FILIPIAMI 1:17 - Sumi Naga CL (Re-edited) Bible (BSI)

¹⁷ Ikemu amqo atüghüu ye pütüta kimjiu xapu ani thono kuchou mlo xapu Khristo sheshu chemo kehu I no akughushi akelo itaghi I kijipüsani keu kümsü cheni.

BAIBEL (BSI)

¹⁷ Ikemu kutamiqoye amikucho lono kumono alikhi ampi kuloghipu mlo xapusu Khristo pikulha cheni, eno ino akughu shiakelo alau ighimeqhi nikeu kumsu cheni.

Sümi Tiqhelimi Bible

¹⁷ Anhekushu eno kumgho ke láu no Khristo ghili pesü kütsü chekemiqo ye kuchou no kumo no alakimine ju-aje ghenguno Khristo ghili pesü kütsü cheni ke, tiye I no akughuki lo ake dolo no panongu ye I ghenguno aküküpüna xukutho phelu nani küghashi shiju ke.

FILIPIAMI 1:17 Iomraidhean Croise

Luke 21:14

Tighenguno nongu ye azünatha ghi kishi khochile nani kelapi kümsütho pemoni ke itehi no ithilo.

Apostolmi 22:1

“Athiküzümi eno apunoqo, I no nongu zülo I shokükha tsa pinike inilo.”

Apostolmi 26:1

Ikehu Agrippa no Paul vilo pi, “O ghenguno pilu penike azah tsü ani.” Paul no pa u sükhope pa shokükha tsa pi:

Apostolmi 26:24

Pa no hipaqo pi ghi pa shokha ake lono, Festus no asütsa kuloghi lono pi, “Paul, no ye o kükümsü aphi ije amovae, o kighithi kighiche no o kükümsü o shiküghüzüvae.”

Rommi 2:8

ikemu aghükha shi alikhi asala phu eno kuchou gholumo püzü amikuchokumo gholu chekemi ghengu ye aloghu eno axukighide anani.

FILIPIAMI 1:18

Tishiaye kiu pinia? Amqükini momu kuchou, khikhiu lono shi aghimu ala thokha lo Khristo pesü sheshu keu no ni ye alovi ani. Iyei, ni ye itaghi alovi anani,

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

FILIPIAMI 2:3

Alikhi asala kümsü keu momu ameküküha juaje pesü kiumu shikevi, ikemu aqhokigheu shino kütamiu no nongu nguno akiviu kepi kihilo.

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

2 Tim. 4:16

Iw sükusho tsa kükügha atüghüu loye khunomu I gholo puthugho move, kümtsü no I qhive. Alhou no pano nguku pemoniu!