tiqhelimi Bible

¹⁵ tishianguno nongu pelo tukutiye küha no akimthe shi püzü, “tuchighi keu eno küsakügha tiqheli lo Alhou nuli akipimí küha keqo,” shilu pe nani. Tisheno nongu ye panongu gholo atsütsǘ lo ayepuqo toi vüipeghi nani.

FILIPIAMI 2:15 Iomraidhean Croise

LESHELE 122:5

Tilehi küghakütha kükalakhüqo ghope qhike, ti ye David laghami kükalakhü ke.

IPEKULU 34:35

Israelmi no pa gi küvü ithulu che. Moses no Alhou sasü küptsa moke kutolo agikünha pesü pa gi nhave che.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

AHOLE 8:8

I kichi lo tsa ye amikucho likhi eno kiumu tuchighive momu sabideve keu kühae.

ISAIAH 60:1

Ithu no yepüvü lo, kughengu o küvü ye ighivae, eno Ampeu juküvü ye o shou yepüvü ani.

DANIEL 6:4

Ikelo hiyampemi ngo yepemi no kükaqha vehulo Daniel shou muchho niye alaghi phuju, ikemu panongu ye akumchho momu akipimi tsükulupu laghi kiumu kühave, kughengu pa ye pükhükulupu eno pa lolo akipimi momu küqü keu kiumu ithulu moe.

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

MATTHEW 17:17

Jisü no khochile, “Nongu aküpülü küküha eno chighichilai keqo, ni ye khitohi nongu sasü amasa kea? Ni ye khitohi nongu gholo anani kea? Pa sasü hila ighilo.”

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

John 5:35

John ye iqü akeu eno vüqai akeu kulu eno nongu no pa küvü lo ado hami alovini ke puloe.

Apostolmi 2:40

Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

Rommi 16:19

Nongu no aghokulu shiche keu ye kümtsü kighithi kehu ni ghi nongu shou amloqi cheni, ikemu ni ye nongu pelo kiu no akivi keno tipau lo alotsü kithelu eno alhoksa loye kiumu mthamithe keu shive penishie.

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

2 Kor. 6:17

Ikehu panoqo launo ipevelo eno pano launo kütüta shivelo, ipi Ampeu no pi, eno mithekumo kiumu bu kevilo, tileno I no nongu ikhilu nani,

Ephesiami 5:27

eno akukuhou pesü tukutiye momu jekujeli kiumu kühano jukighilepu shi tsüghükhüi eno akimthe shi paw shiniye ke.

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

FILIPIAMI 1:10

tishianguno kiu no akighiche keno nongu no kishelu no Khristo Tsala loye mqhamqhiyi eno tukutiye küha püzü

FILIPIAMI 3:6

achineye lo amlotsü keu tsa loye, akukuhou kijiküpsau; eno Ayezah qholono amikucho shikeu loye tukutiye kühae.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

1 Tim. 3:10

Panongu pesü puju paghi masae; tishino achipishi kethiuno deacon kümla shipe masae.

1 Tim. 3:2

Kughengu akukuho lo sakiphemi ye akipimi kükühami shimasae, anipu lakhi akemi shimasa, tsükhüi kemi, alikhi aghasülu kemi, gihuküzümi, inami sasükinimi, eno shikathi kemi shimasae,

1 Tim. 5:14

Ikehu ni ye chimemi lhotheqo pelo külave no atianuli auve penishi eno akibo peithauve penishie, tishikeu lono ni ghümi no ni lhoksa pimo nani.

1 Tim. 5:20

Khunono axine lo acheni keno, mishi zülono sakiyi lo, tishianguno kütami no msave nani.

1 Tim. 5:7

Akükütsü tsa hipaqo ghi pesü azah tsülo, tishianguno panoqo ye akipimi kiumu küha nani.

Titus 1:6

Kichimi lakhi ye tukutiye küha kemi, anipu lakhi akemi, pa tianuli ye küpülümi shimasae, eno ghasü kümla momu aghokulu kumo shimoni.

Titus 2:10

küzükugho shimono aküpülü kivi piyelu masae, tishianguno panongu no thokha lo Alhou ni Xakuluu külütsa jukighilepu shitsü nani.

Titus 2:15

Thime hipaqo pe sheshulo; eno kükagha kümtsü pesü shikumto no sakiyi lo. Timi khuu pelomu o jukünatha pekevilo.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.