FILIPIAMI 1:7 - Sumi Naga CL (Re-edited) Bible (BSI)

⁷ Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

BAIBEL (BSI)

⁷ Nongu kumtsu ghenguno ino hitoi kumsupu akeuye achipi ke, kughengu nonguye pulhapuju imlolo achenike. Kughengu ino itehi akughu shiakelo ngo ino atsakiviu susho eno iyiqhi kumto chekelo ghi nongu kumtsuno igholo Alhou kupukini kusajejukemike.

Sümi Tiqhelimi Bible

⁷ I no nongu kümtsü ghili hipau ghola lono kümsü akeu achipi ke, kughengu nongu ye I mlo lo ani, ike I tsüghape aghina momu atsakiviu süsho eno shikumto aghí namu nongu kümtsü no I gholo Alhou’w küpükini küsaje anike.

FILIPIAMI 1:7 Iomraidhean Croise

Apostolmi 20:23

Aphughi kümtsü lo Aghungu Kimthe no akughukishi eno shiluküsa no I khe akeu kütüghü ani.

Apostolmi 21:33

Zatsüu no ighi no Paul küghape ayikichhe kini pesü pa tshüve lopi azah tsü. Pa no Paul ye khuu eno kiu shive keno ighiju.

1 Kor. 13:7

Kikimiye ye kümtsü kutuulu cheni, kümtsü pülübe cheni, kümtsü lajube cheni, kümtsü puqhelu cheni.

1 Kor. 9:23

Ni ye atsakiviu ghenguno hi kümtsü shicheni, tishianguno panongu gholo ni ghi tipau kükümgha küsaje niyeke.

2 Kor. 3:2

Nongu ampi no niw ashepekütsü, ni mlo lo yepüa keu yesü, timi kümtsü no ithi eno phipeni keu ke.

2 Kor. 7:3

Ni ye akipimi nongu tsüniye hipa tsa piamoe, ti ye I no püzüu no pive ketoi, akithi mu aküxü mu ningu kümtsani ke nongu ye ni mlo lo anie.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Ephesiami 3:1

Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 6:20

hi ghenguno ni ye akughu shi akeu lashikami ke. I pelo msaighü mono pi apenike inikhu tsülo.

FILIPIAMI 1:12

Athiküzümiqo, ni ye nongu pelo ithi penishi ani, I lau kiu shive keno kuchou loye tiuno atsakiviu pekholu kepu shive,

FILIPIAMI 1:13

tishikeu lono kükaki lo ghukhemi eno kütami ghi I no akughushi akeu ye Khristo ghenguno kepi ithi khavae.

FILIPIAMI 1:14

Eno I no akughu shikeu lono athiküzümi kutomo no Ampeu lau pükhübe luve kehu itehi ye msa mono Atsa pikülha nike alau mto kithe ani.

FILIPIAMI 1:5

kughengu atsakiviu kümlapu huthuke tsala lono ishi kutolo nongu no atüna kivishi kutupo tsüke.

FILIPIAMI 2:22

Ikemu nongu no Timothy philo akeu meküa ithi ani, kishi anu no apu sasü mla cheni keno, pa no titoi atsakiviu kümlapu lo I gholono hukuthu kümla shi ighike.

FILIPIAMI 4:14

Ikeghi nongu no vethakulu shi I veküsa lo kuphu tsüke.

FILIPIAMI 4:15

Nongu Philippimi ampi no akivishi ithi anike atsakiviu pikülha tüghü lo kughou I no Macedonia qhive keno, nongu likhino kumo aye khuno kukuhou mu I sasü kütüna no tsüje eno ikhilu püamoe.

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

Kolosiami 4:18

Ni Paul, no I u ampi no ye ani, I yikichhe kümsülu lo. Alhouw küpükini no nongu gholo apeniu.

Kolosiami 4:3

Tipau gholono ni ghengu ghi inikhu tsülo, tishianguno atsakiviu ghenguno Alhou no ni lau ahukikha khaqhi tsüno Khristow tuqhou pesü sheshulu peni, hi ghenguno ni ye akughu shi ani.

1 Thes. 5:5

Kughengu nongu kümtsü aküvü tianuli, tsüküvü nuliqo ke. Ningu ye putho momu aküzü laumi kumoe.

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

Philemon 1:13

Ni ye amlokiqi shi I gholo pa qhinishi ae, tishianguno I no atsakiviu ghenguno akughu shi akelo o züqhushi pa no I kuphutsü peniye ke,

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

2 Peter 1:13

I ghengu ye I no xüake tivilo nongu ghutu ghi xukutho puthuni keu ye achipi ke,

1 John 3:14

Ningu ye akithi hechesü aküxüpu lo ipeghivae pi ithi ani, kughengu ningu no athiküzümi kimiye acheni ke. Khunono kimiye kile chemo keno akithipu lo anie.