FILIPIAMI 1:28 - Sumi Naga CL (Re-edited) Bible (BSI)

²⁸ thono kiu lonomu nongu mjochile chekemi pelo shikümsave penishi amoe. Hi no panongu kütsaveni keu michipue, ikemu nongu ghenguu ye hi no Alhou launo ighikeu xakulupu ke.

BAIBEL (BSI)

²⁸ Kiulonomu nongu ghumi pelo nongu shikumsavepe kevilo. Panongu kutsave nikeu michipuye tipaulo anike, ikemu Alhou kudauno tiye nongu xakulupuke.

Sümi Tiqhelimi Bible

²⁸ Kiu lonomu nongu lachile akemiqo pelo nongu shikümsave pe kevilo. Hiye panongu kütsave nikeu michipu ke, ikemu nongu ye Alhou no xaluve nani.

FILIPIAMI 1:28 Iomraidhean Croise

BOTHUBO 49:18

Ow xakulupu I no ngokhe anie, O Ampeu.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

Mark 3:3

Jisü no au kithiu vilo pi, “Hilau ighilo.”

Luke 3:6

eno timi kümtsü no Alhouw xakulu ithulu nani.’”

John 16:8

Kughou pa no ighini keno, pa no axine ngo amikucho eno küghaküthapu pesü ayeghilomi kipimi phunani:

Apostolmi 28:28

Tighenguno hi ithilo, Alhouw xakulu huye Jewkumomi lau puwuvae; panongu no chilu nani.”

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

1 Thes. 2:2

Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

IBRIMI 13:6

Ikehu ningu ye amlo kumtoshi pilu nani, “Ampeu ye I kukuphuu; Ni ye msavemo nani; Timi no I lau kiu shiluni kea?”

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.