FILIPIAMI 1:22 - Sumi Naga CL (Re-edited) Bible (BSI)

²² Tsala I no ashi phimpi lono xü akepushi aye, I ghenguno ti ye athi pithilu kepu kümla shi amasa keu ke. Tishimu ni ye khikhiu kishe kepu keno pilu amoe.

BAIBEL (BSI)

²² Ikemu xuape kepushi aye, niye ame kuapu kumla alau shilu ananike. Ike khikhiu kishelu kepu keno niye pimlae.

Sümi Tiqhelimi Bible

²² I no xü akepu shi aye, ni ye Khristo ghenguno alá shikulupu kümlà shi anani ke. Tishiaghi namu ni ye khikhiu kisheni kea? Ni ye pi mülae!

FILIPIAMI 1:22 Iomraidhean Croise

BOTHUBO 21:26

Abimelek no pi, “Khuu no hipau shi keno ni ye mthae; no ye I vilo pimoe, eno ni ye ishi kutolo hi chilu mphie.”

BOTHUBO 39:8

Ikemu pa no milive no pa mpeu nipu vilo pi, “Julo, I ghenguno I mpeu ye akibo lo kiu vehumu mlomo no ani, eno pa no pighi akeu kümtsü Iw jukükütsü qholo qhive tsüae.

LESHELE 71:18

Ikehu I no kitemi shive no asa mpave namu O küka pesü ighini keu tiqhelimi vilo sheshulu moke kutolo I pheve kevilo, O Alhou.

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

Apostolmi 3:17

“Ikehu athiküzümiqo, I no ithi anike now yepemi toi nongu ghi mthano mlavae.

Rommi 1:13

Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

Rommi 11:2

Alhou ye Paw timi khunoqo Pa no azünatha ghi ithi akeno tipaqo kileve mphi. Nongu ye Kuchoyesü lo Elijah ghili kiu pi püani, kishi pa no Israelmi lachile Alhou lau muchho keno mtha keshea?

2 Kor. 10:3

Ningu ye ashi lono xüaghi namu ashi gholau no aghüshi chemoe.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

FILIPIAMI 1:24

ikemu nongu vehupu ghenguno xüaghi masa keu huno alau akhotou shive ani.

Kolosiami 2:1

Nongu eno Laodicea lo küami ngo khunoqo I sasü kusholu mphi keno, ni ye nongu ghenguno ime mla akeu nongu pelo ithi penishi ani,

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.